Akshaya Tritiya 2026: अक्षय तृतीयेला Gold च्या मागणीत 10-12% वाढीची शक्यता; ‘Kama Jewelry’ चे MD कॉलिन शाह यांनी वर्तवला अंदाज

अक्षय तृतीया हा हिंदू संस्कृतीतील साडेतीन मुहूर्तांपैकी एक अत्यंत शुभ मुहूर्त मानला जातो. या दिवशी सोने खरेदी करणे हे समृद्धीचे प्रतीक मानले जाते. अक्षय तृतीया सारख्या शुभ प्रसंगी सोन्याची खरेदी मोठ्या प्रमाणात होते.

• साडेतीन मुहूर्तांपैकी एक अत्यंत शुभ मुहूर्त
• सोन्याच्या विक्रीत १०% ते १२% वाढ शक्य
• फक्त गुंतवणूक नव्हे तर फॅशन

Akshaya Tritiya 2026: अक्षय तृतीया हा हिंदू संस्कृतीतील साडेतीन मुहूर्तांपैकी एक अत्यंत शुभ मुहूर्त मानला जातो. या दिवशी सोने खरेदी करणे हे समृद्धीचे प्रतीक मानले जाते. अक्षय तृतीया सारख्या शुभ प्रसंगी सोन्याची खरेदी मोठ्या प्रमाणात होते, कारण भारतात सोनं हे सर्वात पसंतीचे गुंतवणुकीचे साधन मानले जाते. यावर्षी जागतिक स्तरावर सुरु असलेल्या उलाढाली पाहता एका काळात सोन्या चांदीच्या दरात बराच चढ-उतार पहायला मिळाला. यावर्षी सोन्याच्या किमतींमध्ये झालेली मोठी घसरण आणि भारतीय ग्राहकांची मजबूत खरेदी क्षमता पाहता मागणीत वाढ होण्याची शक्यता आहे. तसेच भू-राजकीय तणाव कमी होत असल्याची चिन्हे दिसत असल्यामुळे बाजारातील भावना सुधारत असून खरेदीचा वेग वाढताना दिसत आहे.

अदानींचा ‘मास्टरस्ट्रोक’! Mukesh Ambani यांना मागे टाकत Gautam Adani ठरले आशियातील सर्वात श्रीमंत व्यक्ती

सोन्याच्या विक्रीत १०% ते १२% वाढ शक्य

याच पार्श्वभूमीवर, ‘कामा ज्वेलरी’चे (Kama Jewelry) व्यवस्थापकीय संचालक श्री. कॉलिन शाह यांनी यावर्षीच्या अक्षय तृतीयेनिमित्त रत्न आणि दागिने क्षेत्रातील बाजाराच्या स्थितीवर आपले भाष्य केले आहे. त्यांच्या मते, यावर्षी सोन्याच्या विक्रीत १०% ते १२% वाढ होण्याची दाट शक्यता आहे.

फक्त गुंतवणूक नव्हे तर फॅशन

यावर्षीच्या ट्रेंडबद्दल बोलताना कॉलिन शाह यांनी सांगितले की, सोन्याकडे पाहण्याचा दृष्टिकोन पिढीनुसार बदलत आहे. पारंपरिक गुंतवणूक स्वरूपातील सोन्याच्या बिस्किट्स आणि जड २२ कॅरेट दागिन्यांची मागणी कायम राहणार आहे. मात्र, तरुण पिढीमध्ये ९ कॅरेट ते १८ कॅरेट सोन्यात बनवलेल्या हलक्या आणि दैनंदिन वापरातील दागिन्यांकडे कल वाढत आहे, कारण ते सोन्याला फक्त गुंतवणूक नव्हे तर फॅशन आणि प्रतिष्ठेचे प्रतीक मानतात.

भारतीय खाद्यपदार्थ आता युरोपच्या शेल्फवर! लेबलिंग नियमांच्या मार्गदर्शनासाठी TPCI आणि LabelBlind यांचा विशेष उपक्रम