पैसाच पैसा! काय आहे FD Laddering? 1 लाख रुपयांच्या गुंतवणुकीवर जास्तीत जास्त नफा मिळवण्याची ‘स्मार्ट’ ट्रिक

एफडी गुंतवणूकदारांना निश्चित व्याजदर आणि सुरक्षित परतावा देतात, ज्यामुळे त्यातील जोखीम कमी होते. पण जर तुम्ही तुमच्या गुंतवणुकीत FD Laddering चा समावेश केला, तर तुमचा परतावा बदलू शकतो.

• तुमच्या गुंतवणुकीत FD Laddering चा समावेश
• FD Ladderingचे फायदे
• १ लाख रुपयांपासून FD Laddering

FD Laddering Strategy: ज्या गुंतवणूकदारांना बाजारातील चढ-उतारापासून लांब राहायचं असतं, ते मुदत ठेवींना म्हणजेच Fix Deposit या पर्यायाला एक विश्वासार्ह पर्याय मानतात. एफडी गुंतवणूकदारांना निश्चित व्याजदर आणि सुरक्षित परतावा देतात, ज्यामुळे त्यातील जोखीम कमी होते. पण जर तुम्ही तुमच्या गुंतवणुकीत FD Laddering चा समावेश केला, तर तुमचा परतावा बदलू शकतो. चला, एफडी लॅडरिंग म्हणजे काय आणि ते कसे काम करते हे जाणून घेऊया.

स्वस्त विम्याच्या नादात लाखो रुपयांचा चुना लागू शकतो! ‘Full Recovery’साठी ‘या’ Policy ठरणार बेस्ट?

FD Laddering म्हणजे काय?

एफडी लॅडरिंग ही एक अशी पद्धत आहे, ज्यामध्ये गुंतवणूकदार वेगवेगळ्या कालावधीसाठी अनेक मुदत ठेवी तयार करतात, जेणेकरून प्रत्येक एफडी ठराविक कालावधीनंतर पूर्ण होते. ही पद्धत विशेषतः अशा लोकांसाठी महत्त्वाची आणि उपयुक्त आहे, ज्यांना दीर्घ कालावधीसाठी सुरक्षित गुंतवणूक करायची आहे. त्यांच्यासाठी हा सुलभ पर्याय आहे. एफडी लॅडरिंगचा सर्वात मोठा फायदा हा आहे की तुम्हाला ठराविक कालावधीने पैसे मिळतात. याशिवाय, वेगवेगळ्या कालावधीत गुंतवणूक केल्याने चांगल्या व्याजदरांचा लाभ घेण्याची संधीही निर्माण होते. परिणामी पैसा वाढण्याची शक्यता बऱ्याच प्रमाणात वाढते.

FD Ladderingचे फायदे

एफडी लॅडरिंगमुळे गुंतवणूकदारांना फायदा होतो. वेगवेगळ्या कालावधीत निधी गुंतवल्याने चांगल्या व्याजदरांचा लाभ मिळू शकतो आणि एकूण परतावा वाढण्याची शक्यता देखील वाढते. या पद्धतीमुळे कर नियोजनातही मदत होते आणि जोखीम बऱ्यापैकी कमी होते. मुदतपूर्तीच्या वेळी चांगले व्याजदर उपलब्ध झाल्यास, तुम्ही ती रक्कम पुन्हा गुंतवू शकता.

१ लाख रुपयांपासून FD Laddering

जर तुम्हाला एफडीमध्ये ₹१ लाख गुंतवायचे असतील, तर ती रक्कम एकाच वेळी गुंतवण्याऐवजी लहान हप्त्यांमध्ये विभागणे अधिक शहाणपणाचे आहे. उदाहरणार्थ, तुम्ही ती रक्कम प्रत्येकी ₹२०,००० मध्ये विभागून वेगवेगळ्या कालावधीसाठी एफडी लावू शकता. अशा प्रकारे, तुमची दरवर्षी एक एफडी पूर्ण होईल. एकदा एफडीची रक्कम पूर्ण झाल्यावर, तुम्ही गरजेनुसार त्यातील निधी वापरू शकता किंवा उर्वरित रक्कम पुन्हा गुंतवू शकता. इतर एफडींच्या बाबतीतही हाच दृष्टिकोन अवलंबल्याने तुमच्या पैशांचा ओघ स्थिर राहतो, तसेच अधिक परतावा मिळण्याची शक्यताही निर्माण होते. त्यामुळे तुमचा पैसा आणखीनच वाढतो.

LIC Bonus Share : LIC पहिल्यांदाच बोनस शेअर वाटण्याच्या तयारीत, कधी होणार मोठी घोषणा?