बंकर बस्टर बॉम्ब म्हणजे काय? परमाणुइतका धोकादायक, 14 हजार किलोच्या बॉम्बची दहशत

बंकर बॉम्बमुळे काय होते

बंकर बस्टर बॉम्बचे दुसरे नाव MOP (GBU-57A/B मॅसिव्ह ऑर्डनन्स पेनेट्रेटर) आहे. अमेरिकन हवाई दलाचे म्हणणे आहे की अशा बॉम्बमुळे शत्रूच्या बंकरमध्ये बांधलेले लष्करी तळ, जे लोखंडापेक्षाही मजबूत आहेत, काही मिनिटांत नष्ट करता येतात. हा बॉम्ब खूप जाड आणि मजबूत रचनेचा बनलेला आहे. 

इतका जड बॉम्ब बनवण्याचे कारण म्हणजे तो टारगेटवर आदळल्यानंतर केवळ त्याचा पृष्ठभाग तोडत नाही तर जेव्हा स्फोटक खाली जाऊन स्फोट होतो तेव्हा टारगेट पूर्णपणे नष्ट करता येते. B2 बॉम्बर विमान 30 हजार पौंड वजनाचे असे दोन बॉम्ब वाहून नेऊ शकते.

US Strike On Iran : अणु स्थळांवरील हल्ल्याचे संकेत आधीच मिळाले होते? इराणच्या वरिष्ठ अधिकाऱ्याने केला खुलासा

कसा केला जातो उपयोग

रॉयटर्सच्या वृत्तानुसार, असे बंकर-पियर्सिंग बॉम्ब (GBU-57 मॅसिव्ह ऑर्डनन्स पेनेट्रेटर) बी-2 स्टेल्थ बॉम्बर्सद्वारे डागले जातात. ते १५ हजार किलोग्रॅम वजनाचे दोन बॉम्ब वाहून नेऊ शकते. GBU-57 बॉम्ब २०० फूट खाली जाऊन स्फोट होऊ शकतो. तो ६० फूट जाडीचा काँक्रीटचा थरदेखील फोडू शकतो. असा दावा केला जातो की जरी पाताळ लोकातही कोणी आश्रय घेतला असला तरी तो त्याच्या हल्ल्यापासून वाचणार नाही.

कधी झाला निर्माण

१९८७-८८ मध्ये नॉर्थ्रॉप ग्रुमन कंपनीने बी-२ बॉम्बर्स बनवले होते. हे बॉम्बर्स अमेरिकेतील मिसूरी येथील व्हाईटमन एअर फोर्स बेसवर तैनात आहेत. २०२४ मध्ये अमेरिकेने बी-२ बॉम्बर्सद्वारे इराण समर्थित हौथी बंडखोरांच्या भूमिगत शस्त्रास्त्र डेपोला टारगेट केले. अमेरिकेकडे असे १५ ते २० बॉम्बर्स असल्याचे मानले जाते.

मध्य पूर्वेत तिसरे महायुद्ध भडकणार? इराणच्या प्रतिहल्ल्याच्या भीतीने तेहरान जवळच्या अमेरिकन तळांना सतर्कतेचा इशारा

संबंधित बातम्या