कोण आहेत सूसी विल्स? ज्यांनी ट्रम्प-मस्कबाबत केले ड्रग्ज सेवनाचे दावे; अमेरिकेच्या राजकीय वर्तुळात खळबळ

अमेरिकेच्या राजकारणात पुन्हा एकदा गोंधळ उडाला आहे. व्हाइट हाउसच्या चीफ ऑफ स्टाफ सुसी वेल्स यांनी अध्यक्ष डोनाल्ड ट्रम्प आणि उद्योजक एलॉन मस्क बाबत धक्कादायक दावे केल आहेत. यामुळे मोठी खळबळ उडाली आहे.

• कोण आहेत सूसी विल्स?
• ट्रम्प मस्कबाबत केले ड्रग्ज सेवनाते दावे
• अमेरिकेच्या राजकीय वर्तुळात खळबळ

America News in Marathi : वॉशिंग्टन : अमेरिकेच्या व्हाईट हाउसच्या चीफ ऑफ स्टाफ सुसी विल्स यांनी अध्यक्ष डोनाल्ड ट्रम्प (Donald Trump) आणि उद्योजक एलॉन मस्क (Elon Musk) यांच्याबाबत धक्कादायक दावे केले आहेत. ज्यामुळे अमेरिकेच्या राजकीय वर्तुळात पुन्हा एकदा खळबळ उडाली आहबे. एका मुलाखतीदरम्यान विल्स यांनी ट्रम्प यांनी मद्यपी म्हटले आहे, तर मस्कवर केटामाइन ड्रग्जच्या सेवनाचे आरोप केले आहेत. यामुळे मोठा गोंधळ निर्माण झाला आहे.

VIRAL: ‘सेक्स टॉय ते काँडोम..’ Epstein Files फोटोंनी जगभरात आश्चर्याचा स्फोट; अमेरिकेत ट्रम्पसोबत सर्वच दिग्गज वादाच्या भोवऱ्यात

कोण आहेत सुसी वेल्स ?

सुसी वेल्स (वय 68) यांची व्हाइट हाउसच्या चीफ ऑफ स्टाफ 2025 मध्ये नियुक्ती करण्यात आली होती. त्यांनी 1997 मध्ये जॅक्सनव्लिलचे महापौर जॉन डिंकल यांच्याकडे चीफ ऑफ स्टाफ म्हणून काम केले आहे. त्यांनी मेरीलँड विद्यापीठातून पदवी प्राप्त केली आहे, त्या प्रसिद्ध अमेरिकन फुटबॉल खेळाडू पॅट समरॉल यांच्या कन्या आहेत. विल्स आणि ट्रम्प यांच्यात दीर्घकाळापासून मैत्री आहे. ट्रम्प दुसऱ्यांदा सत्तेवर आल्यानंतर त्यांनी सुसी यांना चीफ ऑफ स्टाफची महत्त्वाची भूमिका सोपवली होती.

सुसी विल्स यांचे धक्कादायक दावे

विल्स यांनी मुलाखतीत सांगितले की, एलॉन मस्क डॉग चीफ म्हणून अनेक लोकांना काढून टाकत असल्याचे त्यांना समजले, ज्यामध्ये व्हाइट हाउसच्या कर्मचाऱ्यांचा देखील समावेश होता. हे समजताच त्यांनी याला विरोध केला. ट्रम्प यांना समजावून सांगितले. पण त्यांनी जेव्हा मस्क यांच्याशी संवाद साधण्याचा प्रयत्न केला, त्यावेळी ते केटामान ड्रग्ज घेत असल्याचे समजले. यापूर्वी देखील एका अमेरिकन जर्नलमध्ये हा दावा करण्यात आला होता. अमेरिकेत या केटामाइन ड्रग्जवर बंदी घालण्यात आली आहे.

ट्रम्प बाबात बोलताना त्यांनी म्हटले की, त्या ट्रम्प यांना यांना नेहमी जगाबद्दल कमी बोलण्याच, पण देशातील महागाईवर तोडगा काढण्याचा सल्ला दिला आहे. पण त्यांना ते कधीही ऐकले नसल्याचे विल्स यांनी म्हटले. तसेच विल्स यांनी म्हटले की, ते स्वत:ला शांतता प्रस्थापित करणारे दूत म्हणतात, त्यांनी आठ युद्ध थांबवल्याचा दावा केला आहे. परंतु लोकांचा यावर विश्वास नाही. तसेच ट्रम्प मद्यपान करत असल्याचा दावाही त्यांनी केला आहे.

याशिवाय ट्रम्प व्हेनेझुएलामध्ये गुप्त अमेरिकन योजना राबवू इच्छित असल्याचाही खुलासा केला. त्यांनी सांगितले की, मादुरो त्यांच्यापुढे झुकत नाहीत, तोपर्यंत ते त्यांच्याविरोधात कारवाई करत राहतील असे म्हटले आहे. सध्या सुसी विल्सच्या या दाव्यांमुळे अमेरिकेच्या राजकारणात मोठा गोंधळ सुरु आहे.

एपस्टाईन प्रकरणावरुन ट्रम्प पुन्हा वादाच्या भोवऱ्यात; जेफ्रीशी जवळचा संबंध असल्याचा दावा, अमेरिकेच्या राजकारणात खळबळ