Tesla आणू शकते त्यांची सर्वात स्वस्त SUV, कधी होणार लाँच? जाणून घ्या एका क्लिकवर

टेस्लाच्या कार उत्तम परफॉर्मन्स आणि थोड्या महागड्या किमतीसाठी ओळखल्या जातात. यातही आता कंपनी त्यांची सर्वात स्वस्त एसयूव्ही आण्याच्या तयारीत आहे. चला याबद्दल जाणून घेऊयात.

• टेस्ला ही एक लोकप्रिय कार उत्पादक कंपनी
• कंपनी नवीन इलेक्ट्रिक एसयूव्ही आणायच्या तयारीत
• जाणून घ्या सविस्तर माहिती

Elon Musk यांच्या Tesla कंपनीकडून एक नवीन आणि परवडणारी इलेक्ट्रिक SUV विकसित करण्याचे काम सुरू असल्याची माहिती समोर आली आहे. रॉयटर्सच्या अहवालानुसार, ही कार कंपनीच्या सध्याच्या सर्वात स्वस्त मॉडेलपेक्षा, म्हणजेच Tesla Model 3 पेक्षा कमी किमतीत उपलब्ध होऊ शकते. सध्या Model 3 ची किंमत सुमारे 37,000 डॉलर (अंदाजे 34.35 लाख रुपये) आहे, त्यामुळे आगामी SUV यापेक्षा अधिक परवडणारी असण्याची शक्यता व्यक्त केली जात आहे.

पेट्रोल कारपेक्षा इलेक्ट्रिक कार जास्त जड असतात का? ‘हे’ उत्तर तुम्हाला विचार करण्यास भाग पाडेल

नवीन Tesla SUV कशी असेल?

ही नवीन Tesla कार पूर्णपणे नवीन मॉडेल असेल. अहवालानुसार, या SUV ची लांबी सुमारे 4.3 मीटर असण्याची शक्यता आहे. सुरुवातीला या कारचे उत्पादन कंपनीच्या शांघाय प्लांटमध्ये केले जाईल, त्यानंतर युरोप आणि अमेरिकेतही उत्पादन सुरू होण्याची शक्यता आहे.

या कारचा मुख्य उद्देश काय?

या प्रोजेक्टचा मुख्य उद्देश म्हणजे उत्पादन खर्च कमी करणे. कंपनी कारच्या पार्ट्सची किंमत कमी करण्यावर भर देत आहे. यासाठी या SUV मध्ये तुलनेने लहान बॅटरीचा वापर केला जाऊ शकतो. त्यामुळे इतर Tesla मॉडेल्सच्या तुलनेत या कारची ड्रायव्हिंग रेंज कमी असू शकते.

तसेच, ही कार हलकी बनवण्यावरही भर दिला जात आहे. अहवालानुसार, या SUV चे वजन सुमारे 1500 किलोग्रॅम ठेवण्याचा प्रयत्न आहे, ज्यामुळे कार्यक्षमता सुधारण्यास मदत होईल.

एका चार्जवर 350 किमी धावणार! Tata Motors चा 450 kWh बॅटरी असलेला ‘हा’ ट्रक रस्ते गाजवण्यासाठी सज्ज

लाँच कधी होऊ शकते?

अहवालानुसार, Tesla ने अलीकडील काही आठवड्यांत या प्रोजेक्टसाठी सप्लायर्सशी संपर्क साधला आहे. यावरून असे दिसते की या कारचे उत्पादन यावर्षी सुरू होण्याची शक्यता कमी आहे. कंपनीकडून लॉन्चची अधिकृत तारीख अद्याप जाहीर करण्यात आलेली नाही.

दरम्यान, कंपनीने अलीकडेच Tesla Model S आणि Tesla Model X या मॉडेल्सचे उत्पादन बंद केल्याचेही समोर आले आहे.