अमेझॉन ग्रेट इंडियन फेस्टिव्हल 2026 ची ऐतिहासिक सुरुवात ( सौजन्य - सोशल मीडिया )
विक्रेते आणि ब्रँड्सकडून उपलब्ध करून देण्यात आलेल्या लाखो उत्पादनांवर वर्षातील सर्वात कमी किमतींचा लाभ ग्राहकांना मिळत आहे. प्रत्येक दोनपैकी एका ग्राहकाने ईएमआयच्या माध्यमातून खरेदी केली, तर खरेदी केलेल्या प्रत्येक तीनपैकी एका उत्पादनावर ग्राहकांना कॅशबॅक मिळाला. प्राइम सदस्यांनी गेल्या वर्षाच्या तुलनेत 100टक्क्यांहून अधिक बचत केली आहे. मोठ्या प्रमाणात उपलब्ध असलेल्या विविध उत्पादनांवरील केवळ प्राइम सदस्यांसाठीच्या विशेष ऑफर्सचा त्यांना लाभ मिळत आहे.
भारतभरातील ग्राहकांनी दिवसाची सुरुवात करताच लाखो ऑफर्समधील उत्पादनांची ऑर्डर दिली आणि त्यापैकी लाखो ऑर्डर्स अवघ्या काही तासांत ग्राहकांपर्यंत पोहोचवण्यात आल्या. अमेझॉन नाऊ सेवा उपलब्ध असलेल्या 120 हून अधिक शहरांमध्ये प्रत्येक दोनपैकी एक उत्पादन अवघ्या काही मिनिटांत ग्राहकांना वितरित करण्यात आले.
अमेझॉन इंडियाचे उपाध्यक्ष सौरभ श्रीवास्तव म्हणाले, “अमेझॉन ग्रेट इंडियन फेस्टिव्हल 2026 मधील सुरुवातीच्या ट्रेंडने आमच्या सर्वात आशावादी अपेक्षांनाही मागे टाकले आहे. मध्यरात्रीपासून सर्व ग्राहकांसाठी फेस्टिव्हल सुरू केल्यानंतर ग्राहकांचा सहभाग, ऑर्डर्सचे प्रमाण आणि डिलिव्हरीचा वेग या सर्व बाबतींत नवे विक्रम प्रस्थापित झाले आहेत.ऑर्डर केलेल्या उत्पादनांच्या संख्येत तब्बल 100 टक्के वाढ झाल्याचे पाहायला मिळाले आहे. प्राइम सदस्यांसाठी अतिरिक्त बचत, तात्काळ बँक डिस्काउंट, एक्सचेंज, नो-कॉस्ट ईएमआय, अमेझॉन पे लॅटर आणि त्यांच्या आकांक्षा आता अधिक परवडणाऱ्या होत आहेत, याचा आम्हाला आनंद आहे”.
“महानगरांपासून देशातील छोट्या शहरांपर्यंत भारतातील ग्राहक सर्वोत्तम ऑफर्स, उत्पादनांची सर्वाधिक विविधता आणि जलद डिलिव्हरीसाठी Amazon.in वर खरेदीला पसंती देत आहेत. सणासुदीचा हंगाम नुकताच सुरू झाला आहे आणि देशभरातील प्रत्येक ग्राहकाला सर्वोत्तम खरेदीचा अनुभव देण्यासाठी आम्ही कटिबद्ध आहोत.”
स्मार्टफोन आणि इलेक्ट्रॉनिक्स: यंदाच्या सणासुदीच्या हंगामात ग्राहकांनी स्मार्टफोन आणि इलेक्ट्रॉनिक उत्पादनांच्या अपग्रेडला मोठी पसंती दिली. प्रीमियम अँड्रॉइड स्मार्टफोनच्या विक्रीत गेल्या वर्षाच्या तुलनेत 70 टक्क्यांची वाढ झाली आहे. ॲपल आयफोन 16, सॅमसंग गॅलेक्सी एस 25 अल्ट्रा, वनप्लस नॉर्ड 6, शाओमी 17 आणि आयक्यूओओ 15आर हे ग्राहकांच्या पसंतीचे प्रमुख स्मार्टफोन ठरले.
