ज्या Luxury Cars वर ग्राहक फिदा त्याच झाल्या बंद! Mercedes चा मोठा निर्णय; आता रस्त्यावर ‘या’ गाड्या दिसणार नाहीत

मर्सिडीज बेंझच्या अनेक कार भारतात लोकप्रिय आहेत. मात्र, आता कंपनीने त्यांच्या काही कार्सचे प्रोडक्शन थांबवण्याचा निर्णय घेतला आहे. चला या बंद पडलेल्या कार्सबद्दल जाणून घेऊयात.

• मर्सिडीज बेंझने घेतला महत्वाचा निर्णय
• कंपनीने भारतात A-Class, EQA, EQB आणि EQE SUV ला केले बंद
• आता कंपनीची पुढची रणनीती काय?

Mercedes -Benz ने भारतातील आपल्या कार पोर्टफोलिओमध्ये एक मोठा आणि महत्वाचा फेरबदल केला आहे. कंपनीने त्यांची चार मॉडेल्स A-Class सेडान, EQA, EQB आणि EQE SUV चे प्रोडक्शन बंद केले आहे. तसेच कंपनीने या कार्स त्यांच्या अधिकृत संकेतस्थळावरून काढून टाकले आहे. या कृतीवरून हे स्पष्ट होते की, कंपनी आपली धोरणात्मक दिशा बदलत असून, आता अधिक ‘प्रीमियम’ आणि टॉप-क्वालिटीच्या वाहनांवर लक्ष केंद्रित करत आहे. चला, याबद्दल अधिक बारकाईने जाणून घेऊयात.

थोडक्यात सांगायचे तर, मर्सिडीजचे लक्ष आता कमी किमतीच्या, ‘एन्ट्री-लेव्हल’ कार्सवरून हटून, अत्याधुनिक तंत्रज्ञान असलेल्या उच्च-दर्जाच्या वाहनांकडे वळले आहे. या धोरणाशी सुसंगत राहून, कंपनी भविष्यात नवीन ‘CLA EV’ लाँच करण्याच्या तयारीत आहे; याच्या लाँचची संभाव्य तारीख 24 एप्रिल 2026 असल्याचे सांगितले जात आहे.

50 हजारांच्या पगारावर Tata Sierra खरेदी करण्याचे स्वप्न दणक्यात पूर्ण होईल! EMI फक्त 18000 रुपये आणि डाउन पेमेंट…

A-Class बंद झाल्यामुळे एन्ट्री-लेव्हलच्या किमती वाढल्या

मर्सिडीज A-Class Limousine ही यापूर्वी भारतात कंपनीची सर्वात परवडणारी कार होती. मार्च 2021 मध्ये लाँच झालेल्या या कारची किंमत अंदाजे ₹44.46 लाख ते 45.92 लाख दरम्यान होती. मात्र, हे मॉडेल बंद झाल्यामुळे, आता मर्सिडीज ब्रँडमध्ये प्रवेश करू इच्छिणाऱ्या ग्राहकांना लक्षणीयरीत्या अधिक रक्कम खर्च करावी लागेल.

आता ‘GLA SUV’ ही कंपनीची सर्वात परवडणारी कार ठरली आहे, ज्याची किंमत सुमारे 51.80 लाखांपासून सुरू होते. याचा अर्थ असा की, मर्सिडीज कार खरेदीसाठीची ‘एन्ट्री-लेव्हल’ किंमत पूर्वीच्या तुलनेत बऱ्याच प्रमाणात वाढली आहे. यावरून हे देखील स्पष्ट होते की, कंपनी आता केवळ अशा ग्राहकांना लक्ष्य करत आहे, जे ‘प्रीमियम’ श्रेणीमध्ये अधिक पैसे खर्च करण्यास इच्छुक आहेत.

लवकरच Mahindra Scorpio N चा फेसलिफ्ट व्हर्जन लाँच होणार, ‘हे’ असतील महत्वाचे बदल

EQA, EQB आणि EQE SUVs देखील बंद करण्यात आल्या

मर्सिडीजने आपल्या इलेक्ट्रिक वाहनांच्या लाइनअपमध्येही काही बदल केले आहेत. ‘EQA’ जी यापूर्वी कंपनीची सर्वात परवडणारी इलेक्ट्रिक कार होती आणि याची किंमत अंदाजे 66 लाख रुपये होती, ती आता उत्पादनातून वगळण्यात आली आहे. याव्यतिरिक्त, ‘EQB’ तीन रांगांच्या आसनांची सुविधा असलेली इलेक्ट्रिक SUV देखील या श्रेणीतून काढून टाकण्यात आली आहे, जिची किंमत 70.9 लाख ते 77.5 लाख रुपये दरम्यान होती. ‘EQE SUV’ एक प्रीमियम इलेक्ट्रिक SUV, जिची सुरुवातीची किंमत सुमारे 1.39 कोटी रुपये होती, ती देखील कंपनीने बंद केली आहे. हे मॉडेल्स बंद करण्यामागील मुख्य उद्देश हा आहे की, कंपनीच्या इलेक्ट्रिक वाहनांच्या पोर्टफोलिओचे प्रीमियम आकर्षण अधिक बळकट करणे आणि त्याचा दर्जा उंचावणे.