भारतात Vespa Officina 8 चा खास एडिशन झाला लाँच, किंमत तर 1.50 लाखांपेक्षा कमी

भारतीय दुचाकी बाजारात Vespa Officina 8 चा खास एडिशन लाँच झाला आहे. चला जाणून घेऊयात, या नवीन स्कूटरची किंमत किती आहे.

• भारतात Vespa स्कूटर लोकप्रिय आहे
• नुकतेच Vespa Officina 8 चा खास एडिशन लाँच
• 125cc आणि 150cc अशा दोन इंजिन पर्यायांसह उपलब्ध

भारतात दिवसेंदिवस दुचाकींच्या विक्रीत वाढ होताना दिसत आहे. म्हणूनच तर अनेक ऑटो ब्रॅण्ड्स भारतात उत्तम स्कूटर ऑफर करतात. यातील काही स्कूटर तर ग्राहकांमध्ये लोकप्रिय ठरले आहेत. असाच एक लोकप्रिय स्कूटर म्हणजे Vespa. नुकतेच या स्कूटरचे स्पेशल एडिशन भारतात लाँच झाले आहे.

भारतात दुचाकी वाहनांची विक्री करणाऱ्या Piaggio कंपनीने नुकतेच Vespa Officina 8 या स्कूटरचे स्पेशल एडिशन लाँच केले आहे. या स्कूटरमध्ये कोणत्या खास फीचर्सचा समावेश आहे आणि त्याची किंमत किती आहे? याबद्दल जाणून घेऊयात.

Nissan Gravite लवकरच होणार लाँच! पहिल्यांदाच मिळाली ‘या’ खास फीचर्सची माहिती

स्पेशल एडिशनचे लाँच

पियाजियोकडून भारतात विविध दुचाकींची विक्री केली जाते. कंपनीने अलीकडेच वेस्पा ऑफिसिना 8 चे स्पेशल एडिशन सादर केले आहे. हे एडिशन 125 सीसी आणि 150 सीसी इंजिन पर्यायांसह उपलब्ध करून देण्यात आले आहे.

काय आहेत खास फीचर्स?

या स्कूटरचे नाव इटलीतील पोंटेडेरा येथील परीक्षण केंद्रावरून प्रेरित आहे. यामध्ये स्टेप-थ्रू स्टील फ्रेम, टू-स्ट्रोक इंजिन, डायरेक्ट-ड्राइव्ह ट्रान्समिशन आणि हँडलबार-माउंटेड गिअर कंट्रोल यांसारखी वैशिष्ट्ये देण्यात आली आहेत, जी वेस्पाच्या पारंपरिक डिझाइनची आठवण करून देतात.

विशेष कलरमध्ये स्कूटर लाँच

या स्पेशल एडिशनला खास “मॅट मेटॅलिक ब्लू ऑफिसिना 8” रंग देण्यात आला आहे. हा रंग विशेषतः या सिरीजसाठी विकसित करण्यात आला असून मूळ वर्कशॉपमधील साधने, यंत्रसामग्री आणि कामगारांच्या पोशाखांपासून प्रेरित आहे. स्टील बॉडीमुळे स्कूटरला क्लासिक आणि प्रीमियम लुक मिळतो.

SUV खरेदी करण्याचा विचार करताय? ‘या’ 5 पर्यायांवर एकदा नजर टाकाच, किंमत फक्त…

अधिकाऱ्यांची प्रतिक्रिया

पियाजियो व्हेईकल्स प्रायव्हेट लिमिटेडचे चेअरमन आणि एमडी Diego Graffi यांनी सांगितले की, ऑफिसिना 8 हे वेस्पाच्या प्रवासातील एक महत्त्वाचे पर्व दर्शवते. वेळोवेळी सादर होणाऱ्या अशा स्पेशल एडिशन मॉडेल्समुळे वेस्पा आपली वेगळी ओळख कायम ठेवते आणि ग्राहकांना अधिक मूल्य प्रदान करते.

किंमत किती?

ऑफिसिना 8 स्पेशल एडिशनची एक्स-शोरूम किंमत 1.34 लाख रुपये ठेवण्यात आली आहे. यासोबत कंपनीकडून मॅचिंग हेल्मेट स्टँडर्ड अ‍ॅक्सेसरी म्हणून दिले जात आहे.

एकूणच, खास रंग, क्लासिक डिझाइन आणि मर्यादित एडिशन वैशिष्ट्यांमुळे वेस्पा ऑफिसिना 8 हे स्कूटर प्रेमींसाठी आकर्षक पर्याय ठरू शकते.