ग्राहकांनी अधिक प्रगत कॅमेरे, वेगवान प्रोसेसर आणि मोठ्या डिस्प्ले असलेल्या स्मार्टफोनला पसंती दिली. लॅपटॉपच्या श्रेणीत मॅकबुक निओची विक्री नियमित दिवसाच्या तुलनेत तब्बल 65 पट अधिक झाली. प्रीमियम वेअरेबल्सची विक्रीही नियमित दिवसाच्या तुलनेत 80 पट वाढली असून, गार्मिन, ॲपल, सॅमसंग आणि अमेझफिट या ब्रँड्सच्या उत्पादनांना ग्राहकांनी मोठी पसंती दिली.
होम एंटरटेनमेंट आणि गृहउपयोगी उपकरणे: ग्राहकांनी मोठ्या स्क्रीन आणि उत्तम साउंड सिस्टिमला मोठी पसंती दिली असून, होम एंटरटेनमेंट उत्पादनांच्या विक्रीत नियमित दिवसाच्या तुलनेत तब्बल 77 पट वाढ झाली. विक्री झालेल्या एकूण टीव्हींपैकी 55 इंच आणि त्याहून मोठ्या स्क्रीनच्या टीव्हींचा वाटा 65 टक्के राहिला. सोनी, जेबीएल आणि सॅमसंगच्या प्रीमियम होम थिएटर सिस्टिमच्या विक्रीत आणखी मोठी वाढ झाली. पहिल्या 12 तासांत या उत्पादनांची विक्री नियमित दिवसाच्या तुलनेत 100 पट अधिक झाली. ग्राहकांनी घरातील उपकरणेही अपग्रेड केली असून, मोठ्या गृहउपयोगी उपकरणांच्या विक्रीत नियमित दिवसाच्या तुलनेत 50 पट वाढ झाली.
9 किलो आणि त्याहून अधिक क्षमतेच्या प्रीमियम फ्रंट-लोड वॉशिंग मशीनची विक्री 80 पट झाली, तर ड्रायर आणि डिशवॉशरच्या विक्रीने 60 पट वाढ नोंदवली. फ्रॉस्ट-फ्री आणि साइड-बाय-साइड मॉडेल्सना मिळालेल्या मोठ्या मागणीमुळे रेफ्रिजरेटरच्या विक्रीत नियमित दिवसाच्या तुलनेत 60 पट वाढ झाली. या श्रेणीत सॅमसंग, एलजी, हायर आणि बॉश आघाडीवर होते. तर एअर कंडिशनरच्या विक्रीत पॅनासोनिक, हिटाची आणि डायकिन या ब्रँड्सना ग्राहकांची पसंती मिळाली.
फॅशन: फॅशन उत्पादनांच्या विक्रीत नियमित दिवसाच्या तुलनेत 7 पट वाढ झाली. दर सेकंदाला सात जोड्या शूजची विक्री झाली, म्हणजेच नेहमीच्या दिवसाच्या तुलनेत विक्रीचा वेग 7 पट अधिक होता. नाइकीच्या विक्रीत नियमित दिवसाच्या तुलनेत 16 पट वाढ झाली. स्केचर्स आणि न्यू बॅलन्सची विक्री 15 पट, वुडलँडची 12 पट, हश पपीजची 11 पट, तर ॲडिडासची विक्री 10 पट झाली. डेनिम उत्पादनांनाही ग्राहकांचा मोठा प्रतिसाद मिळाला. पुरुषांच्या बॉटमवेअरच्या विक्रीत नियमित दिवसाच्या तुलनेत 7 पट वाढ झाली. लेव्हायजच्या विक्रीत 30 पट, तर डब्लूआरओजीएनच्या विक्रीत 13 पट वाढ झाली.
