Ambani: अंबानींचा मास्टरस्ट्रोक! 10रुपयांच्या आईस्क्रीममधून रिलायन्सची बाजारात नवी एन्ट्री

Ambani: मुकेश अंबानी यांच्या नेतृत्वाखालील Reliance Consumer Products (RCPL) ने आईस्क्रीम बाजारात प्रवेश करत ‘Bombay Creamery’ हा नवा ब्रँड लॉन्च केल्याची माहिती आहे.

• Reliance Consumer Productsने ‘Bombay Creamery’ ब्रँड लॉन्च केला
• कप, कोन आणि स्टिक आईस्क्रीमची सुरुवातीची किंमत ₹10
• महाराष्ट्र आणि गुजरातनंतर देशभर विस्तार करण्याची योजना

रिलायन्स म्हटलं की धमाका आलाच. जिओने जसं टेलिकॉम मार्केट हलवून टाकलं होतं, तसंच आता आईस्क्रीमच्या मार्केटमध्ये पण होणार आहे. मुकेश अंबानी आता थेट तुमच्या घरातल्या फ्रीजपर्यंत पोहोचणार आहेत.रिलायन्स कन्झ्युमर प्रॉडक्ट्स म्हणजे RCPL ने आपला नवीन ब्रँड लॉन्च केला आहे. ‘बॉम्बे क्रीमरी’. आणि याची सुरुवातीला10 रुपयात कप, कोन आणि स्टिक आईस्क्रीम मिळणार आहे.

सगळ्यात आधी पश्चिम भारतात लॉन्च

सध्या हा ब्रँड पश्चिम भारतात म्हणजे महाराष्ट्र, गुजरातमध्ये लॉन्च केला असूननंतर हळूहळू पूर्ण देशभरात हा मिळणार आहे. रिलायन्सचा प्लॅन एकदम क्लिअर आहे, आधी कमी किमतीत लोकांना टेस्ट करायला लावा आणि मग पूर्ण मार्केट काबीज करा. Ambani:

10 रुपयाच्या आईस्क्रीमने शेअर मार्केट हललं

तुम्हाला वाटेल 10 रुपयाच्या आईस्क्रीमचा आणि शेअर मार्केटचा काय संबंध? पण आहे. या आईस्क्रीमची बातमी येताच Kwality Walls चा शेअर पडायला लागले आहे.बुधवारी BSE वर त्याचा शेअर 3% ने पडून 43 रुपयांवर आला. हा सलग सातवा दिवस होता जेव्हा तो शेअर पडत होता. सात दिवसात जवळपास 11% शेअर खाली आला आहे. यावरूनच कळतं की मोठ्या कंपन्यांना पण अंबानीच्या या एंट्रीची भीती वाटायला लागली आहे.

अमूल, क्वालिटी वॉल्स पेक्षा निम्मी किंमत

Zepto, Blinkit किंवा Swiggy वर अमूलची मँगो स्टिक किंवा कुल्फी बघितली तर ती 20 रुपये किंवा त्यापेक्षा जास्तला मिळते. क्वालिटी वॉल्सची पण तीच गोष्ट. आणि रिलायन्स देत आहे फक्त 10 रुपयात. म्हणजे थेट निम्म्या किमतीत. त्यामुळे गरीबातल्या गरीब माणसाला पण चांगली आईस्क्रीम खाता येणार आहे. यामुळेच जुन्या कंपन्यांचं टेन्शन वाढलं आहे.

स्वस्त आहे म्हणजे हलकी आहे का? तर अजिबात नाही

अनेकांना वाटेल 10 रुपयात काय मिळणार, पाणीवाली आईस्क्रीम असेल. पण कंपनीने सांगितलं आहे की क्वालिटीशी अजिबात तडजोड केली नाही आहे. बॉम्बे क्रीमरीमध्ये खऱ्या दुधाची क्रीम वापरली आहे. पाणीवाला माल नाहीये. RCPL चे डायरेक्टर टी. कृष्णकुमार यांनी सांगितलं की आम्हाला भारतीय कुटुंबांच्या बजेटमध्ये चांगल्या क्वालिटीची आईस्क्रीम द्यायची आहे.

फ्लेवर पण एकदम भारी आहेत. साधे व्हॅनिला, चॉकलेट तर आहेतच पण त्याचबरोबर Salted Caramel, Matcha आणि Tiramisu सारखे प्रीमियम फ्लेवर पण आहेत, जे आजकाल मोठ्या शहरातल्या लोकांना खूप आवडतात.

कॅम्पा कोलानंतर आता आईस्क्रीममध्ये तोच गेम

रिलायन्सने हे आधी पण करून दाखवलं आहे. आठवतंय कॅम्पा कोला? जेव्हा रिलायन्सने कॅम्पा परत आणली तेव्हा 200 ml ची बाटली फक्त 10 रुपयात दिली होती. त्यामुळे कोका कोला, पेप्सीलाही आपली किंमत कमी करावी लागली होती. आणि तो प्लॅन सक्सेस झाला. 2026 या वर्षात कॅम्पाचा बिझनेस 4700 कोटींच्या वर गेला आहे. ता तोच फॉर्म्युला आईस्क्रीममध्ये वापरत आहेत. कमी किंमत, जास्त खप.

भारतात आईस्क्रीमचा बिझनेस किती मोठा आहे?

तुम्हाला वाटेल आईस्क्रीमचा कितीसा बिझनेस असणार? पण आकडे खूप मोठे आहेत. एक्सपर्ट मार्केट रिसर्चनुसार भारतात आईस्क्रीमचा मार्केट दरवर्षी 15% ने वाढत आहे. 2035 पर्यंत हा मार्केट 16.10 बिलियन डॉलरचा होईल असा अंदाज आहे. म्हणजे जवळपास 1 लाख 35 हजार कोटी रुपये.

याचं कारण पण आहे, गर्मी वाढत चालली आहे, लोकांकडे पैसा जास्त आला आहे आणि लहान शहर, खेड्यांमध्ये पण आता लोक आईस्क्रीम खायला लागले आहेत.

रिलायन्सने यासाठी जोरदार तयारी केली आहे. त्यांनी दुकानांमध्ये आपले खास फ्रीजर ठेवायला सुरुवात केली आहे जेणेकरून लोकांना बॉम्बे क्रीमरी सहज दिसेल. जर कॅम्पा सारखाच हा पण हिट झाला तर अमूल आणि क्वालिटी वॉल्स सारख्या जुन्या कंपन्यांना खूप मोठा फटका बसणार हे नक्की.