ग्राहकांनोsss ही संधी सोडू नका! 27kmpl मायलेज देणाऱ्या ‘या’ कारवर 1.80 लाख रुपयांचे डिस्काउंट, Honda ची मोठी घोषणा

जर तुम्ही प्रीमियम सेडान कार खरेदी करण्याचा विचार करत असाल तर मग Honda City वर कंपनीकडून 1.80 लाख रुपयांचे डिस्काउंट ऑफर केले जात आहे. चला याबद्दल जाणून घेऊयात.

• होंडाच्या कार्सना भारतात चांगली मागणी
• प्रीमियम सेडान म्हणून Honda City होते ऑफर
• कंपनीकडून मिळतंय दमदार डिस्काउंट

Honda Cars India च्या देशांतर्गत विक्रीत थोडी घट झाल्याने कंपनीने एप्रिल 2026 मध्ये आपल्या लोकप्रिय कार्सवर आकर्षक डिस्काउंट देण्याचा निर्णय घेतला आहे. या ऑफरमध्ये Honda City चा देखील समावेश असून ग्राहकांना मोठा फायदा मिळत आहे.

कोणत्या मॉडेलवर मिळतोय डिस्काउंट?

या महिन्यात Honda City वर दमदार ऑफर्स मिळत आहेत. जुन्या स्टॉक (MY2025) वर तब्बल 1.80 लाख रुपयांपर्यंत सूट दिली जात आहे. तर 2026 च्या नवीन मॉडेलवर सुमारे 35,000 रुपयांची सूट मिळते. याशिवाय, कोणत्याही व्हेरिएंटच्या खरेदीवर कंपनीकडून 7 वर्षांची अपघात वॉरंटीही दिली जात आहे.

Mahindra च्या ‘या’ कारला ग्राहकांनी घेतलं डोक्यावर! फटाफट 20 हजार युनिट्स सोल्ड आऊट

कारचा लुक आणि डिझाइन

Honda City चे डिझाइन आधुनिक आणि आकर्षक आहे. यात नवीन फ्रंट ग्रिल, LED हेडलाइट्स, Z-शेप टेललाइट्स आणि स्पोर्टी बंपर देण्यात आले आहेत. कारची लांबी 4583 मिमी असून व्हीलबेस 2600 मिमी आहे, त्यामुळे ती मजबूत आणि प्रीमियम लुक देते. यामध्ये 8-इंच टचस्क्रीन इन्फोटेनमेंट सिस्टम असून वायरलेस Android Auto आणि Apple CarPlay सपोर्ट दिला आहे.

तसेच सिंगल पेन सनरूफ, वायरलेस चार्जर, उत्तम साउंड सिस्टम आणि मागील सीटवर भरपूर लेगस्पेस यांसारख्या सुविधा देखील मिळतात.

इंजिन आणि मायलेज

या कारमध्ये 1.5 लिटर पेट्रोल इंजिन असून ते दोन इलेक्ट्रिक मोटर्ससोबत काम करते. हा हायब्रिड सेटअप 126 PS पॉवर आणि 253 Nm टॉर्क निर्माण करतो. e-CVT ट्रान्समिशनमुळे ड्रायव्हिंग अनुभव अतिशय स्मूथ होतो. याचे मायलेज 27.13 ते 27.26 किमी/लिटर (ARAI) असून शहर आणि हायवे दोन्हीसाठी उपयुक्त आहे. फ्यूल टँक क्षमता 40 लिटर आहे.

क्लासिक डिझाइन आणि हाय-टेक अंदाज; Royal Enfield ची पहिली e-bike, पाहा रेंज आणि भन्नाट फीचर्स

व्हेरिएंट आणि किंमत

Honda City Hybrid e:HEV ही एक प्रीमियम सेडान असून भारतात तिच्या ZX व्हेरिएंटची एक्स-शोरूम किंमत सुमारे 19.99 लाख ते 20.50 लाख रुपयांदरम्यान आहे.