Iran's Nuclear Attack Warning on Trump's Ultimatum
US Iran War : फक्त ४८ तास…! ट्रम्प यांचा इराणला अंतिम इशारा; जगाची धाकधूक वाढली, आता युद्ध अटळ?
डोनाल्ड ट्रम्प (Donald Trump) यांनी ट्रुथ सोशल मीडियावर इराणला ४८ तासांचा अल्टीमेटम दिला आहे. या वेळी इराणने अमेरिकेशी शांतता करारावर स्वाक्षरी करावी किंवा धोरणात्मकदृष्टीने महत्त्वाचा असलेला स्ट्रेट ऑफ होर्मुझ (Strait of Hormuz) मार्ग आंतरराष्ट्रीय वाहतूकीसाठी खुला करावा अन्याथा विनाशकारी हल्ल्यांना सामोरे जावे लागेल असे म्हटले आहे.
ट्रम्प यांच्या धमकीला प्रत्युत्तर देताना इराणच्या खातम अल-अंबिया सेंट्रल हेडक्वार्टरचे जनरल अली अब्दुल्लाही अलीबादी यांनी ट्रम्प यांची धमकी, मूर्खपणाची, हताश आणि असंतुलित असल्याचे म्हटले आहे. इराण कोणत्याही धमक्यांना बळी पडणार नाही असे त्यांनी म्हटले. तसेच त्यांनी याउलट अमेरिकेसाठी नरकाचे दरवाजे उघडतील असे म्हटले आहे.
दरम्यान याच वेळी इराणच्या राजधानी तेहरानमधील बुशहर न्यूक्लिय पॉवर प्लांटवर अमेरिका-इस्रायलच्या कथित हल्ल्यावरही इराणने प्रतिक्रिया दिली आहे. इराणने अणु हल्ल्याची भाषा केली आहे. इराणचे परराष्ट्र मंत्री अब्बास अराघची यांनी म्हटले आहे की, या हल्ल्यांमुळे रेडिओएक्टिव्ह फॉलआऊट झाला, तर याचा केवळ इराणचे नव्हे, तर सौदी अरेबिया, यूएई, कुवेत, बहरीन, कतार आणि ओमान यांसारख्या आखाती देशांना गंभीर परिणामांचा सामना करावा लागेल. यामुळे जनजीवन विस्कळीत होईल. यावरुन इराण त्यांच्यावर हल्ला झाल्यास प्रत्युत्तरात अणु हल्ला करण्याची शक्यता असल्याचे संकेत मिळत आहे.
याच वेळी ट्रम्प यांनी अमेरिकेत कारवाईचा बडगा उगारला आहे. इराणशी संबंधित चार व्यक्तींचे ग्रीन कार्ड आणि व्हिसा रद्द करण्यात आला आहे. दोन व्यक्तींना ताब्यात घेऊन त्यांना हद्दपारीचे आदेश देण्यात आले आहेत. याशिवाय २०२० मध्ये अमेरिकेच्या ड्रोन हल्ल्यात मारले गेलेले कासिम सुलेमानी यांच्या नातेवाईकासह त्यांच्या मुलीलाही अमेरिकन एजन्सींनी ताब्यात घेतली आहे.
सध्या अमेरिका (Ameirca) इराण (Iran) तणाव वाढतच चालला आहे. मध्यपूर्वेत युद्धाचे ढग अधिक गडद झाले आहेत. यामुळे आखाती देशांमध्येही धोक्याची घंटा निर्माण झाली आहे. जागतिक तेल आणि गॅस पुरवठाही धोक्यात आला आहे.
.png "Videos"){kind=small}
