42,141 कोटींचा मालक आहे, अमिताभ बच्चन यांचा जावई, शेतकऱ्यांसाठी करतो ‘हा’ बिझनेस

निखिल नंदा हे एस्कॉर्ट्स कुबोटा लिमिटेडचे ​​अध्यक्ष आणि व्यवस्थापकीय संचालक आहेत. ते श्वेता बच्चन यांचे पती आणि अमिताभ बच्चन यांचे जावई आहेत. त्यांनी दून स्कुलमधून शिक्षण घेतले आहे. तर व्हार्टन स्कूलमधून व्यवसाय व्यवस्थापनात एमबीए केले आहे. निखिल आणि श्वेता यांना नव्या नवेली नंदा आणि अगस्त्य नंदा ही दोन मुले आहेत.

42,141 कोटींचा मालक आहे, अभिताभ बच्चन यांचा जावई, शेतकऱ्यांसाठी करतो हा बिझनेस

Follow Us:

Follow Us:

एस्कॉर्ट्स कुबोटा लिमिटेडचे ​​सीएमडी निखिल नंदा हे एक यशस्वी उद्योगपती आहेत. ते बॉलिवूडचे सुपरस्टार अमिताभ बच्चन यांचे जावई देखील आहेत. 42,141 कोटी रुपयांच्या मार्केट कॅपसह नंदा हे आपली एस्कॉर्ट्स कुबोटा लिमिटेड ही कृषी यंत्रसामग्री कंपनी अगदी कुशलतेने चालवत आहेत. 18 मार्च 1974 रोजी जन्मलेले निखिल नंदा बॉलीवूडसोबतच व्यवसाय जगताशीही जोडले गेले आहे. अमिताभ बच्चन आणि जया बच्चन यांची मुलगी श्वेता बच्चन हिच्याशी त्यांचे लग्न झाले आहे.

पेनसिल्व्हेनिया विद्यापीठातून घेतलंय उच्च शिक्षण

निखिल नंदा यांनी डेहराडून येथील प्रतिष्ठित दून स्कूलमधून आपले शालेय शिक्षण पूर्ण केले आहे. त्यानंतर त्यांनी पेनसिल्व्हेनिया विद्यापीठाच्या व्हार्टन स्कूलमधून व्यवसाय व्यवस्थापनाचे उच्च शिक्षण घेतले आहे. फायनान्स आणि मार्केटिंगमधील कौशल्याने त्यांनी आपल्या करिअरचा भक्कम पाया घातला. ज्याचा त्यांना व्यवसायात मोठा फायदा होत आहे. त्यांची पत्नी श्वेता बच्चन नंदा एक स्तंभलेखक, लेखिका आणि माजी मॉडेल देखील आहे.

हेही वाचा – कमी भांडवलात सुरु करा ‘हा’ भन्नाट व्यवसाय; ग्राहकांची लागेल रांग, महिन्याकाठी होईल बक्कळ कमाई!

बॉलिवूडचे सुपरस्टार अमिताभ बच्चन आहेत त्यांचे सासरे

निखिल नंदा यांचे सासरे अमिताभ बच्चन हे भारतीय चित्रपटसृष्टीतील दिग्गज अभिनेत्यांपैकी एक आहेत. जे ‘शोले’, ‘दीवार’, ‘पा’, ‘डॉन’ (1978) आणि ‘अग्निपथ’ (1978) यांसारख्या चित्रपटांमध्ये त्यांच्या चमकदार अभिनयासाठी ओळखले जातात.

नंदा यांचे कुटुंबही जोडलं गेलंय बॉलिवूडसोबत

नंदा यांचे कुटुंबही बॉलिवूडमधील आणखी एका दिग्गज कुटुंबाशी जोडले गेले आहे. तो अभिनेता-दिग्दर्शक राज कपूर यांची मुलगी रितू नंदा यांचा मुलगा आहे. त्यांचे मामा ऋषी कपूर, रणधीर कपूर आणि राजीव कपूर यांसारखे प्रसिद्ध अभिनेते आहेत. करिश्मा कपूर, करीना कपूर आणि रणबीर कपूर यांसारखे तिचे चुलत भाऊ सुद्धा बॉलिवूडचे प्रसिद्ध चेहरे आहेत.

हेही वाचा – शेअर बाजारातील गुंतवणुकदारांसाठी खुशखबर… ‘ही’ कंपनी आणणार तब्बल 18000 कोटींचा आयोपीओ!

निखिल आणि श्वेता यांना दोन मुले

निखिल आणि श्वेता यांना नव्या नवेली नंदा आणि अगस्त्य नंदा ही दोन मुले आहेत. नव्याने पॉडकास्टिंगच्या जगात आपला ठसा उमटवला आहे तर अगस्त्याने झोया अख्तर दिग्दर्शित ‘द आर्चीज’ या चित्रपटाद्वारे नेटफ्लिक्सवर पदार्पण केले आहे.

Web Title: 42141 crore net worth abhithab bachchan son in law nikhil nanda runs this business for farmers

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com