Reliance Industries Results: तिमाही निकाल ‘या’ दिवशी जाहीर होणार; लाभांश मिळणार का?

Reliance Industries Results:रिलायन्स इंडस्ट्रीजने 30 ऑक्टोबर 2026 रोजी दुसऱ्या तिमाहीचे आणि सहामाहीचे आर्थिक निकाल जाहीर करण्यासाठी संचालक मंडळाची बैठक बोलावली आहे. या बैठकीत कंपनीच्या आर्थिक कामगिरीसोबतच NCD द्वारे निधी उभारण्याच्या प्रस्तावावर चर्चा होण्याची शक्यता आहे.

• रिलायन्स इंडस्ट्रीजचे तिमाही निकाल 30 ऑक्टोबरला
• लाभांशाबाबत अधिकृत घोषणा नाही
• NCD मधून निधी उभारण्यावर बोर्डाचे लक्ष

देशातील सर्वात मोठी कंपनीमधून रिलायन्स इंडस्ट्रीज पाहिले जाते. कंपनीच्या तिमाही निकालाची सर्वजण वाट पाहात आहेत. कंपनीने नुकतेचे निकालाबाबत एक मोठी घोषणा केली आहे. 30 सप्टेंबर 2026 रोजी पहिले तिमाहीचे निकाल जाहीर केला होता. आता दुसऱ्या तिमाहीचे आणि तसेच सहामाहीचे आर्थिक निकालासाठी कंपनीने संचालक मंडळांची बैठक शुक्रवार, 30 ऑक्टोबरला बोलवली आहे. Reliance Industries Results:

निकाल कधी येणार?

30 सप्टेंबर 2026 ला संपलेल्या तिमाहीचा निकाल जाहीर होईल . त्यासाठी बोर्डाची मीटिंग ठेवली आहे. याआधी कंपनीने 27 ऑक्टोबरला याबाबत माहिती दिली होती. डिव्हिडंडचं काय होणार? कधी लाभ मिळणार असे अनेक प्रश्न गुंतवणूकदारांना पडले आहेत. परंतू यावेळेस कंपनीने डिव्हिडंडबाबत कोणताही उल्लेख केला नव्हता. बोर्डाच्या मीटिंगच्या पत्रात लाभांशाबद्दल एका शब्दाने पण उल्लेख नाही. याचअर्थ या वेळेस लाभांशाची अपेक्षा करू नका.

DA Hike: वाढून येणार पगार, SIP-PPF-FD उत्तम परताव्यासाठी कशात करावी गुंतवणूक?

कंपनीने काही निर्णय घेतला तर ते स्वतः जाहीर करतील. त्यामुळे उगाच अफवांवर विश्वास ठेवू नका. अधिकृत बातमी येईपर्यंत थांबा. या मीटिंगमध्ये फक्त दोन गोष्टींवर जास्त लक्ष असणार आहे. एक म्हणजे कंपनीचा नफा-तोट्याचा हिशोब आणि दुसरं म्हणजे NCD मधून पैसे उभारण्याचा प्लॅन.

निकालानंतर काय होणार?

बोर्ड मीटिंग झाली की काम संपत असे नसतं.त्याचदिवशी संध्याकाळी कंपनी मोठ्या विश्लेषकांबरोबर, म्हणजे Analyst लोकांबरोबर बातचीत करणार आहे. त्यामध्ये कंपनी सांगेल की या तीन महिन्यात बिझनेस कसा झाला, पुढे काय प्लॅन आहे. दरम्यान एक स्वतंत्र आणि दुसरा एकत्रित असे दोन निकाल कंपनी लावणार जाहीर करेल.
कंपनीचे दोन प्रकारचे निकाल

NCD मधून हजारो कोटी उभारणार?

निकालाबरोबरच रिलायन्स बोर्ड अजून एका मोठ्या गोष्टीवर चर्चा करण्याची शक्यता आहे. त्या चर्चेमध्ये बाजारातून पैसा कसा उभा करायचा. कंपनी NCD काढून पैसे उभा करण्याच्या तयारी असल्याची प्राथमिक माहिती मिळत आहे.

NCD म्हणजे काय?

नॉन-कन्व्हर्टेबल डिबेंचर म्हणजेच कर्जरोखे. कंपनी लोकांकडून कर्ज घेते आणि त्यावर व्याज देते. हे NCD सुरक्षित किंवा असुरक्षित असू शकतात. कंपनी एका टप्प्यात किंवा वेगवेगळ्या टप्प्यात हे NCD काढून पैसे जमा करेल. हा पैसा कंपनी तिच्या नवीन प्रोजेक्टसाठी वापरणार आहे.

Share Market: दिवाळीच्या आधीच ‘JIO’ शेअर्सधारकांसाठी फुटले फटाके, 4% वाढला Stock, मोठा फायदा

निकाल कसा लागेल? फायदा होणार का?

आता सगळ्यांना उत्सुकता आहे की निकाल कसा लागेल. ब्रोकरेज कंपनी नुवामा रिसर्चने यावर एक रिपोर्ट दिला आहे. त्यांच्या मते रिलायन्सचा हा निकाल बाजाराच्या अपेक्षेपेक्षा चांगला लागू शकतो. याचं कारण काय? तर रिफायनरीचा धंदा सुधारलाय. कच्चं तेल शुद्ध करून विकण्यात जास्त मार्जिन मिळतंय. आणि कंपनीने जास्त तेल प्रोसेस केलंय.

1. रिलायन्सच्या नफ्याचा अंदाज – नुवामा रिपोर्ट

शेअर घ्यायचा का? एक्स्पर्ट काय बोलतायत?

3. नवीन एनर्जी बिझनेसची कमाई

म्हणजे 3 वर्षात 13 पटीने जास्त कमाई होण्याची शक्यता आहे.

थोडक्यात सांगायचं तर 30 ऑक्टोबर हा रिलायन्ससाठी आणि गुंतवणूकदारांसाठी खूप महत्वाचा दिवस असणार आहे. निकाल काय येतो, NCD चा काय निर्णय होतो आणि कंपनी पुढच्या प्लॅनबद्दल काय बोलते याकडे सगळ्यांचं लक्ष लागलंय.