US-Israel Iran Ceasefire : युद्धविराम नाहीच! इस्रायलने इराणच्या अटी मान्य करण्यास दिला नकार ; मध्यपूर्व पुन्हा पेटणार? (फोटो सौजन्य : सोशल मीडिया)
पाकिस्तानच्या मध्यस्थीने झालेल्या हा या कराराचे जगभरात स्वागत करण्यात येत आहे. मात्र इस्रायलचे पंतप्रधान बेंजामिन नेतन्याहू (Benjamin Netanyahu) यांनी एक मोठी अट घातली आहे. त्यांनी इराणसोबतच युद्धविराम लेबनॉनमध्ये लागू होणार नाही आणि हिजबुल्लाविरोधात लष्करी अभियान सुरुच राहिल असे म्हटले आहे. यामुळे जास्त जागतिक स्तरावर पुन्हा खळबळ उडाली आहे. यामुळे इराण संतप्त होऊन पुन्हा आक्रमक होण्याची शक्यता आहे.
ट्रम्प यांनी सोशल मीडियावर युद्धविरामाची घोषणा केली होती. यावेळी त्यांनी इराणला स्ट्रेट ऑफ होर्मुझ (Strait of Hormuz) खुला करण्याचा आणि आणि हल्ले थांबवण्याचा इशारा दिला. तसेच अमेरिका देखील इराणवरील हल्ले दोन आठवड्यांसाठी थांबवत असल्याचे म्हटले आहे. दुसरीकडे इराणने देखील त्यांच्यावरील हल्ले थांबवल्यास होर्मुझ खुला केला जाईले हे स्पष्ट केले. तसेच इराणने देखील संरक्षणात्मक कारवाया थांबवल्या जातील, असे म्हटले.
दरम्यान इराणने अमेरिकेसमोर १० कलमी प्रस्ताव मांडला होता. यामध्ये इराणने मांडलेल्या अटींवर पाकिस्तानच्या इस्लामाबद येते १० एप्रिलपासून चर्चा सुरु होणार आहे. परंतु इस्रायलने या अटी मानन्यास नकार दिला आहे. इस्रायलला हिजबुल्लाहवरील कारवाया थांबवण्याचा कोणताही हेतू नसल्याचे स्पष्ट केले आहे. पंतप्रधान नेतन्याहू यांच्या कार्यलयाने जारी केलेल्या निवेदनात सांगण्यात आले आहे की, इस्रायल (Israel) ट्रम्प यांच्या निर्णयाला पाठिंबा देतो, परंतु लेबनॉनमधून माघार घेणार नाही. हिजबुल्लाह इस्रायलसाठी थेट धोका असल्याने लेबनॉनवरील हल्ले थांबवणार नसल्याचे नेतन्याहूंनी स्पष्ट केले आहे.
सध्या इस्रायलच्या लेबनॉनमधून माघार घेण्यास नकार दिल्याने मोठी खळबळ उडाली आहे. ट्रम्प यांच्या युद्धबंदीच्या घोषणेनंतर इस्रायलचे हल्ले सुरुच असल्याचे इराणनेही म्हटले आहे. यामुळे युद्धबंदीबाबत पुन्हा अनिश्चितता निर्माण झाली आहे. शिवाय इराणने देखील त्यांच्यावरील कारवाया न थांबल्यास पुन्हा जास्त ताकदीने प्रत्युत्तराची धमकी दिली आहे. तर दुसरीकडे इस्रायलच्या लेबनॉनवरील ठाम भूमिकेने पेच निर्माण केला आहे. यामुळे सध्या युद्ध पुन्हा भडकणार का? असा प्रश्न निर्माण झाला आहे.
