आली हो आली Royal Enfield ची Electric Bike आली! जाणून घ्या रेंज, फीचर्स आणि किंमत

अखेर रॉयल एन्फिल्डची पहिलीवहिली इलेक्ट्रिक बाईक Royal Enfield Flying Flea C6 भारतीय बाजारात लाँच झाली आहे. ही इलेक्ट्रिक बाईक 1.99 लाखांच्या किमतीत लाँच केली आहे.

• रॉयल एन्फिल्डची पहिली ई बाईक लाँच
• 1.99 लाखांच्या किमतीत बाईक लाँच
• जाणून घ्या बाईकची संपूर्ण माहिती

भारतात इलेक्ट्रिक वाहनांचे वारे वेगाने वाहत आहे. आज रस्त्यावर इलेक्टिक वाहनांच्या मागणीत सुद्धा वाढ झाली आहे. हीच मागणी लक्षात घेत अनेक वाहन उत्पादक कंपन्यांनी मार्केटमध्ये उत्तम ई बाईक ऑफर केल्या आहेत. नुकतेच रॉयल एन्फिल्डने देखील त्यांची पहिली इलेक्टिक बाईक बाजारात आणली आहे.

Royal Enfield ची इलेक्ट्रिक बाईक Flying Flea C6 भारतात लाँच झाली आहे. या बाईकची किंमत 2.79 लाख रुपये (एक्स-शोरूम) ठेवण्यात आली आहे. मात्र, जर तुम्ही Battery-as-a-Service (BaaS) पर्याय निवडला, तर हीच बाईक तुम्हाला फक्त 1.99 लाख रुपयांत मिळू शकते. या लाँचमुळे कंपनीच्या आगामी इलेक्ट्रिक बाईक्ससाठीही मार्ग मोकळा झाला आहे.

कार चालवताना तिसरा गिअर कधी वापराल? जाणून घ्या योग्य पद्धत, स्पीड आणि महत्वाच्या टिप्स

रेंज आणि परफॉर्मन्स

Flying Flea C6 मध्ये 3.91kWh क्षमतेची बॅटरी आणि दमदार इलेक्ट्रिक मोटर देण्यात आली आहे. ही बाईक केवळ 3.7 सेकंदांत 0 ते 60 किमी प्रतितास वेग गाठू शकते, तर याचा टॉप स्पीड 115 किमी प्रतितास आहे. एकदा पूर्ण चार्ज केल्यानंतर ही बाइक 154 किमी (IDC) पर्यंत धावू शकते. तसेच, फास्ट चार्जरच्या मदतीने बॅटरी 20% ते 80% पर्यंत चार्ज होण्यासाठी सुमारे 65 मिनिटे लागतात.

फीचर्स

या बाईकमध्ये शहरातील वापर लक्षात घेऊन अनेक आधुनिक फीचर्स देण्यात आले आहेत. यामध्ये LED लाईट्स, Google नेव्हिगेशन आणि वायरलेस फोन चार्जिंगचा समावेश आहे. सुरक्षिततेसाठी कॉर्नरिंग ABS आणि ट्रॅक्शन कंट्रोल देण्यात आले आहे. याशिवाय, Sport आणि Individual असे राइडिंग मोड्सही उपलब्ध आहेत. Individual मोडमुळे रायडरला आपल्या पसंतीनुसार पावर आणि ब्रेकिंग सेट करता येते.

डिझाइन

Flying Flea C6 चा डिझाइन क्लासिक “Flying Flea” बाईकपासून प्रेरित आहे. यामध्ये ओपन फ्रेम, पुढील बाजूस गर्डर सस्पेन्शन आणि फ्लोटिंग सीट दिली आहे. मागील सीट गरजेनुसार काढता (रिमूव्ह) येते, ज्यामुळे बाइक अधिक स्टायलिश आणि युनिक दिसते.

बॅटरी आणि वजन

या बाईकची बॅटरी विशेष Aluminium बॉक्समध्ये ठेवण्यात आली आहे. हा डिझाइन बॅटरी थंड ठेवण्यास मदत करतो आणि बाईकच्या परफॉर्मन्समध्ये सुधारणा करतो. याशिवाय, यामुळे बाईकला वेगळा आणि आकर्षक लुक मिळतो. या सर्व फीचर्स असूनही, या बाईकचे वजन फक्त 124 किलो आहे, जे तिला Royal Enfield ची सर्वात हलकी बाइक बनवते.