Chicken Price Hike : आधी भाजीपाला, मग अंडी अन् नंतर चिकनचा नंबर? श्रावण महिना संपताच खवय्यांच्या खिशाला बसणार मोठा झटका!

Chicken Price Hike : श्रावण महिन्याच्या काळात भाजीपाल्याचे भाव वाढलेले असतानाच आता अंड्यांच्या दरातही मोठी वाढ झाली आहे. अंड्यांच्या वाढत्या किमतींनंतर आता श्रावण महिना संपताच चिकनचे भावही गगनाला भिडण्याची शक्यता वर्तवली जात आहे.

• आधी भाजीपाला, मग अंडी अन् चिकनचा नंबर?
• श्रावण महिना संपताच मोठा दणका
• खवय्यांच्या खिशाला लागणार कात्री!

Chicken Price Hike : महागाईचा दणका आता सगळ्याच गोष्टीतून दिसून येत आहे. त्यात आता खाण्यापिण्याचे दर गगनाला भिडत आहेत. रोजच्या स्वयंपाक घरातील गोष्टींचा भाव वाढला आहे. पण त्याचसोबत अंड्यांच्या किमती सातत्याने वाढत आहेत आणि अनेक ठिकाणी किरकोळ विक्रीचा दर प्रति अंडे जवळपास ९ रुपयांपर्यंत पोहोचला आहे. गेल्या वर्षभरात अंड्यांच्या किमती अंदाजे ३५-४० टक्क्यांनी वाढल्या आहेत. आता प्रश्न असा निर्माण होतो की, जर अंडी इतकी महाग झाली असतील, तर श्रावण संपताय कोंबडीच्या किमतीही वाढू शकतात का? नेमका काय परिणाम होणार आहे? सविस्तर जाणून घेऊयात ( Chicken Price Hike ) 

Food Safety Action : चिकन खाणं पडलं महागात, कॅफेच्या निष्काळजीपणामुळे महिला आजारी! कोर्टाने ठोठावला मोठा दंड

अंडी महाग का होत आहेत?

महागाईचा दणका आता अंड्यांपर्यंत पोहोचला आहे. अंड्यांच्या किमती वाढण्याचे एक प्रमुख कारण म्हणजे कोंबड्यांच्या खाद्याचा वाढता खर्च. कोंबड्यांच्या खाद्यामध्ये मक्याचा मोठ्या प्रमाणावर वापर केला जातो. त्याचबरोबर, देशात इथेनॉल उत्पादनासाठी मक्याची मागणीही वाढली आहे. यामुळे कुक्कुटपालन उद्योगासाठी मका महाग झाला आहे. कुक्कुटपालनाच्या एकूण खर्चापैकी अंदाजे ६५-७० टक्के खर्च मक्यावर होतो. त्यामुळे त्याचा मक्याच्या किमतीतील वाढीचा थेट परिणाम अंडी आणि कोंबडीच्या किमतींवर होतो.

उष्णतेमुळेही या समस्येत भर

मक्याची वाढलेली किंमत हे एकमेव कारण नाही. तर या वर्षीचं हवामानही या सगळ्याला तितकंच कारणीभूत आहे. या वर्षीच्या तीव्र उष्णतेचा आणि हवामानातील बदलांचा कोंबडी उत्पादनावरही मोठा परिणाम झाला आहे. तीव्र उष्णतेमुळे कोंबड्यांची अंडी देण्याची क्षमता कमी होते आणि काही ठिकाणी तर कोंबड्यांचा मृत्यूही होतो. यामुळे बाजारात पोहोचणाऱ्या अंड्यांची संख्या कमी होते, ज्यामुळे किमतींवर दबाव येतो. तुलनेने अंड्यांच्या किमती वाढतात.

श्रावणानंतर कोंबडी महाग होतील का?

कोंबडीच्या किमती वाढण्याची शक्यता पूर्णपणे नाकारता येत नाही. कारण मका आणि सोयाबीनसारख्या धान्यांच्या वाढत्या किमतींमुळे कोंबड्या पाळण्याचा खर्च देखील वाढला आहे. खाद्याच्या किमतीतील वाढीचा परिणाम अंडी आणि कोंबडी या दोन्हींच्या किमतींवर होऊ शकतो. पण याचा अर्थ असा नाही की श्रावण संपताच कोंबडीच्या किमती वाढतील. कोंबडीच्या किमती किती वाढतील हे पूर्णपणे मागणी, पुरवठा, उत्पादन आणि स्थानिक बाजारपेठेच्या परिस्थितीवर अवलंबून आहे. त्यामुळे महागाईचा दणका वाढत असला तरीही यासाठी वेगवेगळी कारणं कारणीभूत आहेत.

Kitchen Budget Hike : देवा रे देवा… किचनमधील गोडवा तर महागला; पाठोपाठ ‘या’ वस्तूंच्या किमतीही कडाडल्या