EV : भविष्यात इलेक्ट्रिक वाहनांमुळे येणार मोठं संकट ? आताच ‘हे’ दुष्पपरिणाम जाणून घ्या, नाहीतर पस्तावाल

भविष्यात इलेक्ट्रिक वाहनांमुळे मोठं संकट येणार तर ? पर्यावरणपूरक असलेल्या या वाहनांचा दुष्परिणाम देखील तितकाच पाहायला मिळतो. सर्वात पहिले तर त्याची इतकी मागणी का ते जाणून घेऊयात

• भविष्यात इलेक्ट्रिक वाहनांमुळे येणार मोठं संकट ?
• आताच ‘हे’ दुष्पपरिणाम जाणून घ्या, नाहीतर पस्तावाल

पर्यावरणपुरक अशा दुचाकी आणि चार चाकी म्हणून इलेक्ट्रिक वाहनं कायमच चांगली मानली जातात. काळ बदलत जातो तस तसं नवं काहीतरी येतं त्याचं अप्रुप देखील वाटतं पण जसं त्याच्या चांगल्या बाजू आहेत तशाच त्याच्या नकारात्मक बाजू देखील समजून घ्यायला पाहिजेत. सध्या इलेक्ट्रिक वाहनांची मोठी क्रेझ पाहायला मिळतेय. त्यात भरीला भर म्हणजे जागतिक पातळीवर इंधनाचा होणारा तुटवडा. आखाती देशातील युद्धजन्य परिस्थितीमुळे पर्यायी वाहन म्हणून अनेकांनी इलेक्ट्रिक वाहनांना पसंती दिली. पण तुम्हाला जर कोणी असं सांगितलं की, भविष्यात इलेक्ट्रिक वाहनांमुळे मोठं संकट येणार तर ? पर्यावरणपूरक असलेल्या या वाहनांचा दुष्परिणाम देखील तितकाच पाहायला मिळतो. सर्वात पहिले तर त्याची इतकी मागणी का ते जाणून घेऊयात.

EV गाड्यांना सगळ्यात जास्त मागणी का ?

EV गाड्यांचा सर्वात मोठा फायदा हा आहे की त्यातून कोणताही धूर निघत नाही, ज्यामुळे हवा स्वच्छ राहण्यास मदत होते. शहरांमधील प्रदूषण कमी करण्यासाठी हा एक चांगला पर्याय मानला जातो.याव्यतिरिक्त, ईव्ही चालवायला स्वस्त आहेत. त्यांना पेट्रोल किंवा डिझेलची आवश्यकता नसते आणि चार्जिंगचा खर्चही कमी असतो. इंजिनचे भाग कमी असल्यामुळे देखभाल देखील कमी करावी लागते. यामुळेच लोक हळूहळू EV स्वीकारत आहेत आणि कंपन्या नवीन मॉडेल्स बाजारात आणत आहेत.

आली हो आली Royal Enfield ची Electric Bike आली! जाणून घ्या रेंज, फीचर्स आणि किंमत

ईव्हीच्या बाबतीत सर्वात मोठी चिंता त्यांच्या बॅटरीची आहे. बॅटरी खूप महाग असतात आणि त्या निकामी झाल्यास, बदली करायला खूप खर्च येतो. बॅटरीची सुरक्षितता हा देखील एक मोठा मुद्दा आहे.अलीकडे EV कार किंवा स्कूटरला आग लागण्याच्या काही घटना घडल्या आहेत.

चार्जिंग आणि पायाभूत सुविधांच्या समस्या
इलेक्ट्रिक वाहन (EV) खरेदी केल्यानंतर सर्वात मोठे आव्हान चार्जिंगचे असते. चार्जिंग स्टेशन्स सर्वत्र उपलब्ध नाहीत.तुम्ही लांबच्या प्रवासाला जात असाल तर, चार्जिंग ही एक सततची चिंता असते. चार्जिंगला अनेकदा बराच वेळ लागू शकतो, जी अनेकांसाठी एक समस्या ठरू शकते. यामुळेच बरीच लोक आजही पेट्रोल किंवा डिझेल गाड्यांना जास्त प्रधान्य देतात.

Mercedes च्या ‘या’ कारमध्ये आढळली खराबी! एका झटक्यात हजारो गाड्या बोलावल्या परत