‘या’ बाईक्स बनतील तुमच्या हमसफर! किंमत फक्त 55 हजारांपासून सुरु…

जर तुम्ही सुद्धा बजेट फ्रेंडली सेगमेंटमध्ये उत्तम बाईकच्या शोधात असाल तर ही बातमी तुमच्यासाठीच आहे. आज आपण देशातील काही स्वस्तात मस्त अशा बाईकबद्दल जाणून घेऊयात.

जर तुम्ही रोज ऑफिसला जाण्यासाठी एका बजेट फ्रेंडली बाईकच्या शोधात असाल तर हीच वेळ आहे. याचे कारण म्हणजे जीएसटीत झालेली सुधारणा. आता नवीन नियमानुसार, 350 CC पर्यंतच्या बाईक खरेदी करताना आपल्याला 28 टक्के टॅक्स न देता फक्त 18 टॅक्स द्यावा लागणार आहे. यामुळे अनेक बाईकच्या किमतीत मोठी कपात झाली आहे.

जीएसटी कमी झाल्याने परवडणाऱ्या आणि जास्त मायलेज असलेल्या बाईक्सची मागणी झपाट्याने वाढली आहे. विशेषतः शहरी आणि ग्रामीण भागातील ग्राहकांमध्ये, ते कमी पेट्रोल वापरणारे आणि मेंटेनन्ससाठी स्वस्त असलेले पर्याय निवडत आहेत. भारतातील अनेक कंपन्यांनी त्यांच्या किमती कमी केल्या आहेत, ज्यामुळे 55,000 ते 75,000 च्या बजेटमध्ये जास्त मायलेज असलेल्या बाईक्स खरेदी करणे शक्य झाले आहे. यामध्ये TVS, Hero, Bajaj आणि Honda सारख्या कंपन्यांचा समावेश आहे. चला याबद्दल अधिक माहिती जाणून घेऊयात.

धमाकेदार फीचर्स आणि तितकंच पॉवरफुल इंजिन! ‘या’ कारची बुकिंग उद्यापासून सुरु

टीव्हीएस स्पोर्ट (TVS Sport)

टीव्हीएस स्पोर्ट ही देशातील सर्वात परवडणारी हाय मायलेज बाईक मानली जाते. याची एक्स-शोरूम किंमत 55,100 रुपये आहे, जी जीएसटी कपातीनंतर आणखी स्वस्त झाली आहे. कंपनीचा दावा आहे की ही बाईक 80 किमी प्रति लिटर पर्यंत मायलेज देते. यात डिजिटल इन्स्ट्रुमेंट क्लस्टर, एलईडी डीआरएल, इकॉनॉमी मोड इंडिकेटर आणि अलॉय व्हील्स सारखे फीचर्स आहेत. जर तुम्ही दररोज ऑफिसमध्ये किंवा शहरात प्रवास करत असाल तर टीव्हीएस स्पोर्ट हा कमी किमतीत सर्वात विश्वासार्ह पर्याय आहे.

हिरो एच एफ डिलक्स (Hero HF Deluxe)

Hero HF Deluxe त्याच्या सध्या डिझाइन आणि कमी मेंटेनन्स खर्चामुळे नेहमीच ओळखली जाते. GST कपातीनंतर, त्याची एक्स-शोरूम किंमत 55,992 रुपयांइतकी झाली आहे. यात 97.2cc चे सिंगल-सिलिंडर इंजिन दिले आहे जे 8bhp पॉवर आणि 8.05Nm टॉर्क देते. या बाईकचे मायलेज अंदाजे 70 kmpl आहे. यात i3S टेक्नॉलॉजी दिली आहे, जी इंधन वाचविण्यात मदत करते.

Renault च्या 3 नवीन कार मार्केटमध्ये एंट्री मारण्याच्या तयारीत, कोणत्या सेगमेंटमध्ये होईल लाँच?

बजाज प्लॅटिन 100 (Bajaj Platina 100)

Bajaj Platina 100 मायलेज आणि आराम (कम्फर्ट) यांचा उत्तम कॉम्बिनेशन आहे. त्याची किंमत 65,407 रुपये आहे आणि यात 102cc चे DTS-i इंजिन दिले आहे जे 7.9bhp पॉवर आणि 8.34Nm टॉर्क निर्माण करते. ही बाईक 70 kmpl पर्यंत मायलेज देते. यात SNS सस्पेंशन, लांब सीट, फ्यूल गेज आणि इलेक्ट्रिक स्टार्ट यांसारखे फीचर्स आहेत.

हिरो स्प्लेंडर प्लस (Hero Splendor Plus)

Hero Splendor Plus चे नाव भारतात जवळपास प्रत्येक घरात घेतले जाते. त्याची किंमत 73,902 रुपये आहे आणि यात 97.2cc चे इंजिन दिले आहे, जे 8bhp पॉवर आणि 8.05Nm टॉर्क देते. ही बाईक 70 kmpl पर्यंत मायलेज देते. याच्या फीचर्समध्ये xSens टेक्नॉलॉजी, IBS ब्रेकिंग सिस्टम, साइड स्टँड इंडिकेटर आणि नवीन ग्राफिक्स डिझाइनचा समावेश आहे