मंगळवार, 20 ऑक्टोबर 2026
ऑटोकार इंडिया-मर्सिडीज-बेंझ इंडियाने केला रेकॉर्ड (फोटो सौजन्य - कंपनी)
इलेक्ट्रिक मोबिलिटीच्या क्षमतेचा उल्लेखनीय पुरावा ठरलेल्या एका ऐतिहासिक कामगिरीत, ऑटोकार इंडिया आणि मर्सिडीज-बेंझ इंडिया यांनी “इलेक्ट्रिक उत्पादन कारद्वारे सर्वात मोठा तापमान बदल साध्य केल्याचा” गिनिज वर्ल्ड रेकॉर्ड्समध्ये किताब मिळवला आहे. या विक्रमी प्रवासात, मर्सिडीज-बेंझ EQS 450 4मॅटिक SUV ने राजस्थानमधील रणाओच्या कडाक्याच्या उष्णतेपासून लडाखमधील बर्फाच्छादित खरदुंग ला पर्यंत प्रवास केला, जिथे एकूण ५१.२ अंश सेल्सियसचा तापमान फरक अनुभवला गेला.
कुठून सुरू झाला प्रवास?
हा प्रवास जैसलमेरच्या बाहेरून सुरू झाला, जिथे तापमान ४७.५°C पर्यंत पोहोचले होते, जेथे मानव आणि वाहन दोघांचीही परीक्षा झाली. त्यानंतर EQS 450 4मॅटिक ने खरदुंग ला या जगातील सर्वात उंच मोटरबल पासपैकी एकाकडे मार्गक्रमण केले, जिथे तापमान -३.७°C पर्यंत घसरले. या उल्लेखनीय प्रवासाने इलेक्ट्रिक वाहनांची क्षमताच नव्हे तर सहनशक्तीदेखील अधोरेखित केली आहे.
34 KM मायलेज, 6 एअरबॅग्स आणि किंमत 6 लाख रुपये ! ‘या’ कार समोर सगळे ऑटो ब्रँड फेल
मर्सिडीज बेंझचे वैशिष्ट्य
या उद्देशासाठी निवडलेली मर्सिडीज-बेंझ- EQS 450 4मॅटिक SUV ही अत्याधुनिक इलेक्ट्रिक वाहन अभियांत्रणाचे उत्तम उदाहरण आहे. यामध्ये १२२kWh क्षमतेची बॅटरी असून ती ६०० किमी पेक्षा अधिक खऱ्या जगातील रेंज प्रदान करते. हे वाहन ३६०hp पॉवर आणि ८०० Nm पीक टॉर्क निर्माण करते.
केवळ कामगिरीच नव्हे, तर EQS 450 4मॅटिक चे प्रगत ऑल-व्हील-ड्राईव्ह तंत्रज्ञान, वाळवंटांपासून बर्फाळ पर्वतरांगांपर्यंत विविध भूप्रदेशांमध्ये उत्कृष्ट नियंत्रण ठेवते. याचे एरोडायनामिक डिझाईन, MBUX हायपरस्क्रीन व १५ स्पीकर असलेली बुर्मस्टर साउंड सिस्टीम या वैशिष्ट्यांमुळे कार्यक्षमता आणि लक्झरीचा अनुभव मिळतो.
सुरक्षिततेसाठी या SUV मध्ये ९ एअरबॅग्स, Level 2 ADAS, आणि ३६०-डिग्री कॅमेरा प्रणाली यांचा समावेश आहे, ज्यामुळे संपूर्ण प्रवासात वाहन सुरक्षित राहिले.
काय म्हणाले तज्ज्ञ
या ऐतिहासिक यशाबद्दल ऑटोकार इंडियाचे संपादक हॉर्माझद सोराबजी म्हणाले, “हवामान बदल ही खरी आणि ज्वलंत समस्या आहे. आपण ते अनुभवतो आहोत, जगतो आहोत आणि हे आपल्या ग्रहासमोरील सर्वात मोठे संकट आहे. हा तापमान बदलावर आधारित विक्रम केवळ याकडे लक्ष वेधण्यासाठीच नाही, तर भारताच्या भौगोलिक विविधतेचे प्रतिक देखील आहे. आणि ही कामगिरी EQS 450 SUV सारख्या इलेक्ट्रिक वाहनातूनच केली गेली, हे फारच उचित आहे. इलेक्ट्रिक मोबिलिटीचा स्वीकार हा हवामान बदलाविरुद्धचा एक स्पष्ट उपाय आहे.”
प्रवासादरम्यान वाहन चालवणारे ऑटोकॅर इंडियाचे राहुल काकर म्हणाले, “यापूर्वीही मी एक गिनेस वर्ल्ड रेकॉर्ड्स किताब जिंकल्याचा अनुभव घेतला आहे, पण ही मोहीम पूर्णपणे वेगळी होती. सर्वात मोठे आव्हान म्हणजे हवामान – अनपेक्षित व अंदाजाबाहेर. मात्र, मर्सिडीज EQS 450 SUV मधील लक्झरी आणि त्याची उत्कृष्ट रेंज यामुळे मी एकदाही ‘रेंज अँक्झायटी’ जाणवली नाही.”
Mahindra तर्फे BE 6 आणि XEV 9e Pack Two व्हेरिएंटची डिलिव्हरी जुलै 2025 अखेरीस सुरु होणार
उत्तम मिश्रण
मर्सिडीज-बेंझ इंडियाचे व्यवस्थापकीय संचालक आणि सिओ (CEO) संतोष अय्यर म्हणाले, “या विक्रमाद्वारे EQS SUV ने भारतीय हवामान परिस्थितीत मर्सिडीज-बेंझ च्या BEV (बॅटरी इलेक्ट्रिक वेहिकल) ची उपयुक्तता दाखवून दिली आहे. ही कार लक्झरी, कम्फर्ट आणि दीर्घ रेंज यांचे उत्तम मिश्रण आहे. ही कामगिरी भविष्यातील लक्झरी इव्ही ग्राहकांचा आत्मविश्वास वाढवणारी ठरेल. आम्ही भारतातील सर्व BEV ग्राहकांचे आभार मानतो आणि विशेषतः प्रत्येक EQS SUV ग्राहकाचे अभिनंदन करतो, जे या शाश्वत भविष्याकडे नेणाऱ्या प्रवासात भागीदार आहेत.”
ही विक्रमी मोहीम केवळ इलेक्ट्रिक वाहनांच्या तंत्रज्ञानातील प्रगतीचे प्रतीक नसून भविष्यातील अशा अधिक साहसी मोहिमांसाठी मार्ग मोकळा करते – जिथे कल्पकता आणि निर्धाराच्या जोरावर कोणतीही मर्यादा अडथळा बनू शकत नाही.
