LPG संकटावर सरकारचा ‘मास्टरस्ट्रोक’! आता काही मिनिटांत मिळवा गॅस सिलेंडर, जाणून घ्या सविस्तर

भारतातही LPG चा तुटवडा जाणवत असताना मोदी सरकारने LPG उत्पादन वाढवलं आणि आयातीत विविधता आणत वेगवेगळ्या उपाययोजना करत परिस्थिती अधिक बिघडण्यापासून रोखली आहे. आताही या परिस्थितीवर आणखी एक उपाय सरकारने शोधून काढला आहे.

• LPG संकटावर सरकारचा ‘मास्टरस्ट्रोक’!
• ५-किलोग्रामचे छोटे LPG सिलिंडर
•  कसे मिळवायचे हे सिलेंडर?

LPG Crisis : अमेरिका आणि इराण यांच्यातील युद्ध आता पाचव्या आठवड्यात पोहोचलं आहे. सध्याच्या घडीला ते कधी संपेल याबाबत निश्चित अशी काही चिन्ह तर दिसत नाही आहेत. त्यात रविवारी, अमेरिकेचे अध्यक्ष डोनाल्ड ट्रम्प यांनी इराणला नवी धमकी दिली, ज्यामुळे त्यांच्यातील तणावाची परिस्थिती आणखीनच वाढली आहे. Hormuz Starit मधील तणाव कमी होण्याची अशा आता मावळली आहे. त्यामुळे जगभरातील तेल आणि वायूचं संकट आणखीनच तीव्र होत आहे. भारतातही LPG चा तुटवडा जाणवत असताना मोदी सरकारने LPG उत्पादन वाढवलं आणि आयातीत विविधता आणत वेगवेगळ्या उपाययोजना करत परिस्थिती अधिक बिघडण्यापासून रोखली आहे. आताही या परिस्थितीवर आणखी एक उपाय सरकारने शोधून काढला आहे.

उन्हाळ्याच्या सुट्टीत फिरण्याचं प्लॅनिंग करा, Flipkart उचलणार तुमच्या विमान प्रवासाचा खर्च! काय आहे ऑफर?

५-किलोग्रामचे छोटे LPG सिलिंडर

जागतिक परिस्थिती विस्कळीत असताना LPG गॅस एजन्सींबाहेर लांबच लांब रांगा लागत होत्या तेव्हा सरकारने स्पष्ट केले आहे की भारताकडे पुरेसा साठा आहे त्यामुळे घाबरुन खरेदी करण्याची गरज नाही. त्यामुळे परिस्थिती आटोक्यात आली. आता जागतिक स्थरावरील परिस्थिती निवळलेली नसतानाही भारतातील LPG च्या संकटावर उपाययोजना म्हणून, सरकारने मागणी पूर्ण करण्यासाठी ५-किलोग्राम एलपीजी सिलिंडरचा पुरवठा वाढवला आहे ५-किलोग्रामचे छोटे LPG सिलिंडर LPG डीलर्सकडे थेट उपलब्ध करून देण्यात आले आहेत, त्यांची विक्री सातत्याने वाढत आहे. पेट्रोलियम मंत्रालयाने सांगितले की, २३ मार्चपासून देशात अंदाजे ६.६ लाख सिलिंडर विकले गेले आहेत.

पीटीआयच्या वृत्तानुसार, अनुदानित १४.२-किलोग्रामच्या घरगुती सिलिंडरच्या विपरीत, या ५-किलोग्रामच्या एलपीजी बाटल्यांना एफटीएल सिलिंडर म्हटले जाते. ते बाजारभावाने उपलब्ध असून कोणत्याही जवळच्या गॅस विक्रेत्याकडून खरेदी करता येतात.

कसे मिळवायचे हे सिलेंडर?

सर्वात महत्त्वाचे म्हणजे, हे छोटे सिलिंडर खरेदी करण्यासाठी पत्त्याचा कोणताही पुरावा दाखवण्याची गरज नाही. तुम्हाला फक्त एक वैध ओळखपत्र लागेल आणि ते तुमच्यापर्यंत पोहोचवले जातील. LPG ची मागणी पूर्ण करण्यासाठी सरकारने या सिलिंडरचा पुरवठा वाढवला आहे.

साठेबाजीविरोधात सरकारी कारवाई:

शनिवारी सकाळी, सरकारने एक निवेदन जारी करून लोकांना पेट्रोल, डिझेल आणि LPG ची घाबरून खरेदी टाळण्याचे आवाहन केले आहे. पेट्रोलियम आणि नैसर्गिक वायू मंत्रालयाने एका निवेदनात म्हटले आहे की, पेट्रोलियम उत्पादने आणि स्वयंपाकाच्या गॅसची उपलब्धता सुनिश्चित करण्यासाठी सरकार सक्रिय पावले उचलत आहे.
याव्यतिरिक्त, तेल आणि LPG ची साठेबाजी आणि काळाबाजार यांविरुद्धची कारवाई सुरू आहे. ३,७०० हून अधिक छापे टाकण्यात आले असून LPG वितरकांना जवळपास १,००० कारणे दाखवा नोटीस बजावण्यात आल्या आहेत. इतकेच नव्हे, तर आतापर्यंत ३६ डीलर्सना निलंबित करण्यात आलं आहे.

‘रिफायनरी पूर्ण क्षमतेने कार्यरत आहेत’

सरकारने स्पष्ट केले आहे की घरगुती आणि वाहतुकीसाठी पूर्ण पुरवठा कायम ठेवला जात आहे, तर येणाऱ्या LNG कार्गोच्या मदतीने ६ एप्रिलपासून खत कारखान्यांना होणारा पुरवठा सरासरी वापराच्या सुमारे ९० टक्क्यांपर्यंत वाढण्याची अपेक्षा आहे.
मंत्रालयाच्या माहितीनुसार, देशातील सर्व तेलशुद्धीकरण प्रकल्प कच्च्या तेलाच्या पुरेसे साठे उपलब्ध असताना पूर्ण क्षमतेने कार्यरत आहेत आणि देशभरातील पेट्रोल पंप पूर्णपणे साठ्याने भरलेले आहेत.

Stock Market Today: अमेरिका-इराण तणावाचा शेअर बाजारावर परिणाम! गुंतवणूकदारांसाठी कुठे दडली संधी? जाणून घ्या