सोमवार, 2 नोव्हेंबर 2026
फोटो सौजन्य सोशल मीडिया
सणासुदीच्या काळात ऑनलाइन खरेदीचा उत्साह वाढत असतानाच अमेझॉन इंडियावर दुचाकींच्या विक्रीने नवा विक्रम नोंदवला आहे. अमेझॉन ग्रेट इंडियन फेस्टिव्हल २०२६ दरम्यान दुचाकींच्या विक्रीत सरासरी दिवसाच्या तुलनेत तब्बल सहा पट वाढ झाली आहे. विशेष म्हणजे, या विक्रीमध्ये महानगरांपेक्षा निमशहरी आणि छोट्या शहरांतील ग्राहकांचा मोठा सहभाग आहे. एकूण दुचाकी विक्रीत ६० टक्क्यांहून अधिक वाटा या शहरांमधील ग्राहकांचा असल्याचे अमेझॉनने जाहीर केले आहे.
हिरो मोटोकॉर्प, बजाज ऑटो, चेतक, अँपिअर, ट्रायम्फ आणि केटीएम यांसारख्या कंपन्यांच्या वाहनांना ग्राहकांकडून पसंती मिळत आहे. सुरत, कोटा, विशाखापट्टणम, भुवनेश्वर, प्रयागराज, वारंगल, अमृतसर, लुधियाना, बेळगावी आणि कानपूर यांसारख्या शहरांमधूनही मोठ्या प्रमाणात खरेदी होत आहे.
धनतेरसचा मुहूर्त साधा! Instamart वर सोन्याची नाणी आणि चांदीच्या नाण्याएवढा Voucher
या खरेदी महोत्सवात इलेक्ट्रिक वाहनांच्या विक्रीनेही विशेष लक्ष वेधले आहे. चेतक आणि अँपिअर यांसारख्या ब्रँड्सच्या इलेक्ट्रिक दुचाकींच्या विक्रीत सरासरी दिवसाच्या तुलनेत आठ पट वाढ झाली आहे. दुसरीकडे, दैनंदिन वापरासाठीच्या दुचाकींच्या विक्रीचा वेग तब्बल १३.५ पट झाला आहे. प्रीमियम मोटारसायकलींच्या विक्रीतही अडीच पट वाढ नोंदवण्यात आली आहे.
ग्राहकांना घरबसल्या २०० हून अधिक मॉडेल्सची माहिती घेता येत असून, विविध वाहनांची तुलना करून खरेदीचा निर्णय घेता येत आहे. यामुळे ऑनलाइन प्लॅटफॉर्मवरून दुचाकी खरेदी करण्याचा पर्याय अधिक लोकप्रिय होत असल्याचे दिसत आहे.
NSDL ची घोडदौड! 4.72 कोटी डिमॅट खात्यांसह कमाईत 35% वाढ
धनत्रयोदशी आणि दिवाळीच्या पार्श्वभूमीवर अमेझॉनकडून विविध आर्थिक सवलती जाहीर करण्यात आल्या आहेत. अमेझॉन पे शॉपिंग लोनच्या माध्यमातून ग्राहकांना दरमहा २,३५० रुपयांपासून ईएमआयवर दुचाकी खरेदी करता येणार आहे. यासाठी २४ महिन्यांपर्यंतचा परतफेडीचा कालावधी उपलब्ध आहे. पात्र ग्राहकांना कर्ज सुविधेचाही लाभ घेता येणार आहे.
एचडीएफसी बँकेच्या क्रेडिट कार्ड आणि ईझीईएमआयवर १० टक्क्यांपर्यंत त्वरित सवलत मिळणार आहे. याशिवाय, इतर बँकांच्या कार्डवर ९ हजार रुपयांपर्यंत, कूपनद्वारे ३ हजार रुपयांपर्यंत आणि अमेझॉन पे यूपीआयद्वारे ७ हजार रुपयांपर्यंत बचतीची संधी आहे.
दरम्यान, वाहनांच्या देखभालीसाठी आवश्यक असलेल्या हेल्मेट, डॅशकॅम, जीपीएस ट्रॅकर आणि रायडिंग गिअर यांसारख्या वस्तूंच्या विक्रीतही वाढ झाली आहे. अमेझॉनच्या ऑटोमोटिव्ह स्टोअरची विक्री सरासरी दिवसाच्या तुलनेत २.२ पट झाली आहे.
