सरकारी कर्मचाऱ्यांनो वेळीच सावध व्हा! 8 वा वेतन आयोगाच्या नावाखाली बँक खात्यांवर घातला जातोय डल्ला

देशभरातील सरकारी कर्मचाऱ्यांना 8 व्या वेतन आयोगाच्या नावाखाली सायबर फसवणूकीचा सामना करावा लागत आहे. WhatsApp संदेशांद्वारे APK फाइल्स डाउनलोड करण्यास सांगितल्या जात आहेत, ज्यामुळे मोबाईलवर थेट प्रवेश मिळतो.

• 8 वा वेतन आयोगाखाली सायबर गुन्हेगारांचा नवा फंडा
• ‘अशा’ लिंकपासून High Alert
• सरकारी कर्मचाऱ्यांचे बँक खाते धोक्यात?

8th Pay Commission Scam: देशभरातील सरकारी कर्मचाऱ्यांना लक्ष्य करत सायबर गुन्हेगारांनी नवा फंडा अवलंबला आहे. 8 वा वेतन आयोगाअंतर्गत संबंधितांच्या अंदाजे पगारवाढीची माहिती देण्याच्या बहाणे बँकेच्या खात्यातून पैसे काढले जात असल्याचा एक नवीन आणि धोकादायक सायबर फसवणूकीचा प्रकार समोर आला आहे. केंद्र सरकारने एक्सवरील एका सोशल मीडिया पोस्टद्वारे कर्मचाऱ्यांना सुरू असलेल्या सायबर फसवणुकीबद्दल इशारा दिला आहे.

8th Pay Commission News: केंद्रीय कर्मचाऱ्यांना वेतनवाढ कधी मिळणार? अर्थ मंत्रालयाकडून मोठी माहिती समोर

कशाप्रकारे केला जातेय फसवणूक?

CyberdostI4C वरील एका सोशल मीडिया पोस्टनुसार, अनेक सरकारी कर्मचाऱ्यांना व्हॉट्सअॅप संदेश पाठवण्यात आले आहेत. ज्यात त्यांना APK फाइल लिंकवर क्लिक करण्यास सांगितलं. ज्यामध्ये त्यांना ८व्या वेतन आयोगाअंतर्गत त्यांच्या अंदाजे सुधारित पगाराची माहिती देण्याचा दावा केला आहे.

‘अशा’ लिंकपासून High Alert

X वरील CyberdostI4C सोशल मीडिया पोस्टनुसार, सरकारी कर्मचाऱ्यांना WhatsApp संदेशाद्वारे एका लिंकवर क्लिक करून APK फाइल डाउनलोड करण्यास सांगितले जात आहे.ज्यामध्ये त्यांना आठव्या वेतन आयोगाअंतर्गत त्यांच्या अंदाजे पगार वाढीची माहिती देण्याचा दावा केला जात आहे. एकदा APK फाइल इन्स्टॉल झाल्यानंतर, मोबाईल फोनचा प्रवेश थेट फसवणूक करणाऱ्यांकडे जातो.

सरकारी कर्मचाऱ्यांचे बँक खाते धोक्यात?

सरकारी कर्मचाऱ्यांना ८व्या वेतन आयोगाअंतर्गत त्यांचे पगाराबाबत दावा करणारे व्हॉट्सअॅप मेसेज येत आहेत. हे मेसेज बनावट आहेत हे लक्षात घेणे गरजेचे आहे. ते वापरकर्त्यांना APK फाइल डाउनलोड करण्यास सांगतात. एकदा APK फाइल इन्स्टॉल झाली की, स्कॅमर कर्मचाऱ्याच्या मोबाइल फोनवर अॅक्सेस मिळवतात. आणि थेट बँक खात्यातून पैसे काढले जातात.

कर्मचाऱ्यांसाठी महत्वाचा सल्ला

सरकार कधीही WhatsAppवर APK फाइल्स पाठवत नाही.

अविश्वसनीय स्त्रोतांकडून APK फाइल्स डाउनलोड करणे धोकादायक ठरु शकतं.

पगार, पेन्शन किंवा वेतन आयोगाशी संबंधित माहितीसाठी, नेहमी अधिकृत सरकारी वेबसाइट https://8cpc.gov.in/ ला भेट द्या.

सरकारी कर्मचाऱ्यांनी आकर्षक आश्वासनांना बळी न पडता अधिकृत स्रोतांवरच विश्वास ठेवावा. थोडीशी निष्काळजीपणा मोठ्या आर्थिक नुकसानीला कारणीभूत ठरू शकते. वेळीच सतर्क राहा आणि आपल्या मेहनतीच्या पैशांचे संरक्षण करा.

सरकारी कर्मचाऱ्यांसाठी गुड न्यूज! ८ व्या वेतन आयोगाची अधिकृत वेबसाईट लाँच; आता थेट सरकारला नोंदवता येणार सूचना