पुणे प्लांटमध्ये नव्या फॉक्सवैगन टायगुनचे उत्पादन सुरू; ‘मेड इन इंडिया’ व्हिजनला बळ
मुंबई : स्कोडा ऑटो फॉक्सवैगन इंडिया प्रायव्हेट लिमिटेड (एसएव्हीडब्ल्यूआयपीएल) ने आज (7 एप्रिल 2026) आपल्या अत्याधुनिक पुणे प्लांटमध्ये नव्या फॉक्सवैगन टायगुनचे उत्पादन सुरू झाल्याची घोषणा केली. नवा टायगन “मेड इन इंडिया फॉर इंडिया अँड द वर्ल्ड” या ग्रुपच्या व्हिजनला अधिक बळकटी देतो. उच्च लोकलायझेशन, अचूक उत्पादन प्रक्रिया आणि भारतीय ग्राहकांच्या गरजांचा सखोल अभ्यास यांचा संगम या नव्या टायगनमध्ये दिसून येतो.
नवा फॉक्सवैगन टायगुन आपल्या पूर्वसुरीने घातलेल्या मजबूत पायावर आधारित असून आकर्षक नव्या डिझाइन एलिमेंट्समुळे दमदार आणि ताजेतवाने लूक देतो. टायगनच्या नव्या आवृत्तीत धारदार डिझाइन आणि प्रीमियम फीचर्स आहेत. भारतीय रस्त्यांच्या विविध परिस्थितींना अनुरूप असा हा वाहन असून, व्हॉल्क्सवॅगनच्या युरोपियन ड्रायव्हिंग डायनॅमिक्स, उत्कृष्ट आराम आणि तडजोड न करणारी ५-स्टार सेफ्टी या डीएनएला कायम ठेवतो.
“या घडामोडीवर भाष्य करताना, पियूष अरोरा, मॅनेजिंग डायरेक्टर आणि सीईओ, स्कोडा ऑटो फॉक्सवैगन इंडिया प्रायव्हेट लिमिटेड यांनी सांगितले, “नव्या फॉक्सवैगन टायगुन चे उत्पादन सुरू होणे हे भारतातील आमच्या जागतिक दर्जाच्या उत्पादन व्यवस्थेच्या परिपक्वतेचे प्रतीक आहे. भारतीय उत्पादन केंद्रे जागतिक दर्जाची वाहने उच्च लोकलायझेशनसह तयार करण्यास सक्षम आहेत, ज्यामुळे आम्ही भारतातील तसेच निर्यात बाजारातील ग्राहकांच्या मागण्या त्वरित पूर्ण करू शकतो. टायगन हे या दृष्टिकोनाचे उत्तम उदाहरण आहे, जे व्हॉल्क्सवॅगनच्या जागतिक मानकांनुसार इंजिनिअर केले गेले असून भारतात कार्यक्षमतेवर, गुणवत्तेवर आणि सुरक्षिततेवर लक्ष केंद्रित करून तयार केले गेले आहे. नव्या टायगनचे उत्पादन सुरू करताना आम्ही भारताला ग्रुपसाठी एक महत्त्वाचे उत्पादन आणि निर्यात केंद्र म्हणून अधिक मजबूत करत आहोत.”
नितीन कोहली, ब्रँड डायरेक्टर, फॉक्सवैगन इंडिया यांनी सांगितले “लॉन्चपासूनच टायगनने आमच्या एसयूव्ही स्ट्रॅटेजीला बळ दिले आहे. भारतीय ग्राहकांच्या आकांक्षांना प्रतिसाद देत आमच्या उत्पादन पोर्टफोलिओला मजबूत करण्यामध्ये याची महत्त्वाची भूमिका आहे. नवा टायगन आमच्या मॉडेल लाइन-अपच्या स्ट्रॅटेजिक प्लॅनचा केंद्रबिंदू आहे, जो अर्थपूर्ण वाढ घडवून आणेल. चाकण प्लांटमध्ये नव्या टायगनचे उत्पादन सुरू होणे आमच्यासाठी अभिमानाचा क्षण आहे. प्रीमियम जर्मन इंजिनिअरिंग असलेले उत्पादन भारतीय ग्राहकांना देण्याच्या आमच्या वचनबद्धतेचे हे प्रतीक आहे. आम्हाला खात्री आहे की नवा टायगन आपल्या पूर्वसुरीच्या यशावर आधारित राहून ग्राहकांचा अनुभव अधिक उंचावेल.”
२०२१ मध्ये पदार्पण केल्यापासून फॉक्सवैगन टायगुन ने डायनॅमिक परफॉर्मन्स, उत्कृष्ट आराम आणि मजबूत सुरक्षिततेमुळे भारतात तसेच जागतिक बाजारात विश्वासार्ह एसयूव्ही म्हणून आपली ओळख निर्माण केली आहे. आतापर्यंत भारतात १,४३,००० हून अधिक युनिट्स तयार झाले असून त्यापैकी सुमारे ३० टक्के निर्यात करण्यात आले आहेत. आता नव्या टायगनचे उत्पादन सुरू झाल्यामुळे व्हॉल्क्सवॅगनच्या एसयूव्ही पोर्टफोलिओला आणखी बळ मिळणार आहे. नवा टायगन डिझाइन, उपयुक्तता, आराम आणि परफॉर्मन्स यांचा उत्तम संगम साधून ग्राहकांना ताजेतवाने अनुभव देणार आहे.
