कोण आहे डेविन न्युन्स? गुप्तचर सल्लागार मंडळाचे प्रमुख म्हणून ट्रम्प यांनी केली नियुक्ती, जाणून घ्या

अमेरिकेचे नवनिर्वाचित राष्ट्राध्यक्ष डोनाल्ड ट्रम्प सध्या त्यांच्या आगामी कार्यकाळासाठी प्रशासन तयार करत आहेत. त्यांनी आता डेविन नून्स यांची खुफिया सल्लागार बोर्ड (PIB) च्या प्रमुखपदी निवड केली आहे.

वॉश्गिंटन: अमेरिकेचे नवनिर्वाचित राष्ट्राध्यक्ष डोनाल्ड ट्रम्प सध्या त्यांच्या आगामी कार्यकाळासाठी प्रशासन तयार करत आहेत. आत्तापर्यंत त्यांनी अनेक अधिकाऱ्यांची निवड केली आहे. तसेच त्यांनी आता डेविन नून्स यांची खुफिया सल्लागार बोर्ड (PIB) च्या प्रमुखपदी निवड केली आहे. PIB हे एक स्वायत्त गट आहे जो अमेरिकेच्या राष्ट्राध्यक्षांना गुप्तचर समुदायाच्या कार्यक्षमतेबद्दल सल्ला देतो. डेविन नून्स हे अमेरिकन राजकारणी आहेत.

कोण आहेत डेविन नून्स? 

डेविन नून्स हे डोनाल्ड ट्र्म्प यांचे कट्टर समर्थक आणि ट्रुथ सोशलचे मुख्य कार्यकारी अधिकारी (CEO) आहेत. डेविन नून्स यांचा राजकीय प्रवास आणि ट्रम्प यांच्याशी असलेली निष्ठा यामुळे त्यांची ओळख विशेष आहे. कॅलिफोर्नियाचे प्रतिनिधित्व करणारे नून्स 2003 ते 2021 या कालावधीत अमेरिकन प्रतिनिधीगृहाचे सदस्य होते. डिसेंबर 2021 मध्ये त्यांनी ट्रम्प मीडिया अँड टेक्नोलॉजी ग्रुप (TMTG) चे CEO होण्यासाठी राजीनामा दिला. TMTG हीच ट्रुथ सोशलचा संचालक संस्था आहे.  ही संस्था ट्रम्प यांच्या तत्त्वांनुसार कार्य करते.

जागतिक घडामोडी संबंधित बातम्या- शेख हसीना यांच्या पतनानंतर पहिल्यांदाच ‘या’ देशाच्या राष्ट्राध्यक्षांनी घेतली बांगलादेशची भेट

See more

Devin Nunes — the courageous fighter of the Intel community’s horrific Russia Collusion Lie — will now be chairman of Trump’s Intelligence Advisory Board. pic.twitter.com/DXVTGgrnjf

— Mollie (@MZHemingway) December 14, 2024

डोनाल्ड ट्रम्प यांनी त्यांच्या सोशल मीडिया प्लॅटफॉर्मवर डेविन नून्स यांची निवड केल्यावर पोस्ट केली. या पोस्टमध्ये त्यांनी म्हटले आहे की, DeWlinn हाऊस इंटेलिजन्स कमिटीचे माजी अध्यक्ष  आहेत. त्यांनी  रशियाची फसवणूक उघडकीस आणण्यात  महत्त्वाची भूमिका बजावली होती.  त्यांच्या अनुभवामुळे आणि त्यांच्या योगदानामुळे, गुप्तचर समुदायाच्या कार्यक्षमतेबाबत स्वतंत्र सल्ला मिळेल. अभिनंदन, डेविन!”

2015 मध्ये नून्स हाऊस परमानेंट सिलेक्ट कमिटी ऑन इंटेलिजेंसचे अध्यक्ष झाले. 2018 मध्ये त्यांनी ट्रम्प यांच्या विरोधातील FBIच्या कथित साजिशीचा पर्दाफाश करणारा एक निवेदन जारी केले, यावर डेमोक्रॅट्सनी टीका केली होती. ट्रम्प यांनी त्यांच्या नियुक्तीची घोषणा करताना म्हटले की, नून्स यांच्या अनुभवामुळे आणि त्यांच्या योगदानामुळे, गुप्तचर समुदायाच्या कार्यक्षमतेबाबत स्वतंत्र सल्ला मिळेल. डेविन नून्स सध्या ट्रुथ सोशलचे नेतृत्व करत असून खुफिया सल्लागार बोर्डाच्या प्रमुखपदाची जबाबदारीही सांभाळणार आहेत.

ट्रम्प यांचा शपथविधी सोहळा

डोनाल्ड ट्रम्प यांचा शपथग्रहण सोहळा 20 जानेवारी 2025 रोजी वॉशिंग्टन डी.सी. येथे होणार आहे. हा सोहळा ट्रम्प यांचा राष्ट्राध्यक्षपदासाठी दुसरा शपथविधी असेल. त्यांच्या कार्यकाळात डेविन नून्स यांची भूमिका महत्त्वाची ठरणार असल्याचे मानले जात आहे, कारण ते ट्रम्प यांच्या राजकीय आणि तांत्रिक धोरणांच्या अंमलबजावणीसाठी महत्त्वाचे आहेत.

जागतिक घडामोडी संबंधित बातम्या- ‘शेख हसीना यांनी बांगलादेशातील लोकांना सक्तीने गायब केले’; युनूस सरकारचा आरोप, 3500 बेपत्ता प्रकरणे समोर