दर तासाला 1500 हून अधिक जीन्सच्या जोड्यांची विक्री झाली. एथनिक वेअरला देखील सणासुदीच्या खरेदीत मोठी पसंती मिळाली. महिलांच्या एथनिक वेअरच्या विक्रीत नियमित दिवसाच्या तुलनेत 4 पट वाढ झाली. बिबाची विक्री 14 पट, लिबासची 11 पट झाली. दर मिनिटाला 100 हून अधिक कुर्त्यांची विक्री झाली. पुरुषांच्या शर्ट आणि टी-शर्टच्या विक्रीत नियमित दिवसाच्या तुलनेत 5 पट वाढ झाली. ॲलन सोलीच्या विक्रीत 12 पट, तर लुई फिलिप आणि पीटर इंग्लंडच्या विक्रीत 10 पट वाढ नोंदवण्यात आली.
ब्युटी: Amazon.in वर पहिल्या 12 तासांत खरेदी करण्यात आलेल्या प्रत्येक चार उत्पादनांपैकी एक उत्पादन ब्युटी श्रेणीतील होते. प्रीमियम स्किनकेअर आणि हेअरकेअर उत्पादनांची दर मिनिटाला 150 हून अधिक युनिट्सची विक्री झाली. नियमित दिवसाच्या तुलनेत ही विक्री 5 पट अधिक होती. क्लिनिक, ला रोश-पोझे, सेरावी, केरास्टास आणि फॉरेस्ट एसेन्शियल्स या ब्रँड्सच्या उत्पादनांना ग्राहकांची मोठी पसंती मिळाली. के-ब्युटी उत्पादनांच्या विक्रीत नियमित दिवसाच्या तुलनेत 4 पट वाढ झाली. दर तासाला 1000 हून अधिक उत्पादने विकली गेली.
या श्रेणीत सेलिमॅक्स, मेडिक्युब आणि बायोडान्स या ब्रँड्सची उत्पादने आघाडीवर होती.लक्झरी फ्रॅग्रन्सेसची दर मिनिटाला 12 उत्पादनांची विक्री झाली, म्हणजेच नियमित दिवसाच्या तुलनेत विक्री 4 पट अधिक होती. चोपार्ड, कॅरोलिना हेरेरा आणि राल्फ लॉरेन या ब्रँड्सच्या परफ्यूमना मोठी मागणी होती.दैनंदिन सेल्फ-केअर उत्पादनांनाही ग्राहकांचा चांगला प्रतिसाद मिळाला. साबण आणि शॉवर जेलच्या विक्रीत नेहमीच्या दिवसाच्या तुलनेत 19 पट वाढ झाली असून, दर मिनिटाला 800 हून अधिक उत्पादनांची विक्री झाली.
आरोग्याला केंद्रस्थानी ठेवत खरेदी: प्रीमियम वेअरेबल्सच्या विक्रीत नियमित दिवसाच्या तुलनेत 80 पट वाढ झाली असून, गार्मिन, ॲपल, सॅमसंग आणि अमेझफिट या ब्रँड्सच्या उत्पादनांना ग्राहकांची मोठी पसंती मिळाली. हीच मागणी किचन आणि होम कॅटेगरीमध्येही दिसून आली. एअर फ्रायर आणि एअर प्युरिफायरच्या विक्रीत नियमित दिवसाच्या तुलनेत 30 पट वाढ झाली, तर ज्यूसरची विक्री 23 पट आणि एस्प्रेसो मशीनची विक्री 16 पट वाढली. सोलारा या ब्रँडच्या विक्रीत नियमित दिवसाच्या तुलनेत 35 पट, डी’लॉन्गीच्या विक्रीत 20 पट आणि फिलिप्सच्या विक्रीत 9 पट वाढ नोंदवण्यात आली.
.png "Videos"){kind=small}
