परफॉर्मन्सच्या बाबतीत भल्याभल्यांना मागे सोडतील ‘या’ Powerful Bikes, किंमत 3 लाखांपेक्षा कमी

जर तुम्ही पॉवरफुल इंजिन आणि स्टायलिश लूक असणाऱ्या बाईकच्या शोधात असाल तर ही बातमी तुमच्यासाठीच असणार आहे. आज 3 लाखाच्या आतील काही बेस्ट पॉवरफुल बाईक्सबद्दल जाणून घेणार आहोत.

पूर्वी बाईक खरेदी करताना ग्राहक फक्त त्याच्या मायलेज आणि किमतीवर जास्त लक्ष केंद्रित करायचे. पण आज ही स्थिती बदलताना दिसत आहे. आज विशेषकरून तरुण वर्ग जेव्हा बाईक खरेदी करण्यास जातो तेव्हा तो पॉवरफुल बाईकच्या शोधात असतो. म्हणूनच तर आज मार्केटमध्ये पॉवरफुल बाईक देखील मोठ्या प्रमाणत उत्पादित केल्या जातात. यामध्ये रॉयल एनफील्डपासून ते बजाजपर्यंतच्या मॉडेल्सचा समावेश आहे. पण अनेकदा या बाईक्स खूप महाग असतात, ज्यामुळे कित्येक जण ते खरेदी करण्याचे टाळतात. म्हणूनच आज आपण 3 लाख रुपयांपेक्षा कमी किमतीच्या 5 पॉवरफुल बाईक्सबद्दल जाणून घेणार आहोत. या बाईकमध्ये अनेक उत्तम फीचर्स असण्यासोबतच उत्तम लूक देखील आहे.

जेव्हा एकाच कंपनीच्या दोन बाईक आपापसात भिडतात, Royal Enfield Hunter 350 आणि Bullet 350 मध्ये कोण आहे जास्त सरस?

बजाज पल्सर एनएस400झेड (Bajaj Pulsar NS400Z)

यात 373 सीसी सिंगल-सिलेंडर इंजिन वापरले आहे, जे 40 पीएस पॉवर आणि 35 एनएम टॉर्क जनरेट करते. त्याचे इंजिन स्लिप-अँड-असिस्ट क्लचसह 6-स्पीड गिअरबॉक्सशी जोडलेले आहे. याची टॉप स्पीड सुमारे 154 किमी प्रतितास आहे. भारतात, NS400Z ची किंमत 1.86 लाख रुपये आहे.

रॉयल एनफील्ड गुरिल्ला 450 (Royal Enfield Guerrilla 450)

या बाईकमध्ये 452 सीसी लिक्विड-कूल्ड इंजिन वापरण्यात आले आहे. त्याचे इंजिन 40.02 पीएस पॉवर आणि 40 एनएम टॉर्क जनरेट करते. त्याचे इंजिन स्लिप आणि असिस्ट क्लचसह 6-स्पीड गिअरबॉक्सशी जोडलेले आहे. याची टॉप स्पीड 140 किमी/तास आहे. भारतात, गुरिल्ला 450 ची एक्स-शोरूम किंमत 2.39 लाख ते 2.54 लाख रुपये आहे.

ट्रायम्फ स्पीड 400 (Triumph Speed 400)

या बाईकमध्ये 398.15 सीसी लिक्विड-कूल्ड सिंगल-सिलेंडर इंजिन वापरले आहे, जे 40 पीएस पॉवर आणि 37.5 एनएम टॉर्क जनरेट करते. त्याचे इंजिन स्लिप-अँड-असिस्ट क्लचसह 6-स्पीड ट्रान्समिशनशी जोडलेले आहे. याचा टॉप स्पीड 145 किमी प्रतितास आहे. ही बाईक भारतात 2.42 लाख रुपये (एक्स-शोरूम) किमतीत उपलब्ध आहे.

हुस्कवर्ना स्वार्टपिलेन 401 (Husqvarna Svartpilen 401)

यात 398.63 सीसी, लिक्विड-कूल्ड, सिंगल-सिलेंडर इंजिन वापरले आहे, जे 46 पीएस पॉवर आणि 39 एनएमचा टॉर्क जनरेट करते. याचे इंजिन सहा-स्पीड गिअरबॉक्सशी जोडलेले आहे आणि त्यात बाय-डायरेक्शनल क्विकशिफ्टर आहे. याची टॉप स्पीड 160 किमी प्रतितास आहे. ही बाईक भारतात 2.96 लाख रुपयांना उपलब्ध आहे.

‘या’ ऑटो कंपनीसाठी April 2025 ठरला कमाईचा महिना; विक्रीत 33 टक्क्यांची वाढ, अन्य कंपन्यांचा कसा होता परफॉर्मन्स?

केटीएम 390 ड्यूक (KTM 390 Duke)

यात 398.6 सीसी, सिंगल-सिलेंडर, लिक्विड-कूल्ड इंजिन वापरले आहे, जे 46 पीएस पॉवर आणि 39 एनएम टॉर्क जनरेट करते. त्याचे इंजिन स्लिप-अँड-असिस्ट क्लचसह 6-स्पीड गिअरबॉक्सशी जोडलेले आहे. याची टॉप स्पीड 167 किमी/तास आहे. KTM 390 Duke भारतात 2.95 लाख रुपयांच्या एक्स-शोरूम किमतीत उपलब्ध आहे.