Generic Medicines Govt App : तब्बल 80 % पर्यंत स्वस्त मिळणार औषधं! क्वॉलिटीची गॅरंटी सरकार घेणार, लगेच डाऊनलोड करा ‘हा’ ॲप

Generic Medicines Govt App : दरमहा होणाऱ्या महागड्या औषधांच्या खर्चाने त्रस्त असणाऱ्या नागरिकांसाठी केंद्र सरकारने 'जन औषधी सुगम' हे भन्नाट मोबाईल ॲप उपलब्ध केले आहे. या ॲपच्या माध्यमातून तुम्हाला ८० टक्क्यांपर्यंत स्वस्त असलेली जेनेरिक औषधे सहजासहजी शोधता येतात.

• तब्बल 80 % पर्यंत स्वस्त मिळणार औषधं!
• क्वॉलिटीची गॅरंटी सरकार घेणार
• लगेच डाऊनलोड करा ‘हा’ ॲप

Generic Medicines Govt App : आजकाल वैद्यकीय उपचार आणि औषधांचा खर्च खूप जास्त आहे. विशेषतः ब्रँडेड औषधे इतकी महाग आहेत की ती प्रत्येकाला परवडत नाहीत. या अशाच दरमहा होणाऱ्या महागड्या औषधांच्या खर्चाने त्रस्त असणाऱ्या नागरिकांसाठी केंद्र सरकारने या उत्तम उपाय आणला आहे. महत्त्वाचं म्हणजे हा पर्याय ऑनलाईन स्वरुपाचा आहे त्यामुळे तुमचा बराचसा वेळही वाजेला आणि पैसे ही वाचतील. मी अशा एका ॲपबाबत बोलते आहेत जिथे तुमच्या औषधांवरील खर्च ८०% पर्यंत कमी होणार आहे. इथे मिळणाऱ्या औषधांच्या दर्जाची गॅरंटी पूर्णपणे सरकार घेणार आहे. नेमका कोणता आहे हा ॲप? आणि याचा तुम्हाला कसा फायदा होईल? ( Generic Medicines Govt App ) 

Fasting Special Burger Mc D : सांगताय काय? McDonald’s ने आणला उपवासवाला बर्गर… नेमका बनलाय कशापासून?

जन औषधी सुगम ॲप हे भारत सरकारच्या रसायन आणि खते मंत्रालयाने विकसित केलेले एक मोफत मोबाईल ॲप आहे. लोकांना त्यांच्या परिसरातील सरकारी जन औषधी केंद्रांची माहिती देणे आणि त्यांना अत्यंत कमी किमतीत जेनेरिक औषधे शोधण्यात मदत करणे, हा याचा उद्देश आहे.

घर बसल्या मागवा औषधं

हे ॲप तुम्हाला जवळच्या प्रधानमंत्री भारतीय जन औषधी केंद्रापर्यंत मार्गदर्शन करण्यासाठी GPS आणि Google Maps चा वापर करेल. तुम्ही या ॲपचा वापर करून एखाद्या आजाराचे किंवा औषधाचे जसे की पॅरासिटामॉल नाव टाकून सरकारी दुकानांमध्ये त्याची उपलब्धता तपासू शकता. ॲपमधील वैशिष्ट्ये तुम्हाला बाजारात उपलब्ध असलेल्या महागड्या ब्रँडेड औषधांच्या तुलनेत जन औषधीची जेनेरिक औषधे किती स्वस्त आहेत आणि तुमची किती बचत होत आहे, हे तपासण्याची सुविधा देखील देतात.

औषधांवरील खर्चात लक्षणीय घट

ॲपद्वारे उपलब्ध असलेली औषधे बाजारात उपलब्ध असलेल्या जेनेरिक औषधांपेक्षा ५०-९०% स्वस्त आहेत. याचा अर्थ तुमचा मासिक औषधोपचारावरील खर्च लक्षणीयरीत्या कमी होईल. शिवाय, औषधांची गुणवत्ता देखील उत्तम आहे, कारण ॲपमध्ये औषधांच्या प्रयोगशाळा चाचणी आणि गुणवत्तेची WHO-GMP प्रमाणित माहिती यात आहे. हे एक सरकारी ॲप असल्यामुळे, औषधांच्या किमती आणि गुणवत्ता पूर्णपणे अचूक आहेत. तुम्ही हे ॲप गूगल प्ले स्टोअर किंवा ॲपल ॲप स्टोअरवरून डाउनलोड करू शकता. तुमची इच्छा असल्यास, तुम्ही UMANG ॲपवरूनही याचा वापर करु शकता.

Govt Subsidy For Business : मागास जिल्ह्यांमध्ये बिझनेस सुरू करा अन् मिळवा सरकारी मदत! कर्मचारी भरतीसाठीही मिळणार अनुदान