शुक्रवार, 23 ऑक्टोबर 2026
(फोटो सौजन्य-AI एआय)
कोणत्या गाडीवर आहे किती सूट?
मारुती व्हिक्टोरिस: या महिन्यात कंपनीच्या गाड्यांमध्ये सर्वाधिक १,३५,००० रुपयांपर्यंतची बचत या गाडीवर मिळत आहे. यामध्ये २०,००० रुपयांपर्यंतची रोख सवलत, ५०,००० रुपयांपर्यंतचा एक्सचेंज बोनस (किंवा २५,००० रुपये PCM बोनस / ४५,००० रुपये स्क्रॅपेज बोनस), ३०,००० रुपयांपर्यंतचा लॉयल्टी बोनस आणि १०,००० रुपयांची संस्थात्मक सूट समाविष्ट आहे. या गाडीची मूळ किंमत रु. १०,४९,९०० (एक्स-शोरूम) आहे.
मारुती अल्टो: ३,६९,९०० रुपयांपासून सुरू होणाऱ्या या कारवर ५२,५०० रुपयांपर्यंतचे एकूण फायदे दिले जात आहेत. यात २५,००० रुपयांपर्यंतची कॅश सवलत, १५,००० रुपयांचा एक्सचेंज बोनस आणि १०,००० रुपये PCM किंवा स्क्रॅपेज बोनसचा समावेश आहे.
मारुती टूर H3: व्हेगन-आरच्या या टॅक्सी व्हर्जनवर तब्बल ७०,००० रुपयांपर्यंतचे मोठे फायदे मिळत आहेत, ज्यामध्ये ४५,००० रुपयांपर्यंतची थेट रोख सवलत समाविष्ट आहे.
मारुती व्हेगन-आर: ४,९८,९०० रुपयांपासून सुरू होणाऱ्या या कौटुंबिक हॅचबॅकवर ग्राहकांना ५७,५०० रुपयांपर्यंतची एकूण बचत करता येईल. यात २०,००० रुपयांची रोख सवलत आणि १५,००० रुपयांचा एक्सचेंज बोनस समाविष्ट आहे.
मारुती स्विफ्ट: स्विफ्ट खरेदीदारांना या महिन्यात ४५,००० रुपयांपर्यंतची सूट मिळेल. यात १५,००० रुपये रोख सवलत, १५,००० रुपये एक्सचेंज बोनस, १०,००० रुपये PCM बोनस आणि ५,००० रुपयांची संस्थात्मक सवलत समाविष्ट आहे.
मारुती सेलेरिओ आणि इको: या दोन्ही गाड्यांवर ग्राहकांना प्रत्येकी ४२,५०० रुपयांपर्यंतचे फायदे मिळू शकतात.
मारुती एस-प्रेसो: कंपनीच्या सर्वात स्वस्त (रु. ३,४९,९००) कारवर ३७,५०० रुपयांपर्यंतची बचत करण्याची संधी आहे.
टॅक्सी मॉडेल्स (Tour H1, Tour V, Tour S): टूर H1 वर ५०,००० रुपये, टूर V वर ३५,००० रुपये आणि डिझायरच्या टॅक्सी व्हर्जन असणाऱ्या टूर S वर २५,००० रुपयांपर्यंतचे फायदे उपलब्ध आहेत.
या गाड्यांवर एकही रुपयाची सूट नाही!
मारुती सुझुकीच्या काही सर्वाधिक मागणी असलेल्या मॉडेल्सवर या महिन्यात कोणतीही सवलत किंवा डिस्काउंट ऑफर देण्यात आलेली नाही. यामध्ये नुकतीच लाँच झालेली नवीन मारुती ब्रेझा, मारुती डिझायर, मारुती अर्टिगा आणि तिचे टॅक्सी व्हर्जन टूर M (Tour M) यांचा समावेश आहे. या गाड्यांच्या प्रचंड मागणीमुळे कंपनीने यांवर कोणतीही सूट लागू केलेली नाही.
