(फोटो सौजन्य - सोशल मीडिया)
केरळमधील पथानामथिट्टा जिल्ह्यात हा प्रकार घडला. एका महिलेने कॅफेमध्ये ग्रिल्ड चिकन खाल्लं आणि त्यानंतर ती आजारी पडली. ही घटना २१ ऑक्टोबर, २०२५ रोजीची आहे. जेव्हा एक महिला तिच्या बहिणीसोबत एका कॅफेमध्ये गेली होती. त्या कॅफेमध्ये जाऊन दोघींनी अल्फाम खाल्ले. चिकनची चव विचित्र असल्याचं तिला जाणवलं. आणि त्यानंतर ते चिकन तिला चांगलंच महागात पडलं. तिला उलट्या, पोटदुखी आणि इतर त्रास जाणवू लागला. तिने सुरुवातीला डॉक्टरांचा सल्ला घेतला. पण तिची प्रकृती अधिकच खालावत गेली. त्यानंतर तिला रुग्णालयात दाखल करावे लागले. डॉक्टरांनी तिला साल्मोनेला संसर्ग झाल्याचं सांगितलं.
महिलेने उपचारांवर ₹३६,३९३ खर्च केले. तिने आरोप केला की तिच्या मुलाने कॅफे मालकांना उपचारांचे पैसे देण्यास सांगितले, परंतु त्यांनी तिची थट्टा केली. या सगळ्या परिस्थितीची तिने ग्राहक मंचात तक्रार दाखल केली. आयोगाचे अध्यक्ष जॉर्ज बेबी आणि सदस्य निषाद थंकप्पा यांनी कॅफेच्या मालकाला आणि व्यवस्थापकाला त्या महिलेला ९६,३९३ रुपये नुकसान भरपाई देण्याचे आदेश दिले आहेत.
कॅफे मालकाने महिलेचे आरोप फेटाळून लावले. त्याने सांगितले की प्रत्येक ग्राहकाला उच्च दर्जाचे चिकन दिले गेले जाते. तसेच त्या महिलेलाही चांगलेच चिकन दिले होते. त्याने असेही सांगितले की त्या दिवशी १०० हून अधिक लोकांनी तेच अन्न खाल्ले होते, परंतु इतर कोणालाही आरोग्याच्या कोणत्याही समस्येची तक्रार नव्हती. जरी वैद्यकीय अहवाल नंतर या प्रकरणात महत्त्वाचा पुरावा ठरला असला तरी, ग्राहक आयोगाने महिलेच्या रुग्णालयातून डिस्चार्जच्या महत्त्वाचा पुरावा मानले, ज्यात तिला साल्मोनेला संसर्ग झाल्याचे नमूद केले होते.
कोर्टाने आपला निर्णय देताना, कॅफेला ३० दिवसांच्या आत ₹९६,३९३,००० भरण्याचा आदेश दिले. जर कॅफेने निर्धारित वेळेत रक्कम भरली नाही, तर त्यांना या रकमेवर १० टक्के वार्षिक व्याज देखील द्यावा लागणार असल्याचं स्पष्ट केलं.
.png "Videos"){kind=small}
