‘या’ कारने TATA Sierra ला दिली धोबी पछाड! क्रॅश टेस्टमध्ये मिळवली 5 स्टार सेफ्टी रेटिंग; ग्राहकांच्या केसाला सुद्धा धक्का लागणार न

BNCAP क्रॅश टेस्टमध्ये किआच्या लोकप्रिय कारने 5 स्टार सेफ्टी रेटिंग मिळवली आहे. चला या कारबद्दल अधिक माहिती जाणून घेऊयात.

• Kia Seltos ची Bharat NCAP मध्ये झाली क्रॅश टेस्ट
• क्रॅश टेस्ट मध्ये मिळाली 5 स्टार सेफ्टी रेटिंग
• जाणून घ्या सेफ्टी टेस्टची संपूर्ण माहिती

Kia Seltos ला Bharat NCAP च्या क्रॅश टेस्टिंगमध्ये 5-स्टार सेफ्टी रेटिंग मिळाले आहे. या कारने प्रौढांच्या सुरक्षिततेसाठी 32 पैकी 31.70 गुण, तर मुलांच्या सुरक्षिततेसाठी 49 पैकी 45 गुण मिळवले आहेत. हे मानांकन Seltos च्या सर्व व्हेरिएंट्सना लागू होते. BNCAP ने विशेषतः या कारच्या डिझेल-ऑटोमॅटिक मॉडेल्सची म्हणजेच HTE (O) आणि GTX ची टेस्टिंग केली. विशेष म्हणजे, Seltos चा परफॉर्मन्स Tata Sierra पेक्षा थोडा अधिक सरस ठरला आहे.

ही कार सुरक्षितता कशी प्रदान करते का?

Kia Seltos ने चालकाचे डोकं, मांड्या आणि उजव्या पायाच्या खालच्या भागाला चांगले संरक्षण दिले. मात्र, डाव्या पायाच्या खालच्या भागाला आणि दोन्ही पायांना पुरेसे संरक्षण मिळाले. दुसरीकडे, समोरच्या सीटवर बसलेल्या प्रवाशाच्या शरीराच्या सर्व महत्त्वाच्या अवयवांना चांगले संरक्षण मिळाले. बाजूने होणाऱ्या धडकेच्या टेस्टिंगमध्येही, चालक आणि समोरचा प्रवासी या दोघांच्याही शरीराच्या अत्यंत महत्त्वाच्या अवयवांना, जसे की डोके, छाती, पोट आणि नितंबला चांगले संरक्षण मिळाले.

April 2026 मध्ये ‘या’ 5 नवीन कार मार्केट गाजवण्याचा तयारीत! जाणून घ्या एकापेक्षा एक दमदार मॉडेल्स

फ्रंटल ऑफसेट डिफॉर्मेबल बॅरियर टेस्टमध्ये 15.70 पैकी 16 गुण, तर साइड मूवेबल डिफॉर्मेबल बॅरियर टेस्टमध्ये पूर्ण 16 पैकी 16 गुण मिळाले आहेत.

चाइल्ड सेफ्टी स्कोअर

Kia Seltos ला मुलांच्या सुरक्षेसाठी एकूण 49 पैकी 45 गुण मिळाले आहेत. यात डायनॅमिक सेफ्टीमध्ये 24 पैकी 24 गुण आणि CRS (Child Restraint System) मध्ये 12 पैकी 12 गुण मिळाले आहेत. मात्र, व्हेईकल असेसमेंटमध्ये तिला 13 पैकी 9 गुण मिळाल्यामुळे एकूण स्कोअर थोडा कमी राहिला.

क्रॅश टेस्टदरम्यान 18 महिने आणि 3 वर्षांच्या मुलांचे डमी मॉडेल्स वापरण्यात आले. फ्रंट आणि साइड इम्पॅक्ट टेस्टमध्ये Seltos ने उत्कृष्ट कामगिरी करत पूर्ण गुण मिळवले. मात्र, व्हेईकल असेसमेंटमध्ये 4 गुण कमी मिळाल्याने एकूण स्कोअर 45 राहिला.

गाडी चालवताना ‘ही’ 5 कामं अजिबात करू नका! अन्यथा पोलीस मामा स्वतःच करतील तुमचं Driving License सस्पेंड

सेफ्टी फीचर्स

प्रवाशांच्या सुरक्षेच्या दृष्टीने Seltos च्या सर्व व्हेरिएंट्समध्ये 6 एअरबॅग्स, पार्किंग सेन्सर्स, रिअर व्ह्यू कॅमेरा, ABS, TPMS, ESC, स्टॅबिलिटी कंट्रोल आणि हिल स्टार्ट असिस्ट यांसारख्या सुविधा देण्यात आल्या आहेत. याशिवाय, सर्व चाकांमध्ये डिस्क ब्रेक, डाउनहिल ब्रेक कंट्रोल आणि मुलांच्या सीटसाठी माउंट्स (ISOFIX) देखील उपलब्ध आहेत.

किंमत आणि स्पर्धा

Kia Seltos ची किंमत 10.99 लाख ते 19.99 लाख (एक्स-शोरूम) दरम्यान आहे. भारतीय बाजारात या कारची स्पर्धा Renault Duster, Hyundai Creta, Tata Sierra, Maruti Grand Vitara, Honda Elevate, Skoda Kushaq आणि Volkswagen Taigun यांसारख्या SUV सोबत आहे.