ट्रम्प प्रशासनाचा मोठी कारवाई! तब्बल ८५,००० व्हिसा केले रद्द ; परदेशी विद्यार्थ्यांना सर्वाधिक फटका

ट्रम्प प्रशासनाने व्हिसा तपासणी कडक केली असून आतापर्यंत हजारो लोकांचे व्हिसा रद्द केले आहे. यामुळे परदेशी विद्यार्थ्यांना सर्वाधिक फटका बसला आहे. गुन्ह्यांमध्ये सहभागी असलेल्या परदेशी लोकांचे व्हिसा रद्द केले आहेत.

• ट्रम्प प्रशासनाचा मोठी कारवाई
• हजारो व्हिसा केले रद्द
• परदेशी विद्यार्थ्यांना सर्वाधिक फटका

US revokes 85,000 visas : वॉशिंग्टन : अमेरिकेच्या डोनाल्ड ट्रम्प (Donald Trump) प्रशासनाने यावर्षी तब्बल ८५ हजार व्हिसा रद्द केले आहेत. इमिग्रेशन अंमलबाजवणीला मजबूत करण्याच्या आणि राष्ट्रीय सुरक्षेच्या हेतून हे व्हिसा रद्द करण्यात आले आहे. ट्रम्प प्रशासनाच्या स्टेट डिपार्टमेंट ऑफ इमिग्रेशन व्हिसा तपासणी देखील कडक केली आहे. आतापर्यंत हजारो विद्यार्थ्यांचे व्हिसा रद्द झाले आहे, मात्र याचा सर्वाधिक फटका परदेशी विद्यार्थ्यांना बसला आहे.

US Visa Rules : ट्रम्प प्रशासनाने व्हिसा नियम केले आणखी कडक ; भारतीय H-1B व्हिसा धारकांची वाढवली चिंता

अमेरिकेच्या परराष्ट्रविभागाने दिलेल्या माहितीनुसार, जानेवारी २०२५ पासून आतापर्यंत ८५,००० व्हिसा रद्द करण्यात आले आहे. अध्यक्ष ट्रम्प आणि परराष्ट्र सचिव रुबियो यांनी दिलेल्या आदेशानुसार, ही कारवाई केली जात आहेत. सध्या ट्रम्प यांनी अमेरिकेला पुन्हा सुरक्षित करण्याचे धोरणा हाती घेतले आहे. यामुळे राष्ट्रीय सुरक्षेसाठी हे पाऊल उचलले असल्याचे मार्को रुबियो यांनी म्हटले आहे.

या गुन्ह्यांमध्ये असलेल्यांचे व्हिसा रद्द 

मीडिया रिपोर्टनुसार, परदेशी विद्यार्थ्यांमध्ये आतापर्यंत ८,००० हून अधिक विद्यार्थ्यांचे व्हिसा रद्द करण्यात आले आहे. ही संख्या गेल्या वर्षाच्या तुलनेत अधिक आहे. यामध्ये मद्यपान करुन गाडी चालवणाऱ्या, हल्ला आणि चोरी सारख्या गुन्ह्यांमध्ये सहभागी किंवा त्यापेक्षा अधिक गंभीर गुन्ह्यांमध्ये सहभागी असलेल्या विद्यार्थ्यांचा समावेश आहे. तसेच अमेरिकेत व्हिसा संपल्यानंतरही ओव्हरस्टेइंग करणाऱ्यांचे व्हिसा रद्द करण्यात आले आहेत.

यहूदी-विरोधी घोषणाबाजी करणाऱ्यांवर मोठा परिणाम

याशिवाय सर्वाधिक गाझातील विद्यार्थ्यांचे व्हिसा रद्द करण्यात आले आहे. इस्रायलविरोधी निदर्शनांमध्ये सहभागी असलेल्या विद्यार्थ्यांना विशेष लक्ष्य करण्यात आले आहेत. तसेच या विद्यार्थ्यांवर व्हिसा निर्बंध देखील लागू करण्यात आले आहे. यहूदी-विरोधी नारेबाजी, निदर्शनांमध्ये सहभाग घेतल्याने त्यांच्यावर हे लेबल लावण्यात आले आहे. तसेच काही दिवसांपूर्वी सुरक्षा दलांवर घडलेल्या गोळीबार एका अफगाण नागरिकाचा समावेश होता. यामुळे अमेरिकेने अफगाणिस्तानतील नागरिकांचे व्हिसा देखील निलंबित केले आहेत.

सध्या ट्रम्प प्रशासना व्हिसा धोरणांमध्ये कठोर बदल करत आहे. तपासणी देखील कडक करण्यात आली आहे. नुकतेच ट्रम्प यांनी  फॅक्ट-चेकिंग, कंटेंट मॉडरेशन, ट्रस्ट अँड सेफ्टी, ऑनलाइन सेफ्टी किंवा कंप्लायन्स क्षेत्रांमध्ये काम करणाऱ्यांना अमेरिकेत प्रवेशावर बंदी घातली होती.

तसेच आता सर्व एच-१बी व्हिसा धारकांची तपासणी देखील कडक केली जाणार आहे. यामुळे आतापर्यंत व्हिसा रद्द प्रक्रियेत मोठ्या प्रमाणात वाढ झाली आहे. अचानक कधीही कोणत्याही विद्यार्थ्यांचा, व्यक्तीचा, कामगारांचा व्हिसा रद्द केला जाऊ शकतो. ट्रम्प प्रशासनाने आतापर्यंत १९ देशांमधून प्रवेशास बंदी घातली आहे. अनेक इमिग्रेशन मार्ग देखील ट्रम्प प्रशासनाने बंद केले आहेत.

See more

85,000 visa revocations since January. President Trump and Secretary Rubio adhere to one simple mandate, and they won’t stop anytime soon⤵️ pic.twitter.com/fbNYw9wj71 — Department of State (@StateDept) December 9, 2025

H-1B Visa Policy: भारतीय IT कंपन्यांसाठी अमेरिका H-1B व्हिजा नियम अधिक कडक! H-1B टॉप-5 मध्ये टिकली फक्त ‘ही’ कंपनी