एक चुकीचे क्लिक अन् खेळ खल्लास! वाहनधारकांची आर्थिक फसवणूक वाढली; RTO ने केली 'हे' आवाहन
पुणे आरटीओकडून नागरिकांना आवाहन
बनावट वेबसाइट्स,अॅप , खोट्या ई-चालान लिंकपासून सावधान
वाहनधारक आणि चालकांची आर्थिक फसवणूकीचे प्रमाण वाढले
पुणे: राज्यातील वाहनधारक आणि चालकांची आर्थिक फसवणूक वाढल्याच्या पार्श्वभूमीवर परिवहन विभागाने (RTO) बनावट वेबसाइट्स, संशयास्पद मोबाईल ॲप्स (एपीके) आणि खोट्या ई चालान (Crime) लिंकपासून सतर्क राहण्याचे आवाहन केले आहे.ड्रायव्हिंग लायसन्स, वाहन नोंदणी, ई-चालान यांसारख्या सेवांच्या नावाखाली अनेक नागरिकांची वैयक्तिक माहिती व आर्थिक व्यवहारांची फसवणूक होत असल्याचे परिवहन विभागाकडून सांगण्यात आले आहे.
अज्ञात एपीके फाईल्स डाउनलोड करू नये
RTO Services.apk, mParivahan_Update.apk, eChallan Pay.apk अशी अज्ञात एपीके फाईल्स डाउनलोड केल्यास मोबाईलमधील ओटीपी, बँकिंग माहिती आणि इतर संवेदनशील माहिती चोरी होण्याचा धोका आहे. https://echallan.parivahan.gov.in या gov.in डोमेनच्या अधिकृत सरकारी संकेतस्थळांचाच वापर करावा. असे आवाहन करण्यात आले आहे. त्याचप्रमाणे .com, .online, .site, .in किंवा इतर कोणत्याही डोमेनवरील वेबसाइटवर वाहनधारकांनी माहिती नोंदवू नये.
बनावट वेबसाइट्स,ॲप आणि खोट्या ई-चालान लिंकपासून सावध राहा : परिवहन विभागाचे नागरिकांना आवाहन
नागरिकांनी अधिकृत संकेतस्थळांचा वापर करावा
वाहन नोंदणीसाठी https://vahan.parivahan.gov.in,
वाहन चालक परवाना सेवेसाठी https://sarathi.parivahan.gov.in
परिवहन सेवेसाठी https://www.parivahan.gov.in
ई-चलन दंड भरण्यासाठी https://echallan.parivahan.gov.in
महत्वाची सूचना
शासनाची सर्व संकेतस्थळे ही gov.in या डोमेन नुसार प्राप्त होतात.म्हणून अशाच अधिकृत संकेत स्थळाचा वापर करावा. तसेच com.online. site.in किंवा इतर कोणत्याही डोमेनवरील वेबसाइटवर वापर करू नये.
45 दिवसांच्या आत ई-चालान भरा, अन्यथा…; रस्ते वाहतूक मंत्रालयाचा महत्त्वपूर्ण निर्णय
फसवणूक करणारे मोबाईल एसएमएस किंवा व्हॉट्सॲप संदेशांद्वारे चलन बाकी आहे, परवाना सस्पेंड होणार आहे. असे संदेश आरटीओ कार्यालयाकडून कधीही व्हॉट्सअॅप वरून पेमेंट लिंक पाठवत नाही. अशा धमकीपर संदेशांसह अनधिकृत पेमेंट लिंक पाठवून पैसे उकळण्याचा प्रयत्न चालू आहे.त्यामुळे नागरिकांनी अशा अनधिकृत वेबसाईट पासून सावधान राहावे.
स्वप्निल भोसले,
उपप्रादेशिक परिवहन अधिकारी,पुणे
नवले पूल परिसरातील वाढत्या अपघातांच्या पार्श्वभूमीवर पुणे प्रादेशिक परिवहन कार्यालयाने (आरटीओ) पुणे–सातारा महामार्गावर विशेष लक्ष केंद्रित केले असून, खेड शिवापूर टोलनाक्याजवळ दोन भरारी पथके तैनात केली आहेत. शनिवारपासून (ता. २२) जडवाहतूक करणाऱ्या वाहनचालकांची २४ तास शारीरिक तपासणी करण्यात येणार आहे. यामध्ये डोळ्यांची तपासणी, मद्यप्राशन तपासणी तसेच वाहनांची तांत्रिक तपासणी समाविष्ट आहे. नुकतीच आरटीओच्या अधिकाऱ्यांनी नवले पूल परिसराची पाहणी करून तपासणीसाठी ठेवलेल्या जागेचा आढावा घेतला. खेड शिवापूर टोलनाक्यावरील ‘वे ब्रिज’जवळ वाहनांना थांबवून तपासणी केली जाणार आहे.
.png "Videos"){kind=small}
