गुरुवार, 29 ऑक्टोबर 2026
(फोटो सौजन्य-AI एआय)
क्रेटा Lounge Edition
क्रेटा Lounge Edition ही ‘King’ व्हेरिएंटवर आधारित असून पेट्रोल आणि डिझेल अशा दोन्ही इंजिन पर्यायांसह उपलब्ध आहे. 1.5-लिटर MPi पेट्रोल इंजिनला IVT गिअरबॉक्स मिळतो आणि त्याची किंमत ₹19.21 लाखांपासून सुरू होते. तर 1.5-लिटर CRDi डिझेल ऑटोमॅटिकची किंमत ₹20.30 लाखांपासून आहे. ड्युअल-टोन रंगासाठी अतिरिक्त ₹15,000 मोजावे लागतील.
8-स्पीकर बोस ऑडिओ सिस्टमसोबत मूनव्हाइट अॅम्बियंट लाइटिंग, सिल्व्हर इंटीरियर इन्सर्ट, खास सीट पॅटर्न आणि Lounge ब्रँडेड रिअर हेडरेस्ट कुशन देण्यात आले आहेत. बाहेरून गोल्डन ब्रॉन्झ रंगासह ब्लॅक स्किड प्लेट्स, साइड सिल गार्निश, रूफ रेल्स, ORVM आणि स्पॉयलर मिळतो. क्रेटाला 18-इंच मॅट-ब्लॅक अलॉय व्हील्सही देण्यात आली आहेत.
अल्काझारमध्ये 5-सीटर लेआउट
अल्काझार Lounge Edition मध्ये सर्वात मोठा बदल म्हणजे नियमित मल्टी-रो सेटअपऐवजी 5-सीटर कॉन्फिगरेशन देण्यात आले आहे. ही आवृत्ती Signature व्हेरिएंटवर आधारित असून 1.5-लिटर डिझेल इंजिन आणि ऑटोमॅटिक गिअरबॉक्ससह येते. किंमत ₹21.80 लाखांपासून सुरू होते.
क्रेटा इलेक्ट्रिकमध्ये अतिरिक्त फीचर्स
क्रेटा इलेक्ट्रिक Lounge Edition ही Excellence Long Range व्हेरिएंटवर आधारित आहे. यात 11.6-इंच रिअर स्क्रीनसोबत डॅशकॅम आणि रिअर वायरलेस चार्जर मिळतो. 17-इंच ब्लॅक एरो अलॉय व्हील्स, गोल्डन ब्रॉन्झ रंग आणि ब्लॅक एक्स्टेरियर डिझाइनमुळे या आवृत्तीला वेगळा लूक मिळतो. क्रेटा इलेक्ट्रिक Lounge ची किंमत ₹24.34 लाखांपासून ₹25.22 लाखांपर्यंत आहे.
