मंगळवार, 22 सप्टेंबर 2026
(फोटो सौजन्य-AI एआय)
केबिनमध्ये मिळणार Triple-Screen सेटअप
टाटा सफारी EV च्या टेस्ट म्युलमध्ये नुकताच Triple-Screen डॅशबोर्ड दिसला आहे. यामध्ये 10.25-इंच डिजिटल इन्स्ट्रुमेंट क्लस्टर आणि 12.3-इंच सेंट्रल टचस्क्रीन मिळण्याची शक्यता आहे. टॉप व्हेरिएंटमध्ये 12.3-इंच पॅसेंजर डिस्प्लेही दिला जाऊ शकतो. या स्क्रीनवर मनोरंजन, व्हिडिओ, गेम्स आणि म्युझिकसारख्या सुविधा वापरता येण्याची शक्यता आहे.
Tata Sierra Dark Edition लाँच; किंमत ₹13.99 लाखांपासून, मिळणार खास ब्लॅक थीम
65 आणि 75 kWh बॅटरीचा पर्याय
सफारी EV मध्ये टाटा मोटर्सकडून 65 kWh आणि 75 kWh LFP बॅटरी पॅक मिळण्याची अपेक्षा आहे. मोठी 75 kWh बॅटरी RWD सोबतच AWD कॉन्फिगरेशनमध्ये उपलब्ध होऊ शकते. संदर्भासाठी, हॅरियर EV मध्ये 75 kWh RWD ची MIDC रेंज 627 किमी आणि AWD ची 622 किमी आहे; सफारी EV मोठी आणि जड असल्याने तिची रेंज यापेक्षा थोडी कमी असण्याची शक्यता आहे.
टाटा सिएरा Legend Series लाँच; किंमत 11.99 लाखांपासून, मिळणार प्रीमियम फीचर्स
AWD व्हेरिएंटमध्ये दमदार परफॉर्मन्स
सफारी EV मध्ये सिंगल-मोटर RWD आणि ड्युअल-मोटर AWD असे पर्याय अपेक्षित आहेत. हॅरियर EV प्रमाणे RWD सेटअपमध्ये सुमारे 238 hp आणि 315 Nm आउटपुट मिळू शकते, तर AWD मध्ये एकूण टॉर्क 504 Nm पर्यंत जाण्याची शक्यता आहे. AWD मॉडेलमध्ये Snow/Grass, Mud-Ruts, Sand आणि Rock Crawl यांसारखे टेरेन मोडही मिळू शकतात.
याशिवाय एरोडायनॅमिक 19-इंच अलॉय व्हील्स, V2L सुविधा, व्हेंटिलेटेड सीट्स, डिजिटल IRVM आणि ADAS सारख्या आधुनिक फीचर्सचीही अपेक्षा आहे. त्यामुळे सफारी EV ही केवळ पेट्रोल-डिझेल सफारीची इलेक्ट्रिक आवृत्ती न राहता, तंत्रज्ञान आणि आरामाच्या बाबतीतही वेगळा अनुभव देण्याचा प्रयत्न करेल.
