‘या’ Electric Car चा जगभरात डंका ! मिळवला World Car of the Year चा पुरस्कार

भारतासह जागतिक मार्केटमध्ये अनेक कार्स उपलब्ध आहेत. नुकतंच New York International Auto Show मध्ये काही कार्सना मानाचे पुरस्कार मिळाले आहेत.

ग्लोबल मार्केटमध्ये देखील विविध कार्सना चांगली मागणी मिळत आहे. अनेक ऑटो कंपन्या ग्राहकांच्या मागणी आगामी काळातील बदलांनुसार दमदार कार्स लाँच करत आहे. तसेच भारतासह जगभरात विविध ऑटो एक्स्पोचे आयोजन होत असतात. नुकतेच जागतिक पातळीचा ऑटो शोचे आयोजन करण्यात आले होते. यात विविध कार्सना मानाचे अवॉर्ड्स मिळाले आहेत, ज्यामुळे ग्राहकांचा या कार्सवरील विश्वास वाढला आहे.

16 एप्रिल 2025 रोजी न्यू यॉर्क इंटरनॅशनल ऑटो शोमध्ये घोषित करण्यात आलेल्या 2025 चा वर्ल्ड कार ऑफ द इयर पुरस्कार Kia EV3 ने जिंकला आहे. या शर्यतीतील इतर दोन अंतिम फेरीत BMW X3 आणि Hyundai Inster / Casper Electric होते. Kia Telluride आणि EV9 नंतर, EV3 ही दक्षिण कोरियन उत्पादक कंपनीकडून सर्वोच्च सन्मान मिळवणारी तिसरी कार ठरली आहे.

Tata Punch साठी किती वर्षांचं लोन घ्यावं, जेणेकरून दरमहा भरावा लागेल फक्त 10 हजार रुपये EMI ?

या कार्सने देखील पटकावला अवॉर्ड

• ह्युंदाई इन्स्टर / कॅस्पर इलेक्ट्रिकने ईव्ही ऑफ द इयरचा अवॉर्ड जिंकला आहे. तर व्होल्वो EX90 ला 2025 चा लक्झरी कार पुरस्कार मिळाला आहे. अन्य कोणते आकर्षक अवॉर्ड्स या ऑटो शोमध्ये मिळाले आहे. त्याबद्दल आज आपण जाणून घेणार आहोत.
• 2025 वर्ल्ड अर्बन कार ऑफ द इयरचा अवॉर्ड BYD Seagull या कारला मिळाला आहे. ह्युंदाई इंस्टर / कॅस्पर इलेक्ट्रिक, मिनी कूपर इलेक्ट्रिक हे या कारचे स्पर्धक आहे.
• व्होल्वो EX90 ला 2025 वर्ल्ड लक्झरी कार ऑफ द इयरचा अवॉर्ड मिळाला आहे. पोर्श मॅकन आणि पोर्श पॅनामेरा हे या कारचे स्पर्धक आहे.
• पोर्श 911 कॅरेरा जीटीएसला 2025 वर्ल्ड परफॉर्मन्स कार ऑफ द इयरचा अवॉर्ड मिळाला आहे. बीएमडब्ल्यू एम5, आणि पोर्श टायकन टर्बो जीटी या कारचे स्पर्धक आहे.
• ह्युंदाई इंस्टर / कॅस्पर इलेक्ट्रिकला 2025 वर्ल्ड इलेक्ट्रिक व्हेईकल ऑफ द इयरचा अवॉर्ड मिळाला आहे. किआ ईव्ही3 आणि पोर्श मॅकन इलेक्ट्रिक हे या कारचे स्पर्धक आहे.
• फोक्सवॅगन आयडी. Buzz या कारला 2025 वर्ल्ड कार डिझाइन ऑफ द इयरचा अवॉर्ड मिळाला आहे. किया EV3, टोयोटा लँड क्रूझर / लँड क्रूझर 250 हे या कारचे स्पर्धक आहे.

भारतीयांची आवडती Toyota Innova खरेदी करण्यासाठी किती असावा पगार, जेणेकरून दरमहा EMI भरावा लागेल

ऑटो क्षेत्रातील मान्यवरांना देखील मिळला अवॉर्ड

स्टेला ली, कार्यकारी उपाध्यक्ष, BYD यांना 2025 वर्ल्ड कार पर्सन ऑफ द इयरचा अवॉर्ड मिळाला आहे.

2025 वर्ल्ड कार अवॉर्ड्स ज्युरी

2025 साठी, वर्ल्ड कार अवॉर्ड्स ज्युरीमध्ये 30 देशांतील 96 प्रतिष्ठित ऑटोमोटिव्ह पत्रकारांचा समावेश होता. त्यापैकी ऑटोकार इंडियाचे संपादक होरमाझद सोराबजी आणि ऑटोकार इंडियाच्या कन्सल्टिंग एडिटर (व्हिडिओ) रेणुका किरपलानी यांचा समावेश होता.