5 दमदार इलेक्ट्रिक बाइक्स येत्या वर्षभरात होणार भारतात लाँच! पाहा कोणती बाईक ठरेल तुमच्यासाठी योग्य

रॉयल एनफिल्ड फ्लाइंग फ्ली S6 रॉयल एनफिल्डची फ्लाइंग फ्ली S6 ही ऑल-टेरेन इलेक्ट्रिक स्क्रॅम्बलर असून ती 2026 च्या अखेरीस भारतात लॉन्च होण्याची शक्यता आहे. यात 3.91 kWh बॅटरी आणि सुमारे 150 km रेंज मिळू शकते. 19-इंच फ्रंट आणि 18-इंच रिअर स्पोक व्हील्स, ऑफ-रोड मोड, क्रूझ कंट्रोल, ट्रॅक्शन कंट्रोल आणि नेव्हिगेशन यांसारखी वैशिष्ट्ये तिचे आकर्षण वाढवतील.

विनफास्ट सुलाड व्हिएतनामची विनफास्ट भारतीय इलेक्ट्रिक टू-व्हीलर बाजारात उतरण्याच्या तयारीत आहे. कंपनीने भारतात एका नवीन इलेक्ट्रिक बाइकचे डिझाइन पेटंट दाखल केले असून ती सुलाड संकल्पनेवर आधारित असण्याची शक्यता आहे. काही अहवालांनुसार यात 50 kW मोटर आणि 130 kmph पर्यंत टॉप स्पीड मिळू शकतो. भारतात स्थानिक असेंब्लीमुळे तिची किंमतही महत्त्वाची ठरणार आहे.

अँपिअर झायबर अँपिअरची झायबर ही कंपनीची पहिली इलेक्ट्रिक मोटरसायकल ठरू शकते. 8-10 kW मोटरमुळे सुमारे 100 kmph वेग आणि 180-200 km पर्यंत रेंज मिळण्याची शक्यता आहे. स्ट्रीटफायटर डिझाइन आणि 17-इंच अलॉय व्हील्समुळे ती तरुण ग्राहकांना आकर्षित करू शकते. तिचे लॉन्च 2027 च्या सुरुवातीला अपेक्षित आहे.

होंडा WN7 होंडाची WN7 ही कंपनीची भारतातील पहिली इलेक्ट्रिक बाइक ठरण्याची शक्यता आहे. 9.3 kWh बॅटरीमधून 140 km पर्यंत WMTC रेंज मिळू शकते. 5-इंच TFT स्क्रीन, रोडसिंक कनेक्टिव्हिटी, रिजनरेटिव्ह ब्रेकिंग आणि वॉकिंग स्पीड मोड यांसारखी प्रीमियम वैशिष्ट्ये यात मिळतील. भारतात तिचे आगमन 2027 च्या उत्तरार्धात होऊ शकते.

हिरो उबेक्स हिरो मोटोकॉर्पने आपली पहिली इलेक्ट्रिक मोटरसायकल 2027 मध्ये बाजारात आणण्याची तयारी दर्शवली आहे. ही बाइक उबेक्स संकल्पनेवर आधारित असण्याची शक्यता असून तिची रेंज सुमारे 200-220 km असू शकते. मॉड्युलर चेसिस आणि ऑल-टेरेन डिझाइनमुळे ती नेहमीच्या इलेक्ट्रिक बाइक्सपेक्षा वेगळी ठरू शकते.