फोटो सौजन्य: X.com
Simple Energy या कंपनीने भारतीय बाजारात आपली नवी इलेक्ट्रिक स्कूटर Ultra लाँच केली आहे. या स्कूटरची एक्स-शोरूम किंमत सुमारे 2.35 लाख रुपये ठेवण्यात आली आहे. वर्षाच्या सुरुवातीला या स्कूटरची झलक दाखवण्यात आली होती आणि आता अखेर तिची बुकिंग देखील सुरू झाली आहे.
Bajaj Dominar की Triumph 400, कोणती बाईक तुम्हाला जास्त शोभेल? खरेदी करण्याआधी जाणून घ्या किंमत
या स्कूटरचे सर्वात मोठे वैशिष्ट्य म्हणजे याची जबरदस्त रेंज. कंपनीच्या दाव्यानुसार, ही स्कूटर एकदा फुल चार्ज केल्यानंतर तब्बल 400 किमी (IDC) पर्यंत धावू शकते. ही रेंज सध्या बाजारात उपलब्ध असलेल्या अनेक इलेक्ट्रिक स्कूटर्सपेक्षा खूप जास्त असून काही इलेक्ट्रिक कार्सलाही टक्कर देणारी आहे.
400 किमीची लांब रेंज देण्यासाठी या स्कूटरमध्ये 6.5 kWh क्षमतेची बॅटरी देण्यात आली आहे. ही बॅटरी स्कूटरच्या फ्लोअर आणि बॉडीमध्ये सुरक्षितपणे बसवण्यात आली आहे. स्पीडच्या बाबतीतही ही स्कूटर पुढे आहे. 115 किमी प्रति तास ही तिची टॉप स्पीड असून ती फक्त 2.77 सेकंदांत 0 ते 40 किमी/ता वेग गाठू शकते.
फुल चार्जवर 926 किमीची रेंज! Mercedes-Benz च्या ‘या’ खास कारचा फेसलिफ्ट मॉडेल लाँच
रायडरच्या सुरक्षेसाठी या स्कूटरमध्ये 4 लेव्हल ट्रॅक्शन कंट्रोल देण्यात आले आहे, ज्यामुळे स्कूटर घसरत नाही.
तसेच, यात 7-इंच टचस्क्रीन डिस्प्ले दिला आहे, ज्यावर प्रवासाशी संबंधित सर्व माहिती पाहता येते. या स्क्रीनद्वारे मोबाईल कनेक्ट करून विविध स्मार्ट फीचर्सचाही वापर करता येतो. एकंदरीत, दमदार रेंज, टॉप स्पीड आणि आधुनिक फीचर्समुळे Simple Ultra ही स्कूटर भारतीय EV बाजारात मोठी स्पर्धा निर्माण करू शकते.
.png "Videos"){kind=small}
