बुधवार, 30 सप्टेंबर 2026
तुमचा व्यवसाय आहे? मग 'हे' 2 सर्टिफिकेट्स नक्की सोबत ठेवा ( सौजन्य - सोशल मीडिया )
स्टार्टअप इंडिया आणि MSME उद्यम नोंदणी या दोन्ही नोंदण्या खूप फायदेशीर ठरू शकतात. याचा सर्वात मोठा फायदा हा आहे की, याच्या माध्यमातून व्यावसायिक भविष्यातील सरकारी सुविधा आणि योजनांसाठी पात्र ठरू शकतात. एकदा व्यवसायाचे प्राथमिक मॉडेल तयार झाल्यावर, जर तुम्हाला तुमचा व्यवसाय वाढवण्यासाठी पैशांची गरज भासल्यास, तुम्ही विविध सरकारी योजनांअंतर्गत कर्ज किंवा निधीच्या पर्यायांचा शोध घेऊ शकता.
Startup India : जर तुमचा व्यवसाय स्टार्टअप गटात येत असेल, तर तुम्ही स्टार्टअप इंडिया अंतर्गत तुमच्या व्यवसायाला मान्यता मिळवण्याचा पर्याय समोर ठेवू शकता. पण यामुळे सुरुवातीच्या वर्षांमध्ये संपूर्ण इनकम टॅक्सवर सूट मिळते.
MSME म्हणजे उद्यम रजिस्ट्रेशन : जर तुम्हाला लहान किंवा मध्यम आकाराचा व्यवसाय सुरू करायचा असेल, तर तुम्ही उद्यम नोंदणी करू शकता. यामुळे वीज बिल आणि पेटंट शुल्कावर सूट मिळते.
या नोंदण्या तुमच्या व्यवसायाच्या मान्यतेसाठी आणि सरकारी योजनांचा लाभ घेण्यासाठी फायदेशीर ठरू शकतात. पण या नोंदण्यांसाठी पात्रता आणि फायदे वेगवेगळे असू शकतात, त्यामुळे अर्ज करण्यापूर्वी तुमच्या कंपनी आणि व्यवसायाच्या पात्रतेबाबतचे सरकारी नियम नक्की तपासा.
जर तुम्ही तुमचा व्यवसाय आधीच सुरू केला असेल आणि तुम्हाला तुमच्या व्यवसायाच्या विस्तारासाठी ₹१० लाख पर्यंतची आवश्यकता असेल, तर तुम्ही प्रधानमंत्री मुद्रा योजने PMMY अंतर्गत व्यवसाय कर्जासाठी अर्ज करू शकता. मुद्रा कर्ज योजनेअंतर्गत, पात्र लहान व्यवसायांना व्यवसाय-संबंधित गरजांसाठी कर्ज दिले जाते. पण कर्जाच्या वेगवेगळ्या श्रेणी आणि निर्धारित मर्यादा आहेत. हे कर्ज आहे, अनुदान नाही, आणि म्हणूनच, ते व्याजासह परत करावे लागेल. तुम्ही ऑनलाइन अर्ज करू शकता, परंतु कर्ज मंजुरी ही बँक आणि संबंधित संस्थेद्वारे होणाऱ्या पडताळणी आणि पात्रतेवर अवलंबून असते.
