सुपरकारचा लुक आता स्कुटरमध्ये! ‘Mansory’ ने मॉडिफाय केली Yamaha TMAX 560; पाहा काय आहे खास

लक्झरी गाड्यांना नवा लूक देणाऱ्या 'मॅनसोरी' कंपनीने आता थेट यामाहाच्या ताकदीला कार्बन फायबरची जोड देऊन एक भयानक-सुंदर 'मेगा स्कुटर' बनवली आहे! सुपरकारसारखे विंगलेट्स आणि भन्नाट टर्क्युओईज रंग असलेली ही दुर्मिळ स्कुटर रस्त्यावर कशी धुमाकूळ घालणार?

• मॅनसोरीने यामाहा TMAX 560 ला प्रीमियम कार्बन फायबर आणि अ‍ॅरोडायनामिक विंगलेट्ससह नवा लक्झरी लुक दिला आहे.
• गाडीला आकर्षक टर्क्युओईज रंग, ल्युमिनेटेड लोगो, क्विल्टेड लेदर सीट आणि रंग बदलणारा विंडस्क्रीन जोडण्यात आला आहे.
• इंजिनमध्ये बदल न करता मूळ 562cc इंजिन कायम ठेवत ही स्कुटर केवळ खास ग्राहकांसाठी कस्टमाईज केली जाईल.

जगातील नामांकित लक्झरी मॉडिफायिंग कंपनी Mansory (मॅनसोरी) ने यामाहाच्या लोकप्रिय TMAX 560 या मॅक्सी स्कुटरचे एक अत्यंत खास आणि मर्यादित कस्टमाईज व्हर्जन सादर केले आहे. याला ‘Mega Scooter’ असे नाव देण्यात आले असून, कंपनीच्या प्रसिद्ध ‘वेस्पा मोनाको एडिशन’ नंतरची ही दोन चाकांची दुसरी सर्वात मोठी कस्टमायझेशन संकल्पना आहे.

Honda CB1000 Hornet SP: फायरब्लेडचे इंजिन आणि सुपरबाइकचे फीचर्स! जाणून घ्या होंडा CB1000 Hornet SP मधील खास गोष्टी!

डिझाईन आणि लुकमधील मुख्य बदल

• कार्बन फायबरचा वापर: स्कुटरच्या पुढील भागात आणि बाजूच्या पॅनेल्सवर मोठ्या प्रमाणात एक्सपोज्ड कार्बन फायबरचा वापर करण्यात आला आहे.
• अ‍ॅरोडायनामिक विंगलेट्स: सुपरकारप्रमाणेच या स्कुटरमध्ये फ्रंट fairing आणि मागच्या सीटजवळ स्पोर्टी अ‍ॅरोडायनामिक विंगलेट्स बसवण्यात आले आहेत.
• टर्क्युओईज रंग आणि लाईटअप लोगो: या गाडीला आकर्षित करणारा खास टर्क्युओईज कलर फिनिश दिला आहे. तसेच, समोरच्या बाजूला आणि विंगलेट्सवर Mansory चा लाईटअप होणारा लोगो मिळतो.
• कस्टम सीट: स्कुटरची मूळ सीट काढून त्याऐवजी प्रीमियम क्विल्टेड लेदर आणि टर्क्युओईज स्टिचिंग असलेली कम्फर्टेबल टू-पीस सीट देण्यात आली आहे.
• इतर फीचर्स: याच्या फ्रंट मडगार्डवर कार्बन फिनिशिंग, कार्बन मिरर कव्हर्स, कस्टम कार्बन एक्झॉस्ट कव्हर आणि वेगवेगळ्या अँगलने रंग बदलणारा ‘Iridescent Windscreen’ जोडण्यात आला आहे.

मेट्रोतून उतरा आणि लगेच इलेक्ट्रिक दुचाकी भाड्याने घ्या! दिल्लीत मेट्रो प्रवाशांसाठी भागो मोबिलिटी आणि होंडाची नवी भेट

इंजिन आणि मेकॅनिकल परफॉर्मन्स मॅनसोरीने या स्कुटरच्या केवळ बाह्य डिझाईन आणि लुकमध्ये बदल केले आहेत. हिच्या मेकॅनिकल भागांमध्ये किंवा इंजिनमध्ये कोणताही बदल केलेला नाही. या स्कुटरमध्ये मूळ यामाहाचाच 562cc, पॅरॅलल-ट्विन, लिक्विड-कुल्ड इंजिन मिळतो, जो 47.6 bhp ची पॉवर निर्माण करतो आणि यात CVT गिअरबॉक्स देण्यात आला आहे. लक्झरी कार कस्टमायझेशन करणाऱ्या Mansory चा हा ‘मेगा स्कुटर’ प्रोजेक्ट काही मोजक्या आणि खास ग्राहकांच्या मागणीनुसार कस्टमाईज करून दिला जाणार आहे.