.png "Videos"){kind=small}
US strikes Iran nuclear sites : इराण आणि इस्रायलमधील युद्ध भडकले असतानाच अमेरिकेने थेट हस्तक्षेप करत इराणवर जोरदार हवाई हल्ला चढवला आहे. अमेरिकेचे माजी राष्ट्राध्यक्ष डोनाल्ड ट्रम्प यांनी स्वतः याची माहिती देत सांगितले की, इराणमधील तीन महत्त्वाच्या अणु तळांवर हल्ला करून त्यांना उद्ध्वस्त करण्यात आले आहे. या कारवाईत अत्याधुनिक B-2 स्टील्थ बॉम्बर्स आणि टोमाहॉक क्षेपणास्त्रे वापरण्यात आली. या हल्ल्यानंतर पश्चिम आशियामधील तणाव अधिक वाढला आहे.
इराणमधील तीन अणुस्थळांवर हल्ला
अमेरिकेच्या या कारवाईत इराणमधील फोर्डो, नातान्झ आणि इस्फहान या अणु तळांवर जोरदार बॉम्बवर्षाव करण्यात आला. ट्रम्प यांनी सोशल मीडिया प्लॅटफॉर्म Truth Social वर पोस्ट करत सांगितले की, इराणच्या अणु कार्यक्रमाला मोठा आघात दिला गेला आहे. या हल्ल्यात 6 B-2 बॉम्बर्स सहभागी होते, ज्यांनी फोर्डोवर एकट्याने 30 टन बॉम्ब टाकले. नातान्झ आणि इस्फहान येथे सुमारे 30 टोमाहॉक क्षेपणास्त्रे डागण्यात आली, जी 400 मैल दूर असलेल्या पाणबुड्यांमधून लॉन्च करण्यात आली होती.
हे देखील वाचा : World Rainforest Day : पुढील 100 वर्षांत पर्जन्यवने होतील गायब; भारतातील ‘या’ ठिकाणी घेता येईल आजही स्वर्गसुखाचा अनुभव
B-2 बॉम्बर्स – अमेरिकेची अघोषित अणुकवच
B-2 बॉम्बर्स हे जगातील सर्वात घातक आणि अदृश्य लढाऊ विमाने मानले जातात. याचे पंखासारखे संपूर्ण शरीर आणि रडारवर न दिसणारी रचना यामुळे शत्रूच्या लक्षात न येता हे विमान अत्यंत अचूकपणे लक्ष्य नष्ट करू शकते. याचे उड्डाण अंतर 11,000 किमी असून, इंधन भरल्यानंतर ते 19,000 किमी पर्यंत उड्डाण करू शकते. हे विमान 12 किलोमीटर उंचीवरून हल्ला करू शकते आणि जमिनीखाली 60 मीटरपर्यंत भेदक शक्ती दाखवू शकते. अमेरिकेकडे सध्या केवळ 20 B-2 बॉम्बर्स आहेत.
टोमाहॉक क्षेपणास्त्रांची अचूकता
टोमाहॉक हे अमेरिकेच्या नौदलातील सर्वात विश्वासार्ह लांब पल्ल्याचे क्रूझ क्षेपणास्त्र आहे. याची मारा क्षमता 2,400 किमी (1,500 मैल) पर्यंत असून, याचा वेग ताशी 885 किमी आहे. पाणबुडी किंवा युद्धनौकेवरून सोडले गेलेले हे क्षेपणास्त्र अत्यंत अचूकतेने आपल्या लक्ष्यावर आदळते. हे क्षेपणास्त्र इराणच्या अणु प्रकल्पांना निष्प्रभ करण्यासाठी प्रभावी ठरले आहे.
डोनाल्ड ट्रम्प यांचा थेट इशारा
या कारवाईनंतर डोनाल्ड ट्रम्प यांनी पत्रकार परिषद घेत सांगितले की, “आम्ही इराणच्या तीन अणु तळांवर यशस्वी हल्ला केला आहे. जर इराण शांत बसला नाही, तर आमच्याकडे अजून लक्ष्ये आहेत.” त्यांनी पुढे स्पष्ट केलं की, “इराणसमोर दोनच पर्याय आहेत – शांतता किंवा संहार.”
युद्धाचा संभाव्य विस्तार?
या हल्ल्यानंतर इराणकडून अद्याप कोणतीही अधिकृत प्रतिक्रिया आलेली नसली तरी, पश्चिम आशियात वातावरण अधिक चिघळण्याची शक्यता आहे. इस्रायल, इराण आणि आता अमेरिका यांच्यातील संघर्ष तिसऱ्या महायुद्धाच्या दिशेने नेणारा ठरू शकतो, अशी भीती तज्ञ व्यक्त करत आहेत.
जागतिक घडामोडी संबंधित बातम्या वाचण्यासाठी येथे क्लिक करा : Biological Weapon : अणुबॉम्बपेक्षा जास्त धोकादायक असतात ‘ही’ शस्त्रे; एकाच वेळी संपूर्ण देश गिळंकृत करू शकण्याची क्षमता
तिसऱ्या महायुद्धाच्या दिशेने
अमेरिकेच्या या अचूक आणि धक्कादायक कारवाईने इराणच्या अनुसाठयावर मोठा आघात केला आहे. B-2 बॉम्बर्स आणि टोमाहॉक क्षेपणास्त्रांच्या वापरामुळे या मोहिमेची रणनीतिक ताकद अधोरेखित झाली आहे. या हल्ल्यामुळे अमेरिका युद्धात अधिक ठामपणे उतरली असून, भविष्यात घडणाऱ्या घडामोडींवर संपूर्ण जगाचे लक्ष लागले आहे.
