Aviation Stocks : युद्धाची भीती सरताच विमान कंपन्यांचे Shares सुसाट! Indigo आणि SpiceJet मध्ये तेजी

राण आणि इस्रायलमध्ये शस्त्रसंधी (Ceasefire) होण्याची शक्यता वर्तवण्यात आल्यानंतर शेअर बाजारात IndiGo चा शेअर ११ टक्क्यांनी वधारला, तर SpiceJet मध्ये ५ ते १० टक्क्यांचे अप्पर सर्किट पाहायला मिळाले.

• भारतीय विमान वाहतूक क्षेत्रासाठी आजचा दिवस आनंदाचा
• शेअर बाजारात IndiGo चा शेअर ११ टक्क्यांनी वधारला
• SpiceJet मध्ये ५ ते १० टक्क्यांचे अप्पर सर्किट

Share of Interglobe Aviation : गेल्या काही दिवसांपासून पश्चिम आशियात सुरू असलेल्या युद्धजन्य परिस्थितीमुळे शेअर बाजार चांगलाच दबावाखाली होता. पण या सगळ्या परिस्थितीत भारतीय विमान वाहतूक क्षेत्रासाठी आजचा दिवस आनंदाचा ठरला. इराण आणि इस्रायलमध्ये शस्त्रसंधी (Ceasefire) होण्याची शक्यता वर्तवण्यात आल्यानंतर शेअर बाजारात IndiGo चा शेअर ११ टक्क्यांनी वधारला, तर SpiceJet मध्ये ५ ते १० टक्क्यांचे अप्पर सर्किट पाहायला मिळाले. सेन्सेक्समधील शेअर्सपैकी, इंडिगोची मूळ कंपनी, इंटरग्लोब एव्हिएशनच्या शेअरमध्ये सर्वाधिक वाढ दिसून आली. BSE वर सुरुवातीच्या व्यवहारात कंपनीचा शेअर ११ टक्क्यांनी वाढून ४,७३७.४० रुपयांवर पोहोचला. मागील सत्रात तो ४,२६८.३५ रुपयांवर बंद झाला होता आणि आज ४,६३९.७० रुपयांवर उघडला. पश्चिम आशियातील शस्त्रसंधीमुळे कच्च्या तेलाच्या किमतीत मोठी घसरण झाली आहे. यामुळे SpiceJet च्या शेअर्सनी ५ टक्क्यांनी अप्पर सर्किट गाठले आहे.

एयरलाइन कंपन्यांच्या ऑपरेटिंग कॉस्टमध्ये फ्यूलचा मोठा वाटा

कच्च्या तेलाच्या किमतीतील अलीकडील वाढीमुळे एटीएफच्या (ATF) किमतीत लक्षणीय वाढ झाली होती. ज्यामुळे विमान कंपन्यांच्या नफ्यावर परिणाम होण्याची भीती होती. याचे कारण असे की, एयरलाइन कंपन्यांच्या ऑपरेटिंग कॉस्टमध्ये फ्यूलचा मोठा वाटा असतो. ATF च्या किमतीतील घसरणीमुळे एयरलाइन कंपन्यांच्या नफ्यात सुधारणा होऊ शकते. शिवाय, पश्चिम आशियातील शांततेमुळे विमानं लांब पल्ल्याने जाणार नाहीत. २८ फेब्रुवारी रोजी इराण आणि अमेरिका/इस्रायल यांच्यात सुरू झालेल्या युद्धामुळे अनेक देशांनी आपली हवाई हद्द बंद केली आहे. ती पण या युद्धाच्या शांततेच्या काळात पुन्हा नव्याने सुरु होईल.

जेफरीजने किंमतीत केली कपात

जगातील सर्वात व्यस्त इंटरनेशनल एयरपोर्ट हब असलेले दुबई, तसेच अबू धाबी आणि दोहा ही विमानतळं बंद आहेत किंवा या विमानतळावरुन मर्यादित उड्डाणंच सुरू होती. तेथील सामान्य हवाई वाहतूक पुन्हा सुरू झाल्याने भारताची सर्वात मोठी विमान कंपनी, इंडिगोला याचा जास्त फायदा होईल. यामुळेच आज कंपनीच्या शेअर्समध्ये मोठी वाढ झाली आहे. जेफरीजने इंडिगोच्या स्टॉकवरील ‘बाय’ रेटिंग कायम ठेवले आहे, पण त्याचे टारगेट प्राइस ₹६,१४० वरून ₹५,५०० पर्यंत कमी केले आहे.

इंडिगो शेअर्स

आज सकाळच्या सत्रात इंडिगोच्या शेअर्समध्ये ११ टक्क्यांची वाढ झाली. पश्चिम आशियातील शस्त्रसंधीमुळे कच्च्या तेलाच्या किमती घसरल्या आहेत. विमान कंपन्यांच्या ऑपरेटिंग मार्जिनमध्ये एटीएफ महत्त्वपूर्ण भूमिका बजावते. कच्च्या तेलाच्या किमतीतील घसरणीमुळे विमान कंपन्यांच्या नफ्यात वाढ होण्याची शक्यता आहे.

कच्च्या तेलाची किंमत

इराण युद्धानंतर कच्च्या तेलाच्या किमतीत मोठी वाढ झाली . मार्चमध्ये, त्या प्रति बॅरल सुमारे १२० डॉलरवर पोहोचल्या होत्या, जी युक्रेन युद्धाच्या सुरुवातीपासूनची सर्वात उच्च पातळी मानली जाते. मार्चमध्ये, किमती ५० टक्क्यांहून अधिक वाढल्या, जी इतिहासातील सर्वात मोठी वाढ होती. पण युद्धविराम झाल्यानंतर त्यात मोठी घसरण झाली आहे. ब्रेंट क्रूड सध्या ९३.९० डॉलरवर व्यवहार करत आहेत. त्यात १४.०७ टक्क्यांची घसरण झाली आहे.