Hyundai Creta चा समर एडिशन झाला लाँच, फीचर्स असे तुम्हाला हवे तसे अन् किंमत फक्त…

ह्युंदाईच्या अनेक कार लोकप्रिय आहेत. अशीच एक कार म्हणजे Hyundai Creta. नुकतेच कंपनीने या कारचे समर एडिशन भारतात लाँच केले आहे, चला या खास एडिशन बद्दल जाणून घेऊयात.

• भारतात ह्युंदाईच्या वाहनांना चांगली मागणी
• Hyundai Creta Summer Edition लाँच
• जाणून घ्या किंमत आणि बरंच काही

Hyundai ही वाहन निर्माता कंपनी भारतीय बाजारात विविध सेगमेंटमध्ये आपली मजबूत उपस्थिती राखून आहे. कंपनीने अलीकडेच आपल्या लोकप्रिय मिड-साईज SUV Hyundai Creta चा Summer Edition लाँच केला आहे. या नवीन एडिशनमध्ये आकर्षक फीचर्स, दमदार इंजिन पर्याय आणि स्पर्धात्मक किंमत यामुळे ग्राहकांचे लक्ष वेधून घेण्याचा प्रयत्न करण्यात आला आहे.

Hyundai Creta ही भारतीय बाजारात सर्वाधिक लोकप्रिय SUV पैकी एक मानली जाते. ग्राहकांच्या बदलत्या गरजा आणि अपेक्षा लक्षात घेऊन कंपनीने Summer Edition सादर केले आहे. या एडिशनमध्ये काही अतिरिक्त आणि प्रीमियम फीचर्स देऊन गाडी अधिक आकर्षक बनवण्यात आली आहे.

Bajaj च्या ‘या’ बाईकमध्ये मोठा बदल! ‘या’ गोष्टीमुळे बाईक खरेदी करणे होणार स्वस्त

फीचर्स

फीचर्सच्या बाबतीत, Creta Summer Edition मध्ये अनेक आधुनिक सुविधा देण्यात आल्या आहेत. यात पुश बटन स्टार्ट, की-लेस एंट्री, LED हेडलाइट्स, LED टेललाइट्स, LED DRL आणि LED टर्न इंडिकेटर्स यांचा समावेश आहे. तसेच, रियर सनशेड, 16-इंच ड्युअल-टोन स्टील व्हील्स, गाइडलाइनसह रियर कॅमेरा, डॅशकॅम आणि 26.03 सेमी डिजिटल इन्स्ट्रुमेंट क्लस्टर यांसारखे फीचर्सही देण्यात आले आहेत. सुरक्षिततेच्या दृष्टीने SVM (सर्व्हाउंड व्ह्यू मॉनिटर), ब्लाइंड-स्पॉट व्ह्यू मॉनिटर आणि फ्रंट पार्किंग सेन्सर्स यांचा समावेश करण्यात आला आहे, ज्यामुळे ड्रायव्हिंग अधिक सुरक्षित आणि सोयीस्कर होते.

इंजिन

इंजिनच्या बाबतीत, या SUV मध्ये 1.5 लिटर क्षमतेचे तीन पर्याय देण्यात आले आहेत. पहिला पर्याय म्हणजे 1.5 लिटर नैसर्गिकरित्या एस्पिरेटेड पेट्रोल इंजिन, जे 115 PS पॉवर आणि 143.8 Nm टॉर्क निर्माण करते. दुसरा पर्याय 1.5 लिटर टर्बो पेट्रोल इंजिनचा आहे, ज्यातून 160 PS पॉवर आणि 253 Nm टॉर्क मिळतो. तिसरा पर्याय 1.5 लिटर डिझेल इंजिनचा असून ते 116 PS पॉवर आणि 250 Nm टॉर्क निर्माण करते. या सर्व इंजिन्ससोबत 6-स्पीड मॅन्युअल, IVT, ऑटोमॅटिक आणि 7-स्पीड DCT ट्रान्समिशनचे पर्याय उपलब्ध आहेत.

पगार कितीही कमी असो; फक्त 2000 रुपयांच्या EMI वर मिळेल ‘ही’ बाईक, फुल टँकवर धावते 800 किमी

किंमत

किंमतीबाबत बोलायचे झाल्यास, Hyundai Creta Summer Edition ची एक्स-शोरूम किंमत 12.06 लाख रुपयांपासून सुरू होते आणि टॉप व्हेरिएंटसाठी 17.89 लाख रुपयांपर्यंत जाते. एकूणच, स्टायलिश डिझाइन, प्रगत फीचर्स आणि दमदार परफॉर्मन्समुळे ही SUV ग्राहकांसाठी एक आकर्षक पर्याय ठरू शकते.