खुशखबर… आता रिअल इस्टेटमध्ये फक्त 100 रुपयांत गुंतवणुकीची संधी! Navi AMC चा नवीन Index Fund लाँच

Navi AMC New NFO : नावी एएमसीने रिअल इस्टेट क्षेत्रात गुंतवणुकीची संधी देणारा 'नावी निफ्टी आरईआयटी आणि रिअॅल्टी इंडेक्स फंड' लाँच करण्याची घोषणा केली आहे. हा एक ओपन-एंडेड इंडेक्स फंड असून, यामध्ये गुंतवणूकदार केवळ १०० रुपयांपासून गुंतवणूक सुरू करू शकतात.

• घर किंवा जमीन न घेता रिअल इस्टेटमध्ये करा गुंतवणूक!
• नावी एएमसीची मोठी घोषणा
• केवळ ₹१०० ने सुरू करा NFO मधील गुंतवणूक

Navi AMC New NFO : नावी एएमसीने नावी निफ्टी आरईआयटी आणि रिअॅल्टी इंडेक्स फंड लॉन्च करण्याची घोषणा केली आहे. निफ्टी आरईआयटी आणि रिअॅल्टी इंडेक्सचा मागोवा घेण्यासाठी तयार केलेला इंडेक्स फंड, ज्यामध्ये सूचीबद्ध आरईआयटी आणि रिअल इस्टेट विकास कंपन्यांचा समावेश आहे. मुख्य म्हणजे घर जमीन घेतल्याशिवाय तुम्ही गुंतवणूक करु शकता ती पण फक्त 100 रुपयांपासून.  हे कधी सुरु होणार आहे? आणि या फंडचा काय उद्देश आहे? जाणून घेऊयात. ( Navi AMC New NFO ) 

Petrol-Diesel चे दर वाढणार? कच्च्या तेलाचे किमती कडाडले, सरकारकडून कर वाढ

कधी होणार सुरु आणि बंद?

या इंडेक्समध्ये सूचीबद्ध रिअल इस्टेट इन्व्हेस्टमेंट ट्रस्ट्स (आरईआयटी) आणि रिअल इस्टेट विकास कंपन्यांचा समावेश आहे. त्यामुळे गुंतवणूकदारांना सूचीबद्ध रिअल इस्टेट क्षेत्रातील संपूर्ण मूल्यसाखळीत विविध प्रकारे गुंतवणूक करण्याची संधी मिळते. नवीन फंड ऑफर (एनएफओ) १ सप्टेंबर २०२६ रोजी सुरू होईल आणि १० सप्टेंबर २०२६ रोजी बंद होईल.

फंड आणि इंडेक्सचा आढावा

ही योजना निफ्टी आरईआयटी आणि रिअॅल्टी टोटल रिटर्न इंडेक्सची पुनरावृत्ती करेल. हा फ्री-फ्लोट मार्केट कॅपिटलायझेशननुसार भारित केलेला इंडेक्स असून, त्यात सार्वजनिकरित्या सूचीबद्ध आरईआयटी आणि रिअॅल्टी क्षेत्रातील जास्तीत जास्त १५ कंपन्यांचा समावेश असेल. यामध्ये आरईआयटीचा किमान भार ६० टक्के आणि कोणत्याही एका सिक्युरिटीचा कमाल भार १५ टक्के असेल. एनएसई इंडिसेजने निर्धारित केलेल्या पद्धतीनुसार या इंडेक्सची देखभाल आणि पुनर्संतुलन दर तिमाही केले जाते. याची गुंतवणूक फक्त किमान १०० रुपयांपासून करता येणार आहे.

फंडाचा उद्देश

कराच्या दृष्टीने कार्यक्षम गुंतवणुकीसाठी तयार केलेला हा फंड आहे. या योजनेचे गुंतवणूक उद्दिष्ट निफ्टी आरईआयटी आणि रिअॅल्टी इंडेक्सच्या अनुरूप परतावा मिळवणे हे आहे. यासाठी ही योजना निफ्टी आरईआयटी आणि रिअॅल्टी इंडेक्समध्ये समाविष्ट असलेल्या कंपन्यांच्या समभागांमध्ये गुंतवणूक करेल. ही गुंतवणूक ट्रॅकिंग एररच्या अधीन असेल. या योजनेचे गुंतवणूक उद्दिष्ट साध्य होईल याची कोणतीही हमी नाही. म्युच्युअल फंडातील गुंतवणूक बाजारातील जोखमीच्या अधीन असते. योजनेशी संबंधित सर्व कागदपत्रे काळजीपूर्वक वाचा.

AM/NS इंडिया आणि ICAR-IARI च्या संशोधनातून मोठा खुलासा, लोह खनिजाच्या टाकाऊ घटकांपासून सुधारेल जमिनीचे आरोग्य!