Ashok Leyland कडून नवीन कमर्शियल वाहन लाँच! जाणून घ्या वैशिष्ट्य आणि किंमत

भारतात अनेक वाहन उत्पादक कंपन्या आहेत. अशीच एक कंपनी म्हणजे Ashok Leyland, ज्यांनी नुकतेच कमर्शियल लाइट वाहन सेगमेंटमध्ये दोन नवीन वाहने लाँच केले आहे.

• अशोक लेलँडकडून दोन खास वाहने लाँच
• DOST आणि DOST+ असे या वाहनांची नावे
• सुरवातीची किंमत 8.20 लाख रुपयांपासून सुरु

भारतात ऑटो बाजारात अनेक वाहन उत्पादक कंपन्या आहेत, ज्या वेगवेगळ्या सेगमेंटमध्ये दमदार वाहने ऑफर करत असतात. कमर्शियल सेगमेंटमध्ये सुद्धा अनेक कंपन्या उत्तम वाहने लाँच करत आहे. नुकतेच, Ashok Leyland ने सुद्धा या सेगमेंटमध्ये त्यांची 2 नवीन वाहने लाँच केली आहे.

वाहन निर्माता अशोक लेलँड भारतीय बाजारपेठेत विविध सेगमेंटमध्ये कमर्शियल वाहने विकते. नुकतेच कंपनीने लाईट कमर्शियल व्हेईकल (LCV) सेगमेंटमध्ये DOST आणि DOST+ XL चे ट्विन-फ्यूएल व्हेरिएंट्स सादर केले आहेत. या वाहनांमध्ये कोणती फीचर्स आहेत? ती कोणत्या किमतीत सादर करण्यात आली आहेत? या अहवालात आपण सर्व डिटेल्स जाणून घेऊयात.

‘या’ कंपनीच्या कार महागण्याची शक्यता! किती रुपयांनी वाढवली जाऊ शकते किंमत? जाणून घ्या

नवीन वाहने सादर

अशोक लेलँडने भारतीय बाजारपेठेतील आपल्या लाईट कमर्शियल व्हेईकल विभागात दोस्त आणि दोस्त+ एक्सएल ही नवीन वाहने अधिकृतपणे सादर केली आहेत. ही मॉडेल्स ट्विन-फ्यूएल प्रकारात उपलब्ध करून दिली जात आहेत.

प्रमुख फीचर्स

कंपनीने दिलेल्या माहितीनुसार, ‘Dost’ मॉडेलची पेलोड क्षमता 1218 किलो असून, ते 400 किलोमीटरपर्यंतची ड्रायव्हिंग रेंज देते. हे साध्य करण्यासाठी, यामध्ये 120 लिटर क्षमतेची CNG टाकी बसवण्यात आली आहे; तसेच, आपत्कालीन परिस्थितीसाठी 5 लिटर क्षमतेची पेट्रोल टाकीही देण्यात आली आहे.

Maruti, TATA की Hyundai, कोणती कंपनी ऑफर करते ऑटो क्लायमेट कंट्रोल फीचर असणारी बेस्ट कार?

ट्विन फ्यूल DOST+ XL मध्ये 1410 किलो इतकी पेलोड क्षमता देण्यात आली आहे. यामध्ये 148 लिटर क्षमतेचा CNG टँक आणि 5 लिटरचा पेट्रोल टँक मिळतो, ज्यामुळे या वाहनाची रेंज सुमारे 500 किलोमीटरपर्यंत जाते.

अधिकाऱ्यांचे मत

Ashok Leyland च्या LCV बिझनेस हेड Viplav Shah यांनी सांगितले की, DOST रेंजने आधीच लाखो छोट्या व्यावसायिकांचा विश्वास जिंकला आहे. ट्विन फ्यूल व्हेरियंटमुळे छोट्या व्यापाऱ्यांना आणि फ्लीट ऑपरेटर्सना अधिक पर्याय आणि उत्तम कार्यक्षमता मिळणार आहे. हे वाहन CNG वर कमी खर्चात चालते आणि पेट्रोलमुळे लांब पल्ल्याचा प्रवास करणे शक्य होते, त्यामुळे इंधन उपलब्धतेची चिंता राहत नाही. तसेच कमी उत्सर्जनामुळे कार्बन फूटप्रिंट कमी होऊन देशाच्या सस्टेनेबिलिटी उद्दिष्टांना मदत होते.

किंमत किती?

कंपनीकडून लाँच करण्यात आलेल्या ट्विन फ्यूल DOST ची सुरुवातीची एक्स-शोरूम किंमत 8.20 लाख रुपये आहे. तर ट्विन फ्यूल DOST+ XL ची सुरुवातीची एक्स-शोरूम किंमत 8.75 लाख रुपये ठेवण्यात आली आहे.