मंगळवार, 18 ऑगस्ट 2026
(फोटो सौजन्य - सोशल मीडिया)
बऱ्याच लोकांना प्रश्न पडला असेल की हा बर्गर कुट्टूच्या पिठापासून बनवला आहे का, आणि त्याचे उत्तर ‘नाही’ असे आहे. श्रावण स्पेशल मेन्यूमधील बर्गर कुट्टू किंवा शिंगाड्याच्या पिठापासून बनवलेला नाही.
हा बर्गर कांदा आणि लसूण न वापरता बनवला आहे. मेन्यूमध्ये मीठशिवाय खास फ्राईजदेखील दिले गेले आहेत. श्रावण स्पेशल मेन्यूमध्ये इतरही अनेक पदार्थांचा समावेश करण्यात आला आहे. हा मेन्यू सध्या सोशल मीडियावर बराच व्हायरल होत आहे. त्यावर लोकांकडून विविध प्रकारच्या प्रतिक्रिया येत आहेत.
What is this McDonald’s??
Ab shravan ka bhi special pack aa gaya hai pic.twitter.com/v0yUFmlynO — Gormint Banker (@Gormintbanker) August 17, 2026
मॅकडोनाल्ड्सने श्रावण स्पेशल मेन्यू सादर केल्यापासून, तो सोशल मीडियावर व्हायरल झाला आहे. त्यावर विविध प्रतिक्रिया येऊ लागल्या आहेत. काहींनी, “व्वा, आता उपवासातही बर्गर मिळू शकतो,” अशी टिप्पणी केली आहे. तर इतरांनी, “उपवासात बर्गर खायचा असेल तर उपवास करण्याचा अर्थच काय?” अशी टिप्पणी केली. एका वापरकर्त्याने टिप्पणी केली की, पुढचा पदार्थ फळांवर आधारित ‘मॅकआलू टिकी’ असेल. यावर अनेक मजेशीर प्रतिक्रिया उमटल्या आहेत. तुम्हाला हा प्रकार कसा वाटला? नक्की जाऊन ट्राय करा.
