GE Aerospace आणि IAF यांच्यात करार; F404-IN20 इंजिनांसाठी देशांतर्गत डेपो उभारणार

जीई एरोस्पेसने आज भारतीय हवाई दलासोबत करार जाहीर केला आहे. या करारांतर्गत, हवाई दलाच्या तेजस या हलक्या लढाऊ विमान (एलसीए) ताफ्याला शक्ती देणाऱ्या F404 -IN20 इंजिनांसाठी भारतात डेपो सुविधा स्थापन केली जाणार आहे.

• GE Aerospace ने भारतीय हवाई दलासोबत करारावर स्‍वाक्षरी केली
• ज्‍याअंतर्गत F404-IN20 इंजिनांसाठी देशांतर्गत डेपो उभारणार
• देशांतर्गत दुरुस्ती आणि ओव्हरहॉल पायाभूत सुविधा प्रबळ

IAF Ge Aerospcae Ink Deal : जीई एरोस्पेसने आज भारतीय हवाई दलासोबत करार जाहीर केला आहे. या करारांतर्गत, हवाई दलाच्या तेजस या हलक्या लढाऊ विमान (एलसीए) ताफ्याला शक्ती देणाऱ्या F404 -IN20 इंजिनांसाठी भारतात डेपो सुविधा स्थापन केली जाणार आहे. ही सुविधा भारतीय हवाई दलाद्वारे उभारली जाईल, ज्यासाठी जीई एरोस्पेस तांत्रिक मदत पुरवणार आहे. यामुळे भारताच्या स्वदेशी संरक्षण देखभाल प्रयत्‍नांना मोठी मदत मिळण्याची अपेक्षा आहे. ही सुविधा कार्यान्वित झाली की, दुरुस्तीसाठी परदेशातील केंद्रांवर अवलंबून राहण्याची गरज उरणार नाही, ज्यामुळे दुरुस्तीचा लागणारा वेळ लक्षणीयरित्या कमी होईल.

SBI चा ग्राहकांना Alert! तुमचा Bank Balance होऊ शकतो झिरो; YONO App वापरत असाल तर वेळीच सावध व्हा

भारतीय सशस्त्र दलांना पाठबळ

या डेपो सुविधेची मालकी, संचालन आणि देखभाल भारतीय हवाई दलाकडे असेल, तर जीई एरोस्पेस तांत्रिक माहिती, प्रशिक्षण, सहाय्यक कर्मचारी आणि आवश्यक सुटे भाग व विशेष उपकरणांचा पुरवठा करेल. हा सहयोग जीई एरोस्पेस आणि भारतीय हवाई दल यांच्यातील चार दशकांपासून असलेल्या भागीदारीतील पुढचे महत्त्वाचे पाऊल आहे. भारतीय सशस्त्र दलांना पाठबळ देण्याची आमची कटिबद्धता तेजस ताफ्याची स्थानिक देखभाल क्षमता वाढवण्यासाठी आमच्यातील सहकार्य आणि भागीदारीला मार्गदर्शन करत राहील,” असे जीई एरोस्पेसच्या डिफेन्स अँड सिस्टम्स विभागाच्या सेल्स व बिझनेस डेव्हलपमेंटच्या उपाध्यक्ष रिटा फ्लॅहर्टी म्‍हणाल्‍या. “या आगामी डेपो सुविधेच्या माध्यमातून आम्ही भारतीय हवाई दलासाठी F404-IN20 इंजिनांची उपलब्धता सुनिश्चित करू, ज्यामुळे त्यांच्या संरक्षण गरजा पूर्ण करण्यासाठी त्यांना अत्याधुनिक तंत्रज्ञान सहज उपलब्ध होईल, याची खात्री मिळेल.”

डेव्हलपमेंट प्रोग्राममधून १५० इंजिनिअर्स उत्तीर्ण

जीई एरोस्पेस व्यावसायिक आणि लष्करी विमान वाहतूक या दोन्ही क्षेत्रांतील डिझाइन, विकास, उत्पादन व देखभालीसह भारतातील एरोस्पेस परिसंस्था अधिक दृढ करण्‍याप्रती कटिबद्ध आहे. उदाहरणार्थ, कंपनीच्या स्थानिक दोन वर्षांच्या एडिसन इंजिनिअरिंग डेव्हलपमेंट प्रोग्राममधून १५० इंजिनिअर्स उत्तीर्ण झाले आहेत, जे भविष्यातील इंजिनिअरिंग नेतृत्व घडवण्याचे काम करतात. गेल्या दहा वर्षांतील विविध कौशल्य विकास उपक्रमांमुळे कंपनीच्या पुणे येथील फॅक्‍टरीमध्‍ये ५,००० हून अधिक कर्मचाऱ्यांना उत्पादन क्षेत्रातील मुख्य कौशल्यांचे प्रशिक्षण देण्यात आले आहे.

बेंगळुरू येथे नेक्स्ट इंजिनिअर्स उपक्रम सुरू

सप्टेंबर २०२५ मध्ये, जीई एरोस्पेस फाउंडेशनने युनायटेड वे सोबत सहयोगाने बेंगळुरू येथे नेक्स्ट इंजिनिअर्स उपक्रम सुरू केला. हा चार वर्षांचा कॉलेज व करिअर सज्जता प्रोग्राम आहे, ज्‍याद्वारे ४,००० तरुण इंजिनिअरिंग इच्छुकांना मदत केली जाईल.तेजस व्यतिरिक्त जीई एरोस्पेसची इंजिने भारतीय नौदलाच्या P-8I सागरी गस्त विमानांना आणि MH60R हेलिकॉप्टर्सना, तसेच भारतीय हवाई दलाच्या AH-64 अपाचे हेलिकॉप्टर्सना शक्ती प्रदान करतात. तसेच, कंपनीचे LM2500 मरीन गॅस टर्बाइन्स आयएनएस विक्रांत विमानवाहू युद्धनौका आणि P-17 शिवालिक क्लास फ्रिगेट्सना ऊर्जा पुरवतात.

सौर ऊर्जेत भारताची मोठी भरारी! Vikram Solar ने दोन वर्षांत दुप्पट केली क्षमता; ३९ देशांमध्ये ‘Made In India’चा डंका