नव्या वर्षाची नवी सुरुवात! गुढीपाडवानिमित्त अवघ्या 4999 रुपयात घरी आणा यामाहा Fascino, ‘या’ दुचाकींवर देखील मोठी सवलत

गुढीपाडव्‍याच्‍या शुभ प्रसंगी यामाहाने खास महाराष्ट्रातील ग्राहकांसाठी त्यांच्या बाईक आणि स्कूटरवर विशेष सवलत जाहीर केली आहे. चला जाणून घेऊयात कोणत्या दुचाकींवर ग्राहकांना सवलत मिळणार आहे.

• गुढीपाडवानिमित्त Yamaha ची विशेष ऑफर
• यामाहा R15 सिरीजवर मिळतेय सूट
• यामाहा RayZR 125 Fi Hybrid वर देखील स्‍पेशल ऑफर

गुढीपाडव्याच्या शुभमुहूर्तावर Yamaha Motor ने महाराष्ट्रातील ग्राहकांसाठी आपल्या लोकप्रिय बाईक आणि स्कूटर रेंजवर विशेष ऑफर्स जाहीर केल्या आहेत. या ऑफर्समुळे ग्राहकांना यामाहाची आधुनिक तंत्रज्ञान असलेली दुचाकी अधिक परवडणाऱ्या किमतीत खरेदी करण्याची संधी मिळणार आहे. कंपनीच्या म्हणण्यानुसार, या ऑफर्समुळे ग्राहकांना नववर्षाची सुरुवात स्टाइल, परफॉर्मन्स आणि नव्या अनुभवासह करता येईल.

गुढीपाडवा निमित्त जाहीर करण्यात आलेल्या या ऑफर्समध्ये यामाहाच्या काही लोकप्रिय मॉडेल्सवर आकर्षक सवलती देण्यात आल्या आहेत. त्यामध्ये Yamaha R15 Series या स्पोर्ट्स बाईकवर 70 व्या अ‍ॅनिव्हर्सरी स्पेशल प्राइस अंतर्गत ऑन-रोड किमतीवर सुमारे 6,000 रुपयांपर्यंत बचत मिळत आहे. त्यामुळे ही आयकॉनिक सुपरस्पोर्ट बाईक खरेदी करणे अधिक सोपे झाले आहे.

तसेच Yamaha RayZR 125 Fi Hybrid या स्कूटरवरही विशेष ऑफर देण्यात आली आहे. 70 व्या अ‍ॅनिव्हर्सरी स्पेशल प्राइस अंतर्गत ग्राहकांना सुमारे 7,000 रुपयांपर्यंत बचत मिळू शकते. स्पोर्टी डिझाइन आणि आधुनिक फीचर्समुळे ही स्कूटर तरुणांमध्ये विशेष लोकप्रिय आहे.

आमचा देखील एक काळ होता! भारतीय रस्त्यांवर राज्य करणाऱ्या ‘या’ 4 Diesel Cars अचानक का झाल्या गायब?

याशिवाय Yamaha Fascino 125 Fi Hybrid वर देखील आकर्षक गुढीपाडवा ऑफर देण्यात आली आहे. या स्कूटरसाठी फक्त 4,999 रुपयांपासून डाउन पेमेंट योजना उपलब्ध करण्यात आली आहे. त्यामुळे स्टायलिश आणि इंधन बचत करणारी ही स्कूटर सणासुदीच्या काळात अधिक किफायतशीर ठरत आहे.

त्याचप्रमाणे Yamaha FZ-S Fi Hybrid या प्रगत हायब्रिड बाईकवर देखील खास EMI योजना उपलब्ध आहे. या बाईकसाठी 7,999 रुपयांपासून डाउन पेमेंट पर्याय देण्यात आला असून, परफॉर्मन्स आणि इंधन कार्यक्षमतेसह किफायतशीर पर्याय म्हणून ती ग्राहकांसमोर सादर करण्यात आली आहे.

कंपनीच्या माहितीनुसार, या सर्व गुढीपाडवा उत्सवी ऑफर्स मर्यादित कालावधीसाठी उपलब्ध असतील. त्यामुळे महाराष्ट्रातील ग्राहकांना यामाहाच्या स्टायलिश दुचाकी खरेदी करण्याची ही उत्तम संधी आहे.

Hyundai Verna vs Virtus: कोणती कार सेफ्टीच्या बाबतीत एकदम बेस्ट? जाणून घ्या संपूर्ण माहिती

दरम्यान, यामाहाच्या प्रीमियम मोटरसायकल पोर्टफोलिओमध्ये Yamaha YZF-R15M, Yamaha YZF-R15 V4, Yamaha MT-15 V2 आणि Yamaha FZ-X यांसारख्या मॉडेल्सचा समावेश आहे. तसेच स्कूटर श्रेणीत Yamaha Aerox 155, Yamaha Fascino 125 Fi Hybrid आणि Yamaha RayZR 125 Fi Hybrid यांसारखी लोकप्रिय मॉडेल्स उपलब्ध आहेत.