शुक्रवार, 13 नोव्हेंबर 2026
फोटो सौजन्य: Pinterest
जगभरात लक्झरी आणि सुपरकार सेगमेंटमध्ये फेरारीकडून अनेक दमदार मॉडेल्स ऑफर केली जातात. कंपनीने अलीकडेच भारतात आपली नवी Ferrari 849 Testarossa अधिकृतपणे सादर केली आहे. या नव्या सुपरकारमध्ये कोणते फीचर्स देण्यात आले आहेत, यातील इंजिन किती दमदार आहे आणि याची किंमत किती आहे? या सर्व प्रश्नांची माहिती जाणून घेऊयात.
2 लाखांचं डाउन पेमेंट आणि ‘ही’ Automatic Car दारात उभी राहिलीच म्हणून समजा! 7 वर्षांसाठी EMI फक्त…
फेरारीने भारतात आपली नवी Ferrari 849 Testarossa अधिकृतपणे सादर केली आहे. कंपनीच्या लाइनअपमध्ये ही कार SF90 Stradale ची जागा घेणार असल्याचे सांगितले जात आहे. दमदार परफॉर्मन्स, आकर्षक डिझाइन आणि अत्याधुनिक तंत्रज्ञानामुळे ही सुपरकार विशेष ठरते.
या नव्या फेरारी सुपरकारमध्ये 4.0 लिटर क्षमतेचे टर्बो पेट्रोल इंजिन देण्यात आले आहे. यासोबत प्लग-इन हायब्रिड सिस्टम आणि तीन इलेक्ट्रिक मोटर्सही मिळतात. या संपूर्ण सेटअपने एकत्रितपणे 1,030 हॉर्सपॉवर इतकी पॉवर निर्माण होते. कारमध्ये 8-स्पीड ट्रान्समिशन देण्यात आले आहे. परफॉर्मन्सबाबत बोलायचे झाल्यास, या कारचा टॉप स्पीड 330 किमी प्रतितास इतका आहे. तसेच, ही कार 0 ते 100 किमी प्रतितास वेग 2.25 सेकंदांत गाठते, तर 0 ते 200 किमी प्रतितास वेगासाठी 6.3 सेकंद लागतात.
फेरारीने या कारमध्ये अनेक प्रीमियम आणि अत्याधुनिक फीचर्स दिले आहेत. यामध्ये 16 इंच डिजिटल इन्स्ट्रुमेंट क्लस्टर, वायरलेस अँड्रॉइड ऑटो, अ‍ॅपल कारप्ले, 7-स्पीकर ऑडिओ सिस्टम, 9 इंच डिस्प्ले, प्रीमियम इंटीरियर आणि एलईडी हेडलाइट्स यांसारखे फीचर्स देण्यात आले आहेत. त्यामुळे ही कार केवळ वेगवानच नाही, तर कम्फर्ट आणि टेक्नॉलॉजीच्या बाबतीतही प्रभावी ठरते.
फेरारीने या सुपरकारची भारतातील एक्स-शोरूम किंमत 10.37 कोटी रुपये ठेवली आहे. मात्र, ग्राहकांनी आपल्या पसंतीनुसार कस्टमायझेशन केल्यास या किंमतीत बदल होऊ शकतो.
