(फोटो सौजन्य - सोशल मीडिया)
भारताचे नवे जनरल मॅनेजर म्हणून अश्विन के. हे देशभरातील सिंगापूर एअरलाइन्सच्या संपूर्ण कामकाजाचे आणि विस्ताराचे नेतृत्व करतील. यापूर्वी ते २०२४ पासून इटलीचे जनरल मॅनेजर म्हणून कार्यरत होते. त्याठिकाणी त्यांनी आपली उत्तम छाप पाडली. त्यानंतर आता आपल्या या नव्या भूमिकेत, ते कंपनीच्या सर्वात महत्त्वाच्या आंतरराष्ट्रीय बाजारांपैकी एक असलेल्या भारतीय बाजारपेठेकडे लक्ष्यकेंद्रिय करतील. त्या अनुषंगाने वाढीच्या रणनीतीचे नेतृत्व करणात आहेत. तसेच ट्रॅव्हल ट्रेड पार्टनर्स, ग्राहक आणि उद्योगातील प्रमुख भागधारकांशी असलेले संबंध जपून ठेवण्याचे आणि अधिक दृढ करण्याचं देखील काम करतील.
अश्विन के. यांना सिंगापूर एअरलाइन्सचा १२ वर्षांपेक्षा जास्त काळाचा अनुभव आहे. ते २०१४ मध्ये ‘ॲव्हिएशन नेटवर्क ॲनालिस्ट’ म्हणून कंपनीत रुजू झाले. त्यानंतर त्यांनी पश्चिम आशिया आणि आफ्रिकेचे ‘रीजनल मार्केटिंग मॅनेजर’ म्हणून जबाबदारी सांभाळली. पुढे त्यांनी बंगळुरू येथे कर्नाटक आणि तेलंगणा राज्यांचे स्टेट मॅनेजर आणि त्यानंतर ‘गल्फ अँड मिडल ईस्ट’चे जनरल मॅनेजर म्हणूनही काम पाहिले, जिथे त्यांनी या प्रदेशातील व्यावसायिक कामकाजाची धुरा सांभाळली होती. भारतात येण्यापूर्वी ते इटलीचे जनरल मॅनेजर होते.
आपल्या नव्या भूमिकेबद्दल बोलताना अश्विन के. म्हणाले, “जगातील सर्वात वेगाने वाढणाऱ्या विमान वाहतूक बाजारांपैकी एक असलेल्या भारतात सिंगापूर एअरलाइन्सच्या कामकाजाचे नेतृत्व करताना मला अत्यंत अभिमान वाटत आहे. भारत हा सिंगापूर एअरलाइन्ससाठी धोरणात्मकदृष्ट्या अत्यंत महत्त्वाचा बाजार आहे. आम्ही आमची पोहोच आणखी मजबूत करत असताना आमचे ग्राहक, ट्रॅव्हल ट्रेड पार्टनर्स आणि इंडस्ट्री स्टेकहोल्डर्सशी जोडले जाण्यासाठी मी उत्सुक आहे”.
त्यांनी पुढे नमुद केलं की, “आंतरराष्ट्रीय प्रवासाची मागणी जसजशी वाढत आहे आणि विमान वाहतूक क्षेत्र बदलत आहे, तसतसे आम्ही आमच्या विस्तृत जागतिक नेटवर्कद्वारे दर्जेदार सेवा आणि जागतिक दर्जाची उत्पादने देण्यास कटिबद्ध आहोत.” अश्विन के. हे मुंबईतून आपले कामकाज पाहणार आहेत. मुंबई हे सिंगापूर एअरलाइन्सच्या भारतातील सर्व कामकाजाचे मुख्य कार्यालय आहे.
.png "Videos"){kind=small}
