Teachers Retirement Age : सरकारी शिक्षकांसाठी मोठी बातमी! निवृत्तीचे वय 65 वर्षे होणार? जाणून घ्या नवीन अपडेट

Teachers Retirement Age : केंद्रीय सरकारी शिक्षकांच्या संघटनांनी ८व्या वेतन आयोगासमोर आपल्या विविध मागण्यांचा प्रस्ताव सादर केला आहे. यामध्ये शिक्षकांचे निवृत्तीचे वय ६० वरून ६५ वर्षे करणे आणि जुनी पेन्शन योजना पुन्हा लागू करणे या प्रमुख मागण्यांचा समावेश आहे.

• सरकारी शिक्षकांसाठी मोठी बातमी!
• निवृत्तीचे वय 65 वर्षे होणार?
• नेमकी काय मागणी?

Teachers Retirement Age : केंद्रीय शिक्षक संघटनांनी 8 व्या वेतन आयोगासमोर त्यांच्या अनेक मोठ्या मागण्या ठेवल्या आहेत. यामध्ये जुनी पेन्शन योजना पुनर्संचयित करणे, सेवानिवृत्तीचे वय 65 वर्षे करणे,  ( Teachers Retirement Age ) वेतन आणि भत्त्यांमध्ये समानता, पदोन्नती कोटा वाढवणे, अधिक सुट्ट्या आणि चांगल्या वैद्यकीय सुविधा यांच्यासारख्या प्रस्तावाचा समावेश आहे. यावर सरकारकडून काय निर्देश आलेत का? शिक्षकांच्या निवृत्तीचं वय खरंच 65 वर्षे होणार का? सविस्तर जाणून घेऊयात.

US Russia Bill : अमेरिकेचा भारताला मोठा झटका? रशियाशी व्यापारावर 100 % टॅरिफची टांगती तलवार; काय होणार परिणाम?

वयाच्या ६५ व्या वर्षी निवृत्ती

अनुभवी शिक्षकांना दीर्घ सेवेचा लाभ मिळावा यासाठी त्यांचे सध्याचे सेवानिवृत्तीचे वय ६० वरून ६५ वर्षे करण्याचा प्रस्ताव शिक्षकांनी मांडला आहे. नवीन पेन्शन योजना NPS आणि युनिफाइड पेन्शन योजना UPS रद्द करून जुनी पेन्शन योजना (OPS) पुनर्संचयित करण्याची त्यांची आणखी एक मागणी आहे.

वेतन आणि फिटमेंट फॅक्टरमध्ये वाढ

नवीन शिक्षकांचे मूळ वेतन ₹१,३४,००० पर्यंत वाढवण्याचा प्रस्ताव आहे. फिटमेंट फॅक्टर २.६२ पटींवरून ३.८३ पटींपर्यंत वाढवण्याचाही प्रस्ताव आहे. वार्षिक वेतनवाढ ३% वरून ६-७% पर्यंत वाढवण्याचीही मागणी आहे.

प्राचार्यांसाठी प्रमोशनचा कोटा वाढवण्याची मागणी

शिक्षक संघटनांनी असा प्रस्ताव दिला आहे की, ५०% विभागीय शिक्षकांची प्राचार्य पदावर पदोन्नतीने नियुक्ती करावी, तर उर्वरित २५% पदे परीक्षा-आधारित कोट्यातून भरावीत. याशिवाय, ‘हेड ऑफ सब्जेक्ट’ नावाचे एक नवीन पदोन्नतीचे पदही प्रस्तावित आहे.

सरकारी शिक्षकांच्या इतर काही प्रमुख मागण्या:

• सध्या, जास्तीत जास्त ३०० दिवसांची पगारी अर्जित रजा दिली जाते; ती ४०० दिवसांपर्यंत वाढवण्याची मागणी आहे.
• पुरुषांसाठी बालसंगोपन रजेचीही मागणी आहे.
• वयाच्या ६५ वर्षांनंतर निवृत्तीवेतनात वाढ करण्याचीही मागणी आहे.
• दरवर्षी १४ नैमित्तिक रजा, २० वैद्यकीय रजा आणि ३० अर्जित रजा देण्याचा प्रस्ताव आहे.

पुढे काय होणार?

सध्या, आठवा वेतन आयोग देशभरातील विविध राज्यांचा दौरा करत असून, विविध कर्मचारी संघटना आणि हितधारकांशी चर्चा करत आहे. देशाची आर्थिक परिस्थिती, आर्थिक संसाधने आणि खर्च यांचे मूल्यांकन केल्यानंतरच कोणताही निर्णय घेतला जाईल. शिफारसी प्रथम केंद्र सरकारला सादर केल्या जातील आणि त्यानंतरच त्यांना अंतिम रूप दिले जाईल.

5 Star Hotels Raid: तुम्ही खाताय सडलेल्या भाज्या, शिळे मांस, खराब दूध… झगमगत्या 5-स्टार हॉटेल्सची पोलखोल! FDA चा मोठा दणका