फोटो सौजन्य सोशल मीडिया
गेल्या काही दिवसांपूर्वी भारतात दहशदवादी कारवायांमध्ये गुन्हा नोंद असलेल्या एका अमेरिकन नागरिकाला भारतातून सोडून त्याला अमेरिकेत पाठवण्यात आल्याने आता भारतात याविषयी चर्चा सुरु असतानाच समोरील बातमी आली आहे . अमेरिकेचे राष्ट्राध्यक्ष डोनाल्ड ट्रम्प यांनी बंधक प्रकरणांसाठी विशेष राष्ट्रपती दूत म्हणून जॉन कोएल यांची निवड केली आहे.
परदेशात अडकलेल्या किंवा बेकायदेशीरपणे ताब्यात ठेवलेल्या अमेरिकन नागरिकांच्या सुटकेसाठी राजनैतिक प्रयत्नांचे नेतृत्व करण्याची महत्त्वाची जबाबदारी आता कोएल यांच्यावर येणार आहे. ट्रम्प यांनी ४ ऑक्टोबर २०२६ रोजी ही निवड जाहीर केली. कोएल हे यापूर्वी ट्रम्प यांचे विशेष दूत म्हणून बेलारूसमध्ये काम करत होते. त्यामुळे आंतरराष्ट्रीय स्तरावरील संवेदनशील चर्चांचा त्यांना अनुभव आहे.
अमेरिकेच्या विशेष राष्ट्रपती दूताच्या भूमिकेत कोएल यांना बंधकांच्या सुटकेसाठी विविध देशांशी राजनैतिक चर्चा करावी लागणार आहे. अमेरिकन नागरिकांना परदेशात चुकीच्या पद्धतीने ताब्यात घेतल्याच्या प्रकरणांमध्ये अमेरिकेच्या सरकारच्या प्रयत्नांमध्ये समन्वय साधणे, संबंधित सरकारांशी संवाद वाढवणे आणि सुटकेसाठी मार्ग शोधणे ही या पदाची प्रमुख कामे आहेत.
या पदाला राजदूताचा दर्जा देण्यात आला आहे. त्यामुळे कोएल यांची भूमिका अमेरिकेच्या परराष्ट्र धोरण आणि राष्ट्रीय सुरक्षेच्या दृष्टीने महत्त्वाची ठरणार आहे.
Middle East Breaking : जगाची धडधड वाढली,तेलाच्या बाजारात खळबळ ;रियादच्या Aramco वर हुथींचा हल्ला
जॉन कोएल यांचे नाव गेल्या काही काळात बेलारूसमधील त्यांच्या कामामुळे चर्चेत आले आहे. ट्रम्प प्रशासनाचे बेलारूसमधील विशेष दूत म्हणून त्यांनी राष्ट्राध्यक्ष अलेक्झांडर लुकाशेन्को यांच्या सरकारशी चर्चा केली. या चर्चांनंतर अनेक राजकीय कैद्यांची सुटका करण्यात आली. सप्टेंबरमध्येही २५ कैद्यांची सुटका झाली होती.
कोएल यांनी भविष्यात आणखी शेकडो कैद्यांची सुटका होण्याची अपेक्षा व्यक्त केली होती. त्यामुळे कठीण परिस्थितीत राजनैतिक वाटाघाटी करण्याचा त्यांचा अनुभव या नव्या जबाबदारीत उपयोगी ठरण्याची शक्यता आहे.
विशेष दूत म्हणून कोएल यांना अमेरिकेच्या बंधकविषयक धोरणात महत्त्वाची भूमिका बजावावी लागणार आहे. परदेशात ताब्यात असलेल्या अमेरिकन नागरिकांच्या प्रकरणांमध्ये अनेकदा राजनैतिक, सुरक्षा आणि कायदेशीर बाबी एकाच वेळी समोर येतात.
त्यामुळे संबंधित देशांशी थेट चर्चा करताना अमेरिकेला विविध सरकारी यंत्रणांमध्ये समन्वय साधावा लागतो. कोएल यांची नियुक्ती अशा संवेदनशील प्रकरणांमध्ये थेट राजनैतिक संवादाला महत्त्व देण्याच्या ट्रम्प प्रशासनाच्या भूमिकेचा भाग म्हणून पाहिली जात आहे. त्यांच्या पुढील कामकाजाचा केंद्रबिंदू अमेरिकन नागरिकांची सुटका आणि बंधक प्रकरणांमध्ये प्रभावी वाटाघाटी हा असेल.
.png "Videos"){kind=small